મણિપુર હિંસાનો મામલો
કુકી સમુદાયે સેનાને સુરક્ષા સોંપવાની માંગ કરી
અરજી પર તાત્કાલિક સુનાવણીનો ઇનકાર કર્યો
મણિપુર હિંંસા અંગે સુપ્રીમ કોર્ટમાં અરજી કરવામાં આવી છે.સુપ્રીમ કોર્ટે મંગળવારે મણિપુર હિંસા સંબંધિત અરજીની તાત્કાલિક સુનાવણી કરવાનો ઇનકાર કર્યો હતો. મણિપુર ટ્રાઇબલ ફોરમ દ્વારા દાખલ કરવામાં આવેલી આ અરજીમાં માંગ કરવામાં આવી હતી કે રાજ્યમાં રહેતા કુકી સમુદાયની સુરક્ષાની જવાબદારી ભારતીય સેનાને આપવામાં આવે. આ મામલે તાત્કાલિક સુનાવણી કરવાનો ઈન્કાર કરતા સુપ્રીમ કોર્ટે અરજીને 3 જુલાઈના રોજ સુનાવણી માટે મોકલી હતી. કોર્ટે કહ્યું કે આ સંપૂર્ણ રીતે કાયદો અને વ્યવસ્થાનો મામલો છે. દરમિયાન, કેન્દ્રએ સુપ્રીમ કોર્ટને જણાવ્યું હતું કે સુરક્ષા એજન્સીઓ પરિસ્થિતિને નિયંત્રિત કરવા માટે તેમના શ્રેષ્ઠ પ્રયાસો કરી રહી છે.
વરિષ્ઠ વકીલ કોલિન ગોન્સાલ્વેસે જસ્ટિસ સૂર્યકાંત અને જસ્ટિસ એમએમ સુરેશની વેકેશન બેન્ચ સમક્ષ મણિપુર ટ્રાઇબલ ફોરમની અરજીનો ઉલ્લેખ કર્યો હતો. આ મામલે કેન્દ્ર વતી સોલિસિટર જનરલ તુષાર મહેતાનો પક્ષ રજૂ કરવામાં આવ્યો હતો.
મણિપુર ટ્રાઈબલ ફોરમે આરોપ લગાવ્યો છે કે રાજ્યમાં કૂકીઝ સુરક્ષિત નથી. NGOએ સુપ્રીમ કોર્ટને કેન્દ્ર સરકારના ખોટા આશ્વાસન પર વિશ્વાસ ન કરવા અને કુકી સમુદાયની સુરક્ષા ભારતીય સેનાને સોંપવા જણાવ્યું હતું. ઉલ્લેખનીય છે કે, લગભગ એક મહિના પહેલા મણિપુરમાં શરૂ થયેલી હિંસામાં અત્યાર સુધીમાં 100 લોકોના મોત થયા છે. કુકી અને મેઇતેઈ સમુદાયો વચ્ચે હિંસાના છૂટાછવાયા બનાવો હજુ પણ ચાલુ છે.નોંધનીય છે કે મણિપુરમાં ફાટી નીકળેલી હિંસા યથાવત છે.જેમાં અનેક નિર્દોષ લોકો જીવ ગુમાવી ચુક્યા છે. પરંતુ હિંસા કાબુમાં આવી નથી
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
