Market Crash: સપ્તાહના પ્રથમ દિવસે જ ભારતીય શેરબજારમાં ભૂકંપ જેવી સ્થિતિ જોવા મળી છે. મિડલ ઈસ્ટમાં વધતા તણાવ અને ડોનાલ્ડ ટ્રમ્પના અલ્ટિમેટમ બાદ આજે 23 માર્ચના રોજ શેરબજારમાં જોરદાર કડાકો બોલાયો છે. સેન્સેક્સ લગભગ 1800 પોઈન્ટના ઘટાડા સાથે 72,700 ના સ્તરે પહોંચી ગયો છે, જ્યારે નિફ્ટી પણ 550 પોઈન્ટ તૂટીને 22,650 પર ટ્રેડ કરી રહ્યો છે.
Market Crash: બજાર કેમ તૂટ્યું? આ છે 3 મુખ્ય કારણો:
- યુદ્ધનું સંકટ: અમેરિકા-ઈઝરાયેલ અને ઈરાન વચ્ચે વધતા તણાવને કારણે વૈશ્વિક સપ્લાય ચેઈન ખોરવાઈ ગઈ છે. ટ્રમ્પની હોર્મુઝ સ્ટ્રેટ બંધ કરવાની ધમકીએ બજારમાં ભયનો માહોલ પેદા કર્યો છે.
- ક્રૂડ ઓઈલનો ભડકો: કાચા તેલના ભાવમાં જોરદાર ઉછાળો આવ્યો છે. બ્રેન્ટ ક્રૂડ 114 ડોલર પ્રતિ બેરલ સુધી પહોંચી ગયું છે, જે ભારત જેવા આયાત નિર્ભર દેશ માટે ચિંતાનો વિષય છે.
- ગ્લોબલ માર્કેટમાં ઘટાડો: અમેરિકી બજાર (ડાઉ જોન્સ, નાસ્ડેક) અને એશિયન બજારો (નિક્કેઈ, હેંગસેંગ) માં આવેલા મોટા ઘટાડાની સીધી અસર ભારતીય બજાર પર પડી છે.
Market Crash: તમામ સેક્ટરમાં લાલચોળ વેચવાલી
આજના ઘટાડામાં સૌથી વધુ ફટકો બેન્કિંગ, ઓટો, FMCG અને IT શેરોને પડ્યો છે. સેન્સેક્સના તમામ 30 શેર અત્યારે લાલ નિશાનમાં (ઘટાડા સાથે) કારોબાર કરી રહ્યા છે. શુક્રવારની તેજી બાદ આજે બજારમાં આવેલી આ સુનામીથી રોકાણકારોની સંપત્તિમાં મોટું ધોવાણ થયું છે.
Market Crash: વિદેશી રોકાણકારોનો હાથ ખેંચાયો
માર્ચ મહિનામાં અત્યાર સુધીમાં વિદેશી સંસ્થાકીય રોકાણકારો (FIIs) એ ભારતીય બજારમાંથી ₹86,780 કરોડ પાછા ખેંચી લીધા છે. જોકે, ઘરેલું રોકાણકારો (DIIs) ખરીદી કરીને બજારને ટેકો આપવાનો પ્રયાસ કરી રહ્યા છે, પરંતુ વૈશ્વિક નકારાત્મક સમાચારો સામે તે પૂરતું સાબિત થઈ રહ્યું નથી.
વધુ સમાચાર વાંચવા માટે અંહી ક્લિક કરો : બોક્સ ઓફિસ પર ‘ધુરંધર’નું વાવાઝોડું 4 જ દિવસમાં 750 કરોડની કમાણી, રણવીરના ‘ઘોસ્ટ લુક’ પાછળનો ચોંકાવનારો ખુલાસો
