Instagram Cop Behind Bars: સોશિયલ મીડિયાના માધ્યમથી સરકારી ઉચ્ચ અધિકારી તરીકેની ખોટી ઓળખ ઊભી કરી લોકો સાથે ઠગાઈ કરતા તત્ત્વો સામે પોલીસે લાલ આંખ કરી છે. રાજકોટ રેન્જ આઈજી (Range IG) ના સીધા માર્ગદર્શન હેઠળ ટેકનિકલ ટીમે સુરેન્દ્રનગરમાંથી એક એવા શાતિર ભેજાબાજને ઝડપી પાડ્યો છે, જે પોતે રાજ્ય સ્તરનો ડેપ્યુટી સુપરિટેન્ડન્ટ ઓફ પોલીસ (Dy.S.P.) હોવાની ખોટી ઓળખ આપી લોકો પર રોફ જમાવતો હતો.
Instagram Cop Behind Bars: રીલ્સ અને ફોટાના જોરે આર્થિક ઠગાઈનો ખેલ
પકડાયેલ આરોપી સોહિલખાન પઠાણ સોશિયલ મીડિયા પ્લેટફોર્મ (ખાસ કરીને ઇન્સ્ટાગ્રામ) પર પોલીસ યુનિફોર્મ પહેરીને ખોટી ઓળખ આપતા ફોટા અને વીડિયો શેર કરતો હતો.
- રોફ જમાવતો: તે પોતાની ઓળખ ક્લાસ-૧ ના ઉચ્ચ પોલીસ અધિકારી તરીકે આપીને સામાન્ય લોકો પર ધાક જમાવતો હતો.
- ગેરકાયદે લાભ: કાયદાની આડમાં આ નકલી ખાખીનો દુરુપયોગ કરી તે લોકો પાસેથી ગેરકાયદેસર રીતે આર્થિક લાભ મેળવતો હોવાનું સામે આવ્યું છે.
Instagram Cop Behind Bars: સાયલાના નવાગઢમાં દરોડો: ડિજિટલ સર્વેલન્સથી પર્દાફાશ
રાજકોટ રેન્જ ટેકનિકલ ટીમને મળેલી ચોક્કસ બાતમી અને ડિજિટલ સર્વેલન્સના આધારે સુરેન્દ્રનગર જિલ્લાના સાયલા તાલુકામાં આવેલા નવાગઢ વિસ્તારમાં ઓચિંતો દરોડો પાડવામાં આવ્યો હતો. આ ઓપરેશન દરમિયાન પોલીસે નકલી Dy.S.P. બનેલા સોહિલખાન પઠાણને રંગેહાથ ઝડપી લીધો હતો.
કબ્જે કરાયેલો મુદ્દામાલ: પોલીસે આરોપી પાસેથી ખોટી ઓળખ ઊભી કરવા માટે ઉપયોગમાં લેવાતા નકલી દસ્તાવેજો, આઈ-કાર્ડ અને અન્ય શંકાસ્પદ આધારો કબ્જે કર્યા છે.
Instagram Cop Behind Bars: કાયદેસરની કાર્યવાહી: કેટલા લોકોને બનાવ્યા શિકાર?
આ સફળ ઓપરેશન બાદ આરોપી સોહિલખાન પઠાણ સામે સાયલા પોલીસ સ્ટેશનમાં ગુનો દાખલ કરવામાં આવ્યો છે.
આ નકલી અધિકારીએ અત્યાર સુધીમાં Dy.S.P.ની ઓળખ આપીને કેટલા લોકોને પોતાની જાળમાં ફસાવ્યા છે, કોની કોની સાથે આર્થિક ઠગાઈ કરી છે અને આ ગુનામાં તેની સાથે અન્ય કોઈ સામેલ છે કે કેમ, તે દિશામાં પોલીસે કોર્ટમાંથી રિમાન્ડ મેળવીને વધુ તપાસના ચક્રો ગતિમાન કર્યા છે.
વધુ સમાચાર વાંચવા માટે અંહી ક્લિક કરો
