Massive Raid in Surendranagar: સુરેન્દ્રનગર જિલ્લામાં બેફામ બનેલા ખનીજ માફિયાઓ સામે અત્યાર સુધીની સૌથી મોટી કાર્યવાહી કરવામાં આવી છે. સાયલા તાલુકાના સુદામડા ગામે ‘KGF’ ફિલ્મની યાદ અપાવે તેવી વિશાળ ગેરકાયદેસર ખાણો પર પોલીસે દરોડા પાડીને 18 કરોડ રૂપિયાનો મુદ્દામાલ જપ્ત કર્યો છે. આ કાર્યવાહીથી સમગ્ર જિલ્લાના ખનીજ માફિયાઓમાં ફફડાટ ફેલાઈ ગયો છે.
Massive Raid in Surendranagar: ખાખીનો મજબૂત સકંજો: 100થી વધુ જવાનો તૈનાત
જિલ્લા પોલીસ વડા પ્રેમસુખ ડેલુંના માર્ગદર્શન હેઠળ લીંબડી ડીવાયએસપી, સાયલા પોલીસ, એલસીબી (LCB) અને એસઓજી (SOG) ની ટીમોએ સંયુક્ત રીતે આ ઓપરેશન પાર પાડ્યું હતું. આ રેડમાં પીઆઈ, પીએસઆઈ સહિત 100થી વધુ પોલીસ કર્મચારીઓ જોડાયા હતા.
Massive Raid in Surendranagar:જપ્ત કરાયેલા સાધનોની વિગત:
પોલીસે સુદામડાની સીમમાં સરકારી ખરાબાની જમીન પર ચાલતી 5 મોટી ખાણો ઝડપી પાડી છે. સ્થળ પરથી મળેલા સાધનો જોઈને ખુદ તંત્ર પણ ચોંકી ઉઠ્યું હતું:
- 38 ડમ્પર
- 14 હિટાચી મશીન
- બ્લેકટ્રેપ પથ્થરનો મોટો જથ્થો
ગેરકાયદેસર કાળી કમાણીનું નેટવર્ક
તપાસમાં સામે આવ્યું છે કે ખનીજ માફિયાઓ સરકારી જમીન પર બેફામ ખોદકામ કરી, પથ્થર કાઢી તેમાંથી કપચી બનાવીને વેચતા હતા. અગાઉ પણ અહીં દરોડા પડ્યા હોવા છતાં ખનીજ ચોરી અટકતી નહોતી. માફિયાઓ પથ્થરનું ગેરકાયદેસર ખોદકામ કરી કાળી કમાણી કરી રહ્યા હોવાનું ખુલ્યું છે.
હવે માપણી અને દંડની પ્રક્રિયા
એસપી પ્રેમસુખ ડેલુંએ જણાવ્યું હતું કે, આ પોલીસ વિભાગની સૌથી મોટી રેડ છે. હાલમાં તમામ વાહનો અને ખાણો સીલ કરી દેવામાં આવી છે. ગેરકાયદેસર ખોદકામની ચોક્કસ માપણી કરવા અને દંડની રકમ નક્કી કરવા માટે આ કેસની તપાસ ખાણ ખનીજ વિભાગને સોંપવામાં આવી છે.
સૌથી મોટો સવાલ: આટલી મોટી ‘KGF’ જેવી ખાણો કોના આશીર્વાદથી ધમધમતી હતી? પોલીસ હવે આ સમગ્ર નેટવર્કના માસ્ટરમાઈન્ડ સુધી પહોંચવા તપાસ તેજ કરી છે.
