કોંગ્રેસ નેતા દિગ્વિજય સિંહનું નિવેદન
હું મારા છેલ્લા શ્વાસ સુધી કોંગ્રેસમાં જ રહીશ : દિગ્વિજય સિંહ
દિગ્વિજય સિંહે સાધ્યું ભાજપ પર નિશાન
ભાજપ બનાવટી કામ કરે છે : દિગ્વિજય સિંહ
144 બેઠકો માટે કોંગ્રેસના ઉમેદવારોની યાદી જાહેર થતાં જ પૂર્વ મુખ્યમંત્રી અને રાજ્યસભાના સાંસદ દિગ્વિજય સિંહનો રાજીનામું સોશિયલ મીડિયા પર વાયરલ થયો છે. થોડા સમયની અંદર કોંગ્રેસના એક વરિષ્ઠ નેતાએ તેને X પર પોસ્ટ કરી અને તેને નકલી ગણાવ્યું છે.આ અંગે સ્પષ્ટતા કરતા દિગ્વિજય સિંહે કહ્યું કે ભાજપ બનાવટી કામ કરે છે. હું મારા છેલ્લા શ્વાસ સુધી કોંગ્રેસમાં જ રહીશ
કોંગ્રેસના વરિષ્ઠ નેતા અને રાજ્યસભાના સાંસદ દિગ્વિજય સિંહે કોંગ્રેસના પ્રાથમિક સભ્યપદેથી રાજીનામું આપ્યાના સમાચાર ખોટા નીકળ્યા છે. વાસ્તવમાં દિગ્વિજય સિંહના રાજીનામા સાથે જોડાયેલો એક પત્ર સોશિયલ મીડિયા પર વાયરલ થયો હતો. થોડી જ વારમાં આ સમાચાર જંગલની આગની જેમ ફેલાઈ ગયા. જો કે થોડા સમય બાદ દિગ્વિજયે આ સમાચારને નકારી કાઢ્યા હતા. તેમણે કહ્યું કે આ ભાજપ દ્વારા ફેલાવવામાં આવેલ જૂઠ છે. હું આ બાબતે પોલીસમાં ફરિયાદ કરી રહ્યો છું.
દિગ્વિજયે સોશિયલ મીડિયા પ્લેટફોર્મ X (અગાઉના ટ્વિટર) પર લખ્યું કે ભાજપ જૂઠું બોલવામાં એક્સપર્ટ છે. મેં 1971માં કોંગ્રેસનું સભ્યપદ લીધું. હું પદ માટે નહીં, પરંતુ વિચારધારાથી પ્રભાવિત હોવાથી પાર્ટીમાં જોડાયો છું અને જીવનના અંતિમ શ્વાસ સુધી કોંગ્રેસમાં જ રહીશ. હું આ જુઠ્ઠાણા સામે પોલીસ ફરિયાદ નોંધાવી રહ્યો છું.
વાંચો અહીં કોંગ્રેસ નેતા અધીર રંજન ચૌધરીએ હેલ્મેટ વિના બાઇક ચલાવી
