Massive Recovery Drive in Surat: નાણાકીય વર્ષ પૂરું થવાને હવે ગણતરીના દિવસો બાકી છે ત્યારે સુરત મહાનગરપાલિકાએ વેરા વસૂલાત માટે કમર કસી છે. શહેરના સૌથી પોશ ગણાતા સાઉથ-વેસ્ટ (અઠવા) ઝોનમાં પાલિકાની ટીમે મંગળવારે આક્રમક ઝુંબેશ ચલાવી હતી. લાંબા સમયથી પ્રોપર્ટી ટેક્સ ન ભરનારા 168 મિલકતદારોની મિલકતોને સ્થળ પર જ સીલ મારી દેવામાં આવતા બાકીદારોમાં ફફડાટ વ્યાપી ગયો છે.
Massive Recovery Drive in Surat: કયા વિસ્તારોમાં થઈ કાર્યવાહી?
સાઉથ-વેસ્ટ ઝોનના આકારણી અને વસૂલાત વિભાગની અલગ-અલગ ટીમોએ 17 ફેબ્રુઆરીના રોજ શહેરના VIP વિસ્તારોમાં સપાટો બોલાવ્યો હતો, જેમાં નીચે મુજબના વિસ્તારોનો સમાવેશ થાય છે:
- વેસુ, અઠવાલાઇન્સ અને સિટીલાઇટ
- ડુમસ, ભટાર અને મજુરા
- અલથાણ અને ભીમરાડ
Massive Recovery Drive in Surat: એક જ દિવસમાં ₹70 લાખથી વધુની વસૂલાત
મનપાની કડક કાર્યવાહીની અસર એવી જોવા મળી કે અનેક મિલકતદારોએ સીલ વાગતાની સાથે જ ચેક અને રોકડ દ્વારા નાણાં ભરવાની તૈયારી બતાવી હતી. મનપાએ માત્ર એક જ દિવસની ડ્રાઈવમાં કુલ ₹70.67 લાખની વસૂલાત કરી હતી.
ઝોનની કુલ આવક ₹189 કરોડને પાર
વસૂલાત વિભાગની સતત મહેનતને કારણે સાઉથ-વેસ્ટ ઝોનની ચાલુ નાણાકીય વર્ષની કુલ આવક હવે ₹189.54 કરોડ પર પહોંચી ગઈ છે. પાલિકાના સૂત્રોના જણાવ્યા અનુસાર, હજુ પણ હજારો મિલકતદારો પાસે વેરો બાકી છે, જેના કારણે માર્ચ મહિનામાં આ ઝુંબેશ હજુ વધુ તેજ બનાવવામાં આવશે.
આ પણ વાંચો :થરાદ-પીલુડા રોડ પર કાળમુખો અકસ્માત: દારૂ ભરેલી ક્રેટા ગાડી બાવળ સાથે અથડાતા કચુંબર, બેનાં કરૂણ મોત
