Mehsana Land Acquisition Office Sealed: નર્મદા યોજના માટે જમીન આપ્યા બાદ વર્ષો સુધી વળતર માટે રાહ જોતા ખેડૂતોએ આજે કાયદાકીય માર્ગે વહીવટી તંત્રને જડબાતોડ જવાબ આપ્યો છે. કડી સિવિલ કોર્ટના જપ્તી વોરંટના આધારે આજે મહેસાણા સ્થિત ખાસ જમીન સંપાદન અધિકારીની કચેરીને સીલ મારી દેવામાં આવ્યું હતું અને કચેરીનો તમામ સામાન જપ્ત કરવાની કાર્યવાહી હાથ ધરાઈ હતી.
Mehsana Land Acquisition Office Sealed: શું હતો સમગ્ર વિવાદ?
અરજદાર સોલંકી સેંધાજી પ્રતાપજી અને અન્ય ખેડૂતોની જમીન નર્મદા કેનાલ પ્રોજેક્ટ હેઠળ સંપાદિત કરવામાં આવી હતી. આ મામલે વર્ષ 2015માં લેન્ડ એક્વિઝિશન રેફરન્સ (LAR) કેસ દાખલ કરવામાં આવ્યા હતા. કોર્ટે ખેડૂતોની તરફેણમાં ચુકાદો આપી વળતર ચૂકવવાનો આદેશ કર્યો હોવા છતાં, તંત્ર દ્વારા લાંબા સમય સુધી રકમ ચૂકવવામાં ઉદાસીનતા દાખવવામાં આવી હતી.
Mehsana Land Acquisition Office Sealed: કોર્ટનું કડક વલણ અને જપ્તી વોરંટ
ન્યાય માટે વર્ષો સુધી લડત આપ્યા બાદ, અંતે કડીની સિવિલ કોર્ટે નાયબ કલેક્ટર અને ખાસ જમીન સંપાદન અધિકારી વિરુદ્ધ કડક વલણ અપનાવ્યું હતું. કોર્ટે કુલ રૂ. 4,30,327ની વસૂલાત માટે જંગમ મિલકત જપ્તીનું વોરંટ જારી કર્યું હતું.
Mehsana Land Acquisition Office Sealed: કચેરીમાં ‘ખુરશી-ટેબલ‘ની જપ્તી અને સીલ
કોર્ટના આદેશ સાથે આજે ખેડૂતો અને કોર્ટના બેલીફ મહેસાણા ખાતેની જમીન સંપાદન કચેરીએ પહોંચ્યા હતા. ત્યાં જઈને:
- કચેરીમાં રહેલા ટેબલ, ખુરશી અને અન્ય ફર્નિચર જેવો સામાન જપ્ત કરવામાં આવ્યો હતો.
- વસૂલાત પ્રક્રિયાના ભાગરૂપે કચેરીના મુખ્ય દરવાજાને સીલ મારી દેવામાં આવ્યું હતું.
વહીવટી આલમમાં ફફડાટ
સરકારી કચેરી સીલ થવાની આ ઘટનાએ સમગ્ર મહેસાણા વહીવટી તંત્રમાં ફફડાટ મચાવી દીધો છે. પોતાની જમીન ગુમાવ્યા બાદ વળતર માટે ધક્કા ખાતા ખેડૂતોએ આજે સાબિત કરી દીધું કે કાયદાના દ્વાર સૌના માટે સમાન છે. આ કાર્યવાહી અન્ય વિભાગો માટે પણ એક ચેતવણી સમાન માનવામાં આવી રહી છે જે ખેડૂતોના વળતરના કેસોમાં વિલંબ કરે છે.
વધુ સમાચાર વાંચવા માટે અંહી ક્લિક કરો : વૈશ્વિક અર્થતંત્ર માટે મોટા સમાચાર ઈરાને ‘સ્ટ્રેટ ઓફ હોર્મુઝ’માં આપી મોટી રાહત, ભારત સહિત મિત્ર દેશોના જહાજોને મંજૂરી
