JIO DISNEY : એશિયાના સૌથી ધનાઢ્ય વ્યક્તિ મુકેશ અંબાણીનો બિઝનેસ ઓઈલથી લઈને ગ્રીન એનર્જી સુધી ફેલાયેલો છે અને તેઓ તેને સતત વધારી રહ્યા છે. હવે અંબાણી બીજા સેક્ટરમાં પણ મહારથ હાંસલ કરવા માટે તૈયાર છે. એક રિપોર્ટ પ્રમાણે રિલાયન્સ ઈન્ડસ્ટ્રીઝ અને વોલ્ટ ડિઝની વચ્ચે મર્જર માટે ડીલ સાઈન કરવામાં આવી છે.
RIL 61 ટક્કા હિસ્સો ધરાવશે તેવી શક્યતાઓ
બ્લૂમબર્ગના રિપોર્ટ પ્રમાણે, મુકેશ અંબાણીની રિલાયન્સ ઇન્ડસ્ટ્રીઝ લિમિટેડ (RIL) અને વોલ્ટ ડિઝની કંપનીએ ભારતમાં તેમના મીડિયા ઓપરેશન્સને મર્જ કરવા માટે કરાર સાઇન કર્યા છે. આ કરાર હેઠળ, રિલાયન્સ અને તેના સહયોગીઓ મર્જર પછી રચાયેલી મીડિયા એન્ટિટીમાં ઓછામાં ઓછો 61 ટકા હિસ્સો ધરાવે તેવી અપેક્ષા છે, જ્યારે બાકીનો હિસ્સો વોલ્ટ ડિઝની પાસે રહેશે.
JIO DISNEY : ટૂંક સમયમાં જાહેરાત થાય તેવી શક્યતાઓ
આ મહિનાની શરૂઆતથી જ આ ડીલને લઈને મોટા સંકેતો મળી રહ્યા છે. અગાઉ વોલ સ્ટ્રીટ જર્નલે પણ એક રિપોર્ટમાં કહ્યું હતું કે, વોલ્ટ ડિઝની તેના ભારતીય બિઝનેસનો 60 ટકા હિસ્સો Viacom18ને વેચવા માટે તૈયાર છે. જો કે, બે ભાગીદારો વચ્ચેના હિસ્સાના વિભાજનનો અંદાજ છે અને ડીઝનીની અન્ય સ્થાનિક પ્રોપર્ટીઝને ડીલ ફાઈનલ થાય ત્યાં સુધીમાં કેવી રીતે સામેલ કરવામાં આવે છે તેના આધારે તે બદલાઈ શકે છે. એવું માનવામાં આવે છે કે આ અઠવાડિયે બંને કંપનીઓ દ્વારા આ ડીલ અંગે મોટી જાહેરાત કરવામાં આવી શકે છે.
JIO DISNEY : બંને વચ્ચે કરાર પર વાતચીત શરૂ
રિલાયન્સ અને ડિઝનીએ મર્જર ડીલ પર હસ્તાક્ષર કર્યાના સમાચાર અંગે બંને કંપનીઓ દ્વારા હજુ સુધી કોઈ સત્તાવાર જાહેરાત કરવામાં આવી નથી. જો કે, જો આ બે મોટી કંપનીઓ વચ્ચેનું આ મર્જર સફળ રહેશે તો રિલાયન્સ અને ડિઝની મળીને ભારતીય મીડિયા ઈન્ડસ્ટ્રીમાં એક મોટા ખેલાડીની ભૂમિકા ભજવશે. રિપોર્ટમાં અનુમાન છે કે આ મર્જર હેઠળ રિલાયન્સ 61 ટકા હિસ્સા માટે 1.5 ડોલર બિલિયનનું રોકાણ કરશે.
JIO DISNEY : Tata Play ખરીદવા માટે ડીલ થશે
રિલાયન્સ અને ડિઝની ડીલ પર અપડેટ આપતી વખતે, એક રિપોર્ટમાં એવો પણ દાવો કરવામાં આવ્યો હતો કે મનોરંજન ક્ષેત્રેને આગળ વધારવા માટે, મુકેશ અંબાણીની આગેવાની હેઠળની રિલાયન્સ વોલ્ટ ડિઝની પાસેથી ટાટા પ્લે ખરીદી રહી છે. જો આ વાટાઘાટો સફળ થશે તો આ પહેલીવાર હશે જ્યારે ટાટા-અંબાણી એકસાથે કોઈ સાહસમાં જોડાશે. આ ડીલ વચ્ચે રિલાયન્સ ઈન્ડસ્ટ્રીઝ ટાટા પ્લેમાં 29.8 ટકા હિસ્સા માટે વોલ્ટ ડિઝની કંપની સાથે વાતચીત કરી રહી છે.
लेटेस्ट खबरो के लिए यहाँ क्लिक करे
यूट्यूब चैनल पर शॉर्ट्स देखने के लिए यहाँ क्लिक करे
पंजाब में और क्या चल रहा है – यहाँ से क्लिक कर के जाने
दिलचस्प खबरों के लिए यहाँ क्लिक करे
Discover more from VR LIVE GUJARAT: Gujarat News
Subscribe to get the latest posts to your email.