ભારતીય સેના યુએસ એઅર્ફોર્સ સાથે દાવપેચ કરશે
જાપાન કવાયતમાં નિરીક્ષક તરીકે લેશે ભાગ
ભારત અને અમેરિકા તાજેતરના સમયમાં ઘણા નજીક આવ્યા છે. આ સહયોગ વ્યૂહાત્મક ક્ષેત્રમાં પણ વિસ્તરી રહ્યો છે. આના પરિણામે, ભારતીય વાયુસેના હવે પશ્ચિમ બંગાળના કલાઈકુંડા એરબેઝ પર યુએસ એરફોર્સ સાથે દાવપેચ કરશે. જાપાન પણ આ કવાયતમાં નિરીક્ષક તરીકે ભાગ લેશે. ભારત દ્વારા આ કવાયતને ચીનના પડકારનો સામનો કરવાના માર્ગ તરીકે જોવામાં આવી રહી છે.ભારત અને અમેરિકાની વાયુ સેના વચ્ચેની આ કવાયતને કોપ ઈન્ડિયા નામ આપવામાં આવ્યું છે અને તે 10 એપ્રિલથી શરૂ થઈને 21 એપ્રિલ સુધી ચાલશે. આ દાવપેચથી બંને દેશોની વાયુ સેનાની ઓપરેશનલ ક્ષમતામાં વધારો થશે અને બંને વચ્ચે જરૂરી માહિતીની આપ-લેમાં વધારો થશે. આ કવાયતમાં, ભારતીય વાયુસેના તેના ફાઇટર જેટ રાફેલ, સુખોઇ 30MKI અને તેજસ ફાઇટર જેટ ભારતમાં જ તૈનાત કરશે તેમજ એરબોર્ન અર્લી વોર્નિંગ સિસ્ટમ્સ, C-17 ગ્લોબમાસ્ટર-3, વ્યૂહાત્મક રીતે મહત્વપૂર્ણ એરક્રાફ્ટ અને એર-ટુ-એર ફાઇટર જેટને તૈનાત કરશે….
