ડીસામાં ગેરકાયદેસર દબાણો દુર કરાયા
પાલિકા દ્વારા દબાણો દુર કરવાની પ્રક્રિયા હાથ ધરાઈ
ગુજરાત હાઈકોર્ટના આદેશ અનુસાર દબાણો દુર કરવાની કામગીરી
ડીસામાં ગેરકાયદેસર દબાણો દુર કરાયા છે.ડીસા શહેરમાં છેલ્લા કેટલાક સમયથી ઠેરઠેર કાચા અને પાકા દબાણોનો રાફડો ફાટયો છે.ત્યારે પાલીકા દ્વારા દબાણો દુર કરવાની કામગીરી કરવામાં આવી છે. જ્યાં નજર કરો ત્યાં દબાણો નજરે પડી રહ્યા છે જેના કારણે ટ્રાફિક સમસ્યા પણ માથાનો દુઃખાવા સમાન બની ગઈ છે જ્યારે ડીસા આદર્શ હાઇસ્કુલ ની બાજુમાં રહેણાંક વિસ્તારમાં કેટલાક દબાણદારો દ્વારા ગેરકાયદેસર મકાનો બનાવી રોડની સાઈડમાં દબાણો કરવામાં આવ્યા હતાં જેના પગલે આસપાસના સોસાયટીના રહીશો દ્વારા ગેરકાયદેસર દબાણો દૂર કરવા માટે વારંવાર લેખિતમાં રજૂઆત કરવામાં આવી હતી છતાં છતાં પણ દબાણો દૂર ના કરાતાં અરજદારો દ્વારા હાઈકોર્ટના શરણે ગયાં હતાં અને હાઈકોર્ટ દ્વારા દબાણો દૂર કરવાનો હુકમ કરાતાં પાલિકા દ્વારા પોલીસ બંદોબસ્ત સાથે દબાણો દૂર કરવાની કામગીરી હાથ ધરવામાં આવી હતી જેમાં અમુક દબાણો દૂર કરવામાં આવ્યા હતાં
પોલીસ બંદોબસ્ત
અને અમુક મકાનોમાં માલ સમાન પડેલો હોઈ પાલિકા દ્વારા બુધવાર સુધી માલ- સામાન બહાર કાઢી લેવાની મુદત આપવામાં આવી હતી અને બુધવારે ફરીથી દબાણો દૂર કરવાની પ્રક્રિયા હાથ ધરી બને સાઈડના 20્.20 ફુટના દબાણો દૂર કરવામાં આવશે અને બાદમાં પાલિકા દ્વારા નવિન રોડ અને ફુટપાથ બનાવાની કામગીરી હાથ ધરવામાં આવશે .જ્યારે દબાણો દૂર કરાતાં બેઘર બનેલા લોકો માટે પાલિકા દ્વારા રાજીવ આવાસ યોજનાના મકાનોમાં વ્યવસ્થા ઉભી કરવામાં આવી છે અને દબાણદારો રાજીવ આવાસ યોજનાના મકાનોમાં સિફટ થાય તેવું પાલિકા દ્વારા જણાવાયું હતું. ઉલ્લેખનીય છેકે 40 વર્ષથી આદર્શ હાઇસ્કુલની બાજુમાં વિશ્વશાંતિ સોસાયટી તરફ જતાં માર્ગ પર ગેરકાયદેસર દબાણો થયેલા હોઈ પાલિકા દ્વારા હાઈકોર્ટના આદેશ અનુસાર ગેરકાયદેસર દબાણો દૂર કરવાની પ્રક્રિયા હાથ ધરવામાં આવી હતી.
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
