Liquor in Chemical Barrels: ગુજરાતમાં દારૂબંધી હોવા છતાં બુટલેગરો અવનવા કીમિયા અજમાવી રહ્યા છે, પરંતુ પોલીસની સતર્કતા સામે તેમનો ગજ વાગ્યો નથી. સરખેજ પોલીસે સાણંદ-સરખેજ હાઈવે પર એક ગોડાઉનમાં દરોડો પાડીને કેમિકલના બેરલમાં છુપાવીને લવાતો ₹10.12 લાખની કિંમતનો વિદેશી દારૂ ઝડપી પાડ્યો છે.
Liquor in Chemical Barrels: કેમિકલના નામે દારૂનું ટ્રાન્સપોર્ટ
સરખેજ પોલીસની ટીમને ચોક્કસ બાતમી મળી હતી કે સાગર હોટલ પાછળ આવેલા ‘સહયોગ એસ્ટેટ’ના એક ગોડાઉનમાં મુંબઈથી કેમિકલના નામે દારૂનો જથ્થો આવ્યો છે. પોલીસ જ્યારે ‘ગુજરાત ગુડ્સ સર્વિસ ટ્રાન્સપોર્ટ’ના ગોડાઉન પર પહોંચી, ત્યારે ત્યાં પડેલા લોખંડના 8 મોટા બેરલ શંકાસ્પદ જણાયા હતા. આ બેરલ ખોલતા જ પોલીસ પણ ચોંકી ઉઠી હતી, કારણ કે અંદર કેમિકલ નહીં પણ વિદેશી દારૂની 5,600 બોટલો ભરેલી હતી.
Liquor in Chemical Barrels: મહારાષ્ટ્રથી ગાંધીધામ સુધીનું કનેક્શન
તપાસમાં સામે આવ્યું છે કે આ દારૂનું નેટવર્ક ઘણું મોટું છે:
- મોકલનાર: મહારાષ્ટ્રના વસઈ સ્થિત ‘જ્યોતિ કેમિકલ્સ ટ્રેડર્સ’.
- દસ્તાવેજો: બિલ્ટીમાં ‘Pu Hardner’ કેમિકલ હોવાનું દર્શાવી પોલીસની આંખમાં ધૂળ નાખવાનો પ્રયાસ કરાયો હતો.
- ગંતવ્ય: આ જથ્થો અમદાવાદ થઈને ગાંધીધામ પહોંચાડવાનું ષડયંત્ર હતું.
Liquor in Chemical Barrels: ડ્રાઈવરની ધરપકડ અને કબૂલાત
પોલીસે માલની ડિલિવરી લેવા આવેલા આકાશ ભરવાડ નામના ડ્રાઈવરની ધરપકડ કરી છે. પૂછપરછમાં ડ્રાઈવરે કબૂલ્યું કે તેને વધુ ભાડાની લાલચ આપીને આ કામ સોંપવામાં આવ્યું હતું. તેને માત્ર એટલી જ સૂચના હતી કે આ કેમિકલના બેરલ ગાંધીધામ પહોંચાડવાના છે.
આગળની કાર્યવાહી
સરખેજ પોલીસે કુલ ₹10,12,000 નો મુદ્દામાલ જપ્ત કરી ગુનો નોંધ્યો છે. આ કેસમાં ટ્રાન્સપોર્ટ મેનેજરના દસ્તાવેજો પણ બોગસ હોવાનું ખુલ્યું છે. હવે પોલીસ આ દારૂ મોકલનાર અને મંગાવનાર મુખ્ય સૂત્રધારો સુધી પહોંચવા માટે મહારાષ્ટ્ર અને ગાંધીધામ સુધી તપાસનો દોર લંબાવ્યો છે.
વધુ સમાચાર વાંચવા માટે અંહી ક્લિક કરો
