Major Blow for India: ભારતીય એથ્લેટિક્સ જગતમાંથી એક મોટા સમાચાર સામે આવ્યા છે. સ્ટાર જેવલિન થ્રોઅર નીરજ ચોપરા એંકલની ગંભીર ઈજાના કારણે આગામી એશિયન ગેમ્સ સહિતની મહત્વપૂર્ણ સ્પર્ધાઓમાંથી બહાર થઈ ગયો છે. શનિવારે સોશિયલ મીડિયા પર પોસ્ટ શેર કરીને નીરજે આ વાતની સત્તાવાર માહિતી આપી હતી. લોઝેન ડાયમંડ લીગમાં સીઝનનો સર્વશ્રેષ્ઠ થ્રો કર્યા બાદ ટ્રેનિંગ દરમિયાન તેના એંકલનું લિગામેન્ટ ફાટી ગયું છે.
આ ઈજાના કારણે નીરજ 5 સપ્ટેમ્બરે બ્રસેલ્સમાં યોજાનાર ડાયમંડ લીગ ફાઇનલ અને 11થી 13 સપ્ટેમ્બર દરમિયાન બુડાપેસ્ટમાં યોજાનાર પ્રથમ વર્લ્ડ એથલેટિક્સ અલ્ટીમેટ ચેમ્પિયનશીપમાં પણ ભાગ લઈ શકશે નહીં.
Major Blow for India: એશિયન ગેમ્સમાં હવે કોણ આપશે અરશદ નદીમને ટક્કર?
નીરજ ચોપરાની ગેરહાજરીમાં હવે સૌથી મોટો સવાલ એ ઊભો થયો છે કે પાકિસ્તાનના સ્ટાર જેવલિન થ્રોઅર અરશદ નદીમને કોણ પડકાર આપશે? આ પરિસ્થિતિમાં તમામની નજર ભારતીય એથ્લીટ રોહિત યાદવ પર ટકેલી છે. રોહિત અને અરશદ અગાઉ પણ અનેક મોટી આંતરરાષ્ટ્રીય સ્પર્ધાઓમાં આમને-સામને આવી ચૂક્યા છે.
- રોહિત યાદવની પ્રોફાઇલ: રોહિત ભારતનો અગ્રણી જેવલિન થ્રોઅર છે. તેણે 2022 વર્લ્ડ ચેમ્પિયનશિપ, કોમનવેલ્થ ગેમ્સ તેમજ 2026 કોમનવેલ્થ ગેમ્સમાં અરશદ નદીમનો સામનો કર્યો છે. તાજેતરની 2026 કોમનવેલ્થ ગેમ્સમાં રોહિતે 81.56 મીટરના શાનદાર થ્રો સાથે અરશદ કરતા ઉપર સ્થાન મેળવ્યું હતું.
- અરશદ નદીમની પ્રોફાઇલ: પાકિસ્તાનનો આ સ્ટાર ખેલાડી પેરિસ ઓલિમ્પિક 2024માં ગોલ્ડ મેડલ જીતીને ઇતિહાસ રચી ચૂક્યો છે. તેના નામે 92.97 મીટરનો ઓલિમ્પિક અને એશિયન રેકોર્ડ નોંધાયેલો છે.
Major Blow for India: હેડ-ટુ-હેડ રેકોર્ડ: કોણ કયા ખેલાડી પર ભારે?
અરશદ નદીમ અને રોહિત યાદવ વચ્ચે અત્યાર સુધીના 6 મુખ્ય મુકાબલાઓમાં અરશદનો રેકોર્ડ થોડો મજબૂત રહ્યો છે.
- 2022 વર્લ્ડ ચેમ્પિયનશિપ: ફાઇનલમાં અરશદ 86.16 મીટર સાથે પાંચમા અને રોહિત 78.72 મીટર સાથે 10મા સ્થાને રહ્યો હતો.
- 2022 કોમનવેલ્થ ગેમ્સ: અરશદે 90.18 મીટરનો ઐતિહાસિક થ્રો કરીને ગોલ્ડ જીત્યો હતો, જ્યારે રોહિત 82.22 મીટર સાથે છઠ્ઠા સ્થાને રહ્યો હતો.
- 2026 કોમનવેલ્થ ગેમ્સમાં પલડું બદલાયું: જોકે, 2026 કોમનવેલ્થ ગેમ્સની ફાઇનલમાં રોહિત યાદવે 81.56 મીટરનો થ્રો કરીને સાતમું સ્થાન મેળવ્યું હતું, જ્યારે અરશદ નદીમ 77.41 મીટર સાથે નવમા સ્થાને સરકી ગયો હતો. આ સાબિત કરે છે કે રોહિત તેને સખત ટક્કર આપવાની પૂરી ક્ષમતા ધરાવે છે.
Major Blow for India: નીરજ ચોપરાનું નિવેદન: ‘લય મેળવવાની નજીક હતો’
નીરજે જણાવ્યું કે ભારે મહેનત બાદ તેને લાગી રહ્યું હતું કે તે પોતાની શ્રેષ્ઠ લયમાં પરતી રહ્યો છે, જે લોઝેનમાં તેના 88.05 મીટરના થ્રો પરથી સાબિત પણ થતું હતું. તે આ સીઝનમાં બે ડાયમંડ લીગ રમીને બંનેમાં બીજા સ્થાને રહીને ફાઇનલ માટે ક્વોલિફાય થઈ ચૂક્યો હતો. અગાઉ તે પીઠની નીચલા ભાગની (લોઅર બેક) ઈજામાંથી પણ પરત ફરી રહ્યો હતો. ગ્લાસગો કોમનવેલ્થ ગેમ્સમાં સંપૂર્ણ ફિટ ન હોવા છતાં તેણે 85.83 મીટરના થ્રો સાથે સિલ્વર મેડલ પોતાના નામે કર્યો હતો.
નીરજે અગાઉ 2018 જકાર્તા અને 2023 હાંગઝોઉ એશિયન ગેમ્સમાં ભારત માટે ગોલ્ડ મેડલ જીત્યા છે. હવે તેની ગેરહાજરીમાં રોહિત યાદવ ભારત માટે નવી આશા બનીને ઉભરી રહ્યો છે.
વધુ સમાચાર વાંચવા માટે અંહી ક્લિક કરો
કેનેડામાં વિદેશી કામદારોને મોટી રાહત: વર્ક પરમિટ માટે હવે 90 દિવસની તક
