India-Russia Diplomatic Boost: સંયુક્ત રાષ્ટ્ર મહાસભાની 81મી બેઠક દરમિયાન ભારતની કાયમી સભ્યપદની દાવેદારીને રશિયાનું ફરી એકવાર સ્પષ્ટ સમર્થન મળ્યું છે. રશિયાના વિદેશમંત્રી સર્ગેઈ લાવરોવે UNGAમાં સંબોધન દરમિયાન સુરક્ષા પરિષદમાં ભારત અને બ્રાઝિલને કાયમી સભ્ય બનાવવાની તરફેણ કરી હતી.
India-Russia Diplomatic Boost: એશિયા, આફ્રિકા અને લેટિન અમેરિકાનું પ્રતિનિધિત્વ વધારવાની તરફેણ
લાવરોવે જણાવ્યું હતું કે UNSCમાં સુધારા દરમિયાન એશિયા, આફ્રિકા અને લેટિન અમેરિકાનું પ્રતિનિધિત્વ વધુ વિસ્તૃત થવું જોઈએ. રશિયાએ ભારત અને બ્રાઝિલની કાયમી સભ્યપદની દાવેદારીને સમર્થન આપ્યું છે.
સાથે જ લાવરોવે જર્મની અને જાપાન જેવા પશ્ચિમી દેશોને વધુ કાયમી બેઠકો આપવાના વિચારનો વિરોધ કર્યો હતો. તેમણે UNSC સુધારામાં વર્તમાન કાયમી સભ્યોના અધિકારો જાળવવાની પણ વાત કરી હતી.
India-Russia Diplomatic Boost: ભારતની દાવેદારીને અન્ય દેશોનું પણ સમર્થન
UNGAની સામાન્ય ચર્ચા દરમિયાન ભારતની UNSC કાયમી સભ્યપદની દાવેદારીને અન્ય દેશો તરફથી પણ સમર્થન મળ્યું છે. મોરિશસે ભારતની ઉમેદવારીને સમર્થન આપ્યું છે, જ્યારે પોર્ટુગલે પણ સુરક્ષા પરિષદમાં વધુ પ્રતિનિધિત્વ અને સુધારાની તરફેણ કરી છે.
હાલ UNSCમાં કુલ 15 સભ્યો છે, જેમાં ચીન, ફ્રાન્સ, રશિયા, બ્રિટન અને અમેરિકા પાંચ કાયમી સભ્યો છે અને તેમને વીટો પાવર પ્રાપ્ત છે.
વધુ સમાચાર વાંચવા માટે અંહી ક્લિક કરો: અમદાવાદમાં દેશની પ્રથમ LNG ટ્રેનને લીલી ઝંડી, અમિત શાહે ₹1,542 કરોડના વિકાસકાર્યોનો પ્રારંભ કર્યો
