Maharastra :‘મહારાષ્ટ્રના રાજકીય ઇતિહાસમાં શનિવારનો દિવસ એક ઐતિહાસિક ક્ષણ તરીકે નોંધાયો છે. સ્વર્ગસ્થ અજિત પવારના પત્ની સુનેત્રા પવાર શનિવારે રાજ્યના પ્રથમ મહિલા નાયબ મુખ્યમંત્રી (Dy.CM) તરીકે શપથ લીધા. રાજ્યપાલ આચાર્ય દેવવ્રતે મુંબઈ સ્થિત લોકભવનમાં તેમને પદ અને ગોપનીયતાની શપથ લેવડાવી.
Maharastra :‘શરદ પવારની નોંધપાત્ર હાજરી
શપથગ્રહણ સમારોહ આશરે 12 મિનિટ સુધી ચાલ્યો હતો. આ સમારોહમાં એનસીપીના વરિષ્ઠ નેતા શરદ પવારની નોંધપાત્ર હાજરી રહી હતી, જે રાજકીય રીતે મહત્વપૂર્ણ માનવામાં આવી રહી છે.
આ પહેલાં દિવસે એનસીપી ધારાસભ્ય દળ અને વિધાન પરિષદના સભ્યોની વિધાનભવન ખાતે બેઠક યોજાઈ હતી, જેમાં સર્વસંમતિથી સુનેત્રા પવારને પાર્ટીના નેતા તરીકે પસંદ કરવામાં આવ્યા હતા. દિલીપ વાલસે પાટીલે તેમના નામનો પ્રસ્તાવ મૂક્યો હતો, જેને સર્વે સભ્યોએ સમર્થન આપ્યું હતું.
ડેપ્યુટી સીએમ તરીકે શપથ લેતા પહેલા સુનેત્રા પવારે રાજ્યસભાના સાંસદ પદેથી રાજીનામું આપી દીધું હતું. નોંધનીય છે કે 28 જાન્યુઆરીએ બારામતીમાં થયેલા દુર્ઘટનાગ્રસ્ત પ્લેન ક્રેશમાં અજિત પવારનું નિધન થયું હતું. તેમના નિધન બાદ ખાલી પડેલું નાયબ મુખ્યમંત્રીનું પદ માત્ર ચાર દિવસમાં ફરી ભરાયું છે.
અજિત પવારના અવસાન બાદ સુનેત્રા પવારનું આ રાજકીય પગલું રાજ્યની રાજનીતિમાં નવી દિશા અને ભાવનાત્મક સંદેશ આપતું માનવામાં આવી રહ્યું છે.
Maharastra:સુનેત્રા પવારની રાજકીય યાત્રા
મહારાષ્ટ્રની રાજનીતિમાં એક નવો ઇતિહાસ રચાયો છે. એનસીપીના વરિષ્ઠ નેતા સ્વર્ગસ્થ અજિત પવારના પત્ની સુનેત્રા પવાર મહારાષ્ટ્રના પ્રથમ મહિલા નાયબ મુખ્યમંત્રી બન્યા છે. તેમના શપથગ્રહણ સાથે જ રાજ્યની રાજકીય સફરમાં મહિલાઓની ભૂમિકાને નવી ઓળખ મળી છે.
સુનેત્રા પવારનો જન્મ 18 ઑક્ટોબર 1963ના રોજ થયો હતો. તેમના પિતા ભાઉસાહેબ પાટીલ અને માતા પ્રખ્યાત પાટીલ છે. બંનેએ તેમને સંસ્કાર અને શિક્ષણ સાથે ઉછેર્યા હતા. સુનેત્રાએ 1983માં કોમર્સમાં ગ્રેજ્યુએશન પૂર્ણ કર્યું હતું.
1985માં તેમણે અજિત પવાર સાથે લગ્ન કર્યા. આ દંપતીને બે પુત્ર છે. લાંબા સમય સુધી જાહેર જીવનથી દૂર રહીને પરિવાર અને સામાજિક કાર્યોમાં સક્રિય રહેલી સુનેત્રા પવાર હવે સીધા રાજકારણના મથકમાં આવી છે.
સામાજિક ક્ષેત્રે પણ સુનેત્રા પવારનું મહત્વપૂર્ણ યોગદાન રહ્યું છે. તેમણે ‘એન્વાયર્નમેન્ટલ ફોરમ ઈન્ડિયા’ નામની એનજીઓ સ્થાપી હતી, જે મહિલાઓને રોજગાર અને આત્મનિર્ભર બનાવવાના હેતુથી કાર્ય કરે છે. તેઓ વિદ્યા પ્રતિષ્ઠાન ટ્રસ્ટ તેમજ પુણે યુનિવર્સિટીની સેનેટની સભ્ય પણ રહી ચૂક્યા છે.
રાજકારણમાં તેમની એન્ટ્રી વર્ષ 2024માં થઈ, જ્યારે તેમણે લોકસભાની ચૂંટણી લડી હતી. જો કે તેમને પરાજય મળ્યો હતો, છતાં તેમની રાજકીય સક્રિયતા સતત વધી. અજિત પવારના દુર્ઘટનાગ્રસ્ત અવસાન બાદ ખાલી પડેલા ડેપ્યુટી સીએમ પદ પર સુનેત્રા પવારની પસંદગી કરવામાં આવી.
18 જૂન 2024ના રોજ વિધાનસભા દળના નેતા તરીકે ચૂંટાયા બાદ તેમણે મહારાષ્ટ્રના પ્રથમ મહિલા નાયબ મુખ્યમંત્રી તરીકે શપથ લીધા. સુનેત્રા પવારનું આ પ્રસ્થાન માત્ર એક વ્યક્તિની રાજકીય સફળતા નહીં, પરંતુ રાજ્યની રાજનીતિમાં મહિલાઓના સશક્તિકરણનું પ્રતીક માનવામાં આવી રહ્યું છે.
આ પણ વાંચો :અજિત પવારનાં પત્ની સુનેત્રા પવાર બનશે મહારાષ્ટ્રનાં પ્રથમ મહિલા નાયબ મુખ્યમંત્રી
