INDIGO FLIGHTS : ઈન્ડિગો એરલાઇન 81 સ્થાનિક અને 32 આંતરરાષ્ટ્રીય સ્થળોને આવરી લે છે. ઈન્ડિગો ભારતમાં સૌથી વધુ માર્કેટ શેર ધરાવે છે.
બજેટ એરલાઇન ઇન્ડિગોએ આજથી એટલે કે ગુરુવાર, 4 જાન્યુઆરીથી ટિકિટ પર ફ્યુઅલ ચાર્જ લેવાનું બંધ કરી દીધું છે. એવિએશન ટર્બાઇન ફ્યૂઅલ (ATF)ની સતત વધતી કિંમતોને કારણે, IndiGo એ ઑક્ટોબર 2023ની શરૂઆતમાં ફ્યુઅલ ચાર્જ વસૂલવાનું શરૂ કર્યું હતું. ફ્યુઅલ ચાર્જ હટાવ્યા બાદ હવે ફ્લાઈટ ટિકિટ સસ્તી થઈ શકે છે.
એટીએફ એ એરલાઇનના ઓપરેટિંગ ખર્ચનો મોટો ભાગ હોય છે. એટીએફના ભાવ વધવાથી ખર્ચ વધે છે. અત્યાર સુધી 300 રૂપિયાથી લઈને 1000 રૂપિયા સુધીના ફ્યુઅલ ચાર્જ લેવામાં આવતા હતા.
ઈન્ડિગો દરરોજ 1900 થી વધુ ફ્લાઈટ્સ ઓપરેટ કરે છે
ઈન્ડિગો પાસે 320થી વધુ એરક્રાફ્ટનો કાફલો છે. તેના કાફલા સાથે, ઇન્ડિગો દરરોજ 1900 થી વધુ ફ્લાઇટ્સનું સંચાલન કરે છે. આ એરલાઇન 81 સ્થાનિક અને 32 આંતરરાષ્ટ્રીય સ્થળોને આવરી લે છે. ઈન્ડિગો ભારતમાં સૌથી વધુ માર્કેટ શેર ધરાવે છે.
Q2FY24માં ઈન્ડિગોનો નફો ₹189 કરોડ
ઈન્ડિગોને બીજા ક્વાર્ટરમાં ₹188.9 કરોડનો નફો થયો હતો. 5 વર્ષમાં આ પ્રથમ વખત હતું જ્યારે કોઈ એવિએશન કંપનીએ કોઈપણ નાણાકીય વર્ષના બીજા ક્વાર્ટરમાં નફો કર્યો હોય. સામાન્ય રીતે આ ત્રિમાસિક ગાળાને એવિએશન ઈન્ડસ્ટ્રી માટે નબળી માંગની સીઝન માનવામાં આવે છે.
ફ્યુઅલ ચાર્જ લાદવામાં આવ્યા બાદ સ્ટોકમાં વધારો જોવા મળ્યો હતો
ઑક્ટોબરમાં ફ્યુઅલ ચાર્જ લાગુ થયા પહેલા ઈન્ડિગોના શેરની કિંમત 2400 રૂપિયાની આસપાસ હતી જે હવે વધીને 3000 રૂપિયાની આસપાસ થઈ ગઈ છે. એટલે કે 3 મહિનામાં સ્ટોક લગભગ 25% વધ્યો છે.
શેરમાં થયેલા વધારાને કારણે, 13 ડિસેમ્બરે ઈન્ડિગો માર્કેટ કેપની દ્રષ્ટિએ વિશ્વની છઠ્ઠી સૌથી મોટી એરલાઈન બની ગઈ. આમાં ઈન્ડિગોએ અમેરિકાની યુનાઈટેડ એરલાઈન્સને પાછળ છોડી દીધી.
INDIGO FLIGHTS : કેવી રીતે સફળ થઈ ઈન્ડિગો?
જ્યારે ઈન્ડિગોએ તેની સફર શરૂ કરી ત્યારે એવિએશન ઈન્ડસ્ટ્રી મુશ્કેલ સમયમાંથી પસાર થઈ રહી હતી. અનેક દિગ્ગજ એરલાઈન્સમાં પોતાનું સ્થાન બનાવવું સરળ નહોતું. આવી સ્થિતિમાં કંપનીએ સૌથી પહેલા એવા લોકોને પોતાનો ગ્રાહક બનાવ્યો જેઓ હવાઈ મુસાફરી કરવા માંગતા હતા પરંતુ તેમની પાસે વધારે પૈસા ન હતા. આ કારણે ઈન્ડિગોની વધુને વધુ ટિકિટો વેચાઈ અને તેનું નુકસાન નહિવત હતું. કંપનીએ દેશના મુખ્ય શહેરોને હવાઈ માર્ગે જોડવાનું કામ કર્યું અને લોકોને ઓછા ખર્ચે હવાઈ મુસાફરી પૂરી પાડવાનું સપનું પૂરું કર્યું. ઈન્ડિગો દ્વારા લોકોનું ચપ્પલ પહેરીને પ્લેનમાં ચડવાનું સપનું પણ પૂરું થયું. મધ્યમવર્ગીય પરિવાર માટે જે સમયે વિમાનમાં મુસાફરી કરવી એ માત્ર એક સ્વપ્ન હતું, તે સમયે ઈન્ડિગોએ તેમનું સપનું પૂરું કર્યું.
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો
