મહારાષ્ટ્ર:ભૂસ્ખલન સ્થળ પર સર્ચ ઓપરેશન ત્રીજા દિવસે પણ ચાલુ
86 લોકો હજુ પણ ગુમ
યવતમાલમાં વરસાદને કારણે પાણી ભરાયા
મહારાષ્ટ્રના રાયગઢ જિલ્લાના ઈર્શાલવાડી ગામમાં સર્ચ અને રેસ્ક્યુ ઓપરેશન શનિવારે ત્રીજા દિવસે ફરી શરૂ થયું. અહીં મોટા પાયે ભૂસ્ખલનને કારણે 20થી વધુ લોકોનાં મોત નીપજ્યાં છે, જ્યારે 86 ગ્રામજનો હજુ સુધી શોધી શકાયા નથી. અધિકારીઓએ આ માહિતી આપી હતી. મહારાષ્ટ્ર ના મુંબઈથી લગભગ 80 કિમી દૂર આવેલા ખાલાપુર તહસીલ હેઠળ પહાડી ઢોળાવ પર સ્થિત આદિવાસી ગામમાં બુધવારે રાત્રે ભૂસ્ખલન થયું હતું. તે જ સમયે, મહારાષ્ટ્રના વિદર્ભ ક્ષેત્રના યવતમાલમાં અવિરત વરસાદને કારણે ભારે પાણી ભરાઈ ગયા છે. અવિરત વરસાદને કારણે યવતમાલમાં ઘરો અને રસ્તાઓ પાણીમાં ડૂબી ગયા છે.
એક જ પરિવારના નવ સભ્યોના મોત થયા છે
મહારાષ્ટ્રના રાયગઢ જિલ્લાના ઈર્શાલવાડી ગામમાંથી વધુ બે મૃતદેહો મળી આવ્યા બાદ ભૂસ્ખલનમાં મૃત્યુઆંક વધીને 24 થઈ ગયો છે. એક અધિકારીએ આ માહિતી આપી. ગુરુવારે સાંજ સુધી ભૂસ્ખલનથી મૃત્યુઆંક 16 હતો, પરંતુ શુક્રવારે વધુ છ મૃતદેહો મળી આવ્યા બાદ આંકડો વધીને 22 થયો હતો. મૃતકોમાં નવ પુરુષો, નવ મહિલાઓ અને ચાર બાળકોનો સમાવેશ થાય છે. અધિકારીઓએ જણાવ્યું કે આ દુર્ઘટનામાં એક જ પરિવારના નવ સભ્યોના મોત થયા છે. નેશનલ ડિઝાસ્ટર રિસ્પોન્સ ફોર્સ (NDRF) અને અન્ય સરકારી એજન્સીઓ દ્વારા શોધ અને બચાવ કામગીરી શનિવારે સવારે ત્રીજા દિવસે ફરી શરૂ થઈ હતી, એક પોલીસ અધિકારીએ જણાવ્યું હતું.
એનડીઆરએફના એક અધિકારીએ જણાવ્યું કે ભારે વરસાદને કારણે શુક્રવારે સાંજે લગભગ 6 વાગ્યે સર્ચ ઓપરેશન બંધ કરવામાં આવ્યું હતું. તેમણે કહ્યું કે, NDRF અને અન્ય એજન્સીઓની ચાર ટીમોએ શનિવારે સવારે ફરી ઓપરેશન શરૂ કર્યું. પહાડીના ઢોળાવ પર સ્થિત ગામના 48 ઘરોમાંથી ઓછામાં ઓછા 17 મકાનો ભૂસ્ખલનના કાટમાળ નીચે સંપૂર્ણ અથવા આંશિક રીતે દટાયા હતા.
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
