તેલંગાણા વિધાનસભા ચૂંટણીમાં કોંગ્રેસે પોતાની સંપૂર્ણ તાકાત લગાવી દીધી છે. આ જ કારણ છે કે પાર્ટીના ટોચના નેતાઓ ચૂંટણી પ્રચાર માટે તેલંગાણા પહોંચી રહ્યા છે. કર્ણાટકના ડેપ્યુટી સીએમ ડીકે શિવકુમાર અને સીએમ સિદ્ધારમૈયા પણ કોંગ્રેસ માટે પ્રચાર કરવા તેલંગાણા પહોંચ્યા હતા. આ દરમિયાન ડીકે શિવકુમારે બીઆરએસ નેતાઓને સલાહ આપતા કહ્યું કે તેઓ કર્ણાટક જઈને જોવે કે સરકારી યોજનાઓ કેવી રીતે લાગુ થાય છે. ડીકે શિવકુમારે વચન આપ્યું હતું કે જો કોંગ્રેસ રાજ્યમાં સત્તામાં આવશે તો જનતાને આપવામાં આવેલા તમામ વચનો પૂરા કરવામાં આવશે.
ડીકે શિવકુમારે બીઆરએસ નેતાઓને સલાહ આપી
ડીકે શિવકુમારે કહ્યું, ‘મલ્લિકાર્જુન ખડગે, સોનિયા ગાંધી, રાહુલ ગાંધી અને રેવંત રેડ્ડીના વતી હું તમને ખાતરી આપવા માંગુ છું કે જે પણ વચનો આપવામાં આવી રહ્યા છે, અમે તેને પૂરા કરીશું.’ શિવકુમારે કહ્યું, ‘હું ફરી કહું છું કે હું ચંદ્રશેખર રાવ, કેટી રામારાવ અને બીઆરએસના તમામ નેતાઓને કહેવા માંગુ છું કે અમે જે પણ વચનો આપ્યા હતા, અમે તેને પૂરા કર્યા છે. તમારા કાર્યકરો અને ધારાસભ્યોને કર્ણાટક મોકલો અને અમે બતાવીશું કે જનતાને આપેલા વચનો કેવી રીતે પૂરા થાય છે અને અમે તેલંગાણામાં પણ તે જ કરીશું.
100 દિવસમાં છ ગેરંટી સ્કીમ લાગુ કરવામાં આવશે
તેલંગાણામાં પાર્ટીના પ્રચાર માટે આવેલા કર્ણાટકના સીએમ સિદ્ધારમૈયાએ તેલંગાણા કોંગ્રેસના અધ્યક્ષ રેવન્ત રેડ્ડીને કહ્યું કે તેઓ બંને વિધાનસભા બેઠકો પરથી ચૂંટણી જીતશે અને કામરેડ્ડીથી સીએમ ચંદ્રશેખર રાવને હરાવી દેશે. તમને જણાવી દઈએ કે રેવંત રેડ્ડી બે વિધાનસભા સીટો કોડંગલ અને કામરેડ્ડીથી ચૂંટણી લડી રહ્યા છે અને કામરેડ્ડીમાં તેઓ સીએમ કેસીઆર સામે ચૂંટણી લડી રહ્યા છે. તેલંગાણામાં 30 નવેમ્બરે વિધાનસભા ચૂંટણી માટે મતદાન થશે. સિદ્ધારમૈયાએ કહ્યું કે ‘અમે કર્ણાટકમાં સત્તા પર આવ્યાના 100 દિવસમાં પાંચ ગેરંટી યોજનાઓ લાગુ કરી. તેલંગાણામાં સરકારની રચનાના 100 દિવસની અંદર એક બોનસ સહિત છ ગેરંટી યોજનાઓ પણ લાગુ કરવામાં આવશે.
વધુ સમાચાર માટે જોતા રહોવી.આર.લાઇવ
સતત સમાચાર માટે જોતા રહો અમારી વેબ સાઈટ
