Impact Player: ઝાકમઝોળ અને મનોરંજનથી ભરેલી IPLમાં લાગુ કરાયેલા ‘ઈમ્પેક્ટ પ્લેયર’ના નિયમનો હવે ખુદ ક્રિકેટરો જ વિરોધ દર્શાવી રહ્યા છે. તેઓના માટે આ નિયમના કારણે મેચમાં ઓલરાઉન્ડરની ભૂમિકા જોખમમાં આવી ગઈ છે, જેની અસરના પરિણામે લાંબા ગાળે ખેલાડીઓને પ્રોત્સાહન મળવાનું ઓછું થઈ શકે છે.
Impact Player: ‘ઈમ્પેક્ટ પ્લેયર’ મામલે વિરોધના સુર
ઈમ્પેક્ટ પ્લેયરે (Impact Player) આઈપીએલનો ચહેરો બદલી નાખ્યો છે. રોહિત શર્માએ કહ્યું છે કે તે ઈમ્પેક્ટ પ્લેયર નિયમનો ચાહક નથી. હવે ઈમ્પેક્ટ પ્લેયરના નિયમથી નારાજ ખેલાડીઓની યાદીમાં દિલ્હી કેપિટલ્સના અક્ષર પટેલ અને મુકેશ કુમારનું નામ પણ જોડાઈ ગયું છે. સૈયદ મુશ્તાક અલી ટ્રોફીમાં સફળ અજમાયશ બાદ IPL 2023માં ઇમ્પેક્ટ પ્લેયર રુલિંગ રજૂ કરવામાં આવ્યું હતું. ઇમ્પેક્ટ પ્લેયરના નિયમ મુજબ, ટોસ પછી, દરેક ટીમને તેમના પ્લેઇંગ-11 ઉપરાંત વધુમાં વધુ પાંચ અવેજી ખેલાડીઓનું નામ આપવાની છૂટ છે.
અક્ષર પટેલ ઈમ્પેક્ટ પ્લેયરના નિયમોથી નાખુશ
રમત દરમિયાન કોઈપણ સમયે, તેમાંથી એક – જેને ઈમ્પેક્ટ પ્લેયર કહેવાય છે – પ્લેઈંગ-11 ના કોઈપણ સભ્યને બદલી શકે છે. ઈમ્પેક્ટ પ્લેયરનો નિયમ આઈપીએલ મેચને દરેક ટીમ માટે 12 ખેલાડીઓની સ્પર્ધા બનાવે છે, જ્યારે ઓલરાઉન્ડરની જરૂરિયાત ઘટાડે છે.
દિલ્હી કેપિટલ્સના ઓલરાઉન્ડર અક્ષર પટેલનું માનવું છે કે ‘ઈમ્પેક્ટ પ્લેયર’ના નિયમને કારણે ઓલરાઉન્ડરોની ભૂમિકા જોખમમાં છે.
અક્ષર પટેલે આ નિર્ણય પર કહ્યું, ‘ઓલરાઉન્ડર હોવાના કારણે હું માનું છું કે ઈમ્પેક્ટ પ્લેયરના નિયમને કારણે ઓલરાઉન્ડરોની ભૂમિકા જોખમમાં છે. દરેક ટીમ ઇમ્પેક્ટ પ્લેયર તરીકે બેટ્સમેન અથવા બોલરને ઇચ્છે છે. ઓલરાઉન્ડરનો ઉપયોગ નથી થઈ રહ્યો.’ તેણે કહ્યું, ‘ઈમ્પેક્ટ પ્લેયરના નિયમને કારણે દરેક ટીમ વિચારે છે કે તેની પાસે છ બેટ્સમેન કે બોલર છે. આ ઘણીવાર મૂંઝવણનું કારણ બને છે.
મુકેશ કુમારે પણ નારાજગી વ્યક્ત કરી હતી
ફાસ્ટ બોલર મુકેશે પણ આ નિયમ વિશે વાત કરી હતી. તેણે કહ્યું કે જો 12 ખેલાડી ઈન્ટરનેશનલ લેવલ પર નથી રમી રહ્યા તો IPL માં શું જરૂર છે. દરમિયાન, અનુભવી ડાબોડી ઓપનિંગ બેટ્સમેન ડેવિડ વોર્નર માને છે કે ઇમ્પેક્ટ પ્લેયર નિયમ ઓલરાઉન્ડરોને T20 ક્રિકેટથી દૂર રાખે છે.
રોહિત શર્માએ પણ કર્યા હતા સવાલ
ભારતીય કેપ્ટન રોહિત શર્મા સહિત ઘણા ખેલાડીઓએ આ નિયમની ટીકા કરી છે. રોહિત શર્માએ આ વિશે કહ્યું હતું- હું કોઈ મોટો પ્રશંસક નથી… તે ઓલરાઉન્ડરોને પાછળ રાખશે. ક્રિકેટમાં 11 નહીં પણ 12 ખેલાડીઓ રમે છે. તેમનું માનવું છે કે આ નિયમ સંતુલિત ટીમો પસંદ કરવાનું અને વર્તમાન ખેલાડીઓ સાથેની પરિસ્થિતિઓને અનુરૂપ થવાનું મહત્વ ઘટાડે છે. IPLના “ઈમ્પેક્ટ પ્લેયર” નિયમ (Impact Player Rules), જે મધ્ય-ઈનિંગ્સમાં બદલવાની મંજૂરી આપે છે, તે ટીકાનું કારણ બન્યું છે, જેમાં ભારતીય કેપ્ટન રોહિત શર્મા મોખરે છે.
જોકે, ડીસી ક્રિકેટ ડાયરેક્ટર સૌરવ ગાંગુલીએ જણાવ્યું હતું કે IPL 2024માં વિવિધ ટીમોના પ્લેઈંગ-11માં સારા ઓલરાઉન્ડર હજુ પણ હાજર છે. હાર્દિક પંડ્યા અને રાશિદ ખાન જેવા ઓલરાઉન્ડર આનો પુરાવો છે. તે ખૂબ જ આશ્ચર્યજનક છે કે જે નિયમ ક્રિકેટને રસપ્રદ બનાવવા માટે લાવવામાં આવ્યો હતો, તે હવે ખેલાડીઓ માટે ‘બોજ’ બની ગયો છે. ઘણા ક્રિકેટ મહાનુભાવોને આ નિયમ પસંદ ન હતો.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
