Humanity Shamed in Navapura: આર.વી. દેસાઈ રોડ પર મોપેડ સ્લીપ થતા મદદે દોડેલા એક નિર્દોષ યુવાન પર ચાલકે એવો જીવલેણ હુમલો કર્યો કે યુવાને પોતાની એક આંખની રોશની કાયમ માટે ગુમાવી દીધી છે. આ ઘટનાને પગલે સમગ્ર વિસ્તારમાં અરેરાટી વ્યાપી ગઈ છે.
Humanity Shamed in Navapura: શું હતી સમગ્ર ઘટના?
ગત 8 એપ્રિલના રોજ સાંજે નવાપુરામાં રહેતા અને વ્યવસાયે ફોટોગ્રાફર એવા જયેશ ચંપકભાઈ ઠાકોર દશામાના મંદિર પાસે બેઠા હતા. આ દરમિયાન ગોયાગેટ સોસાયટીનો રહેવાસી કૌશિક રાજપુત પોતાની મોપેડ લઈને પસાર થતો હતો ત્યારે અચાનક સ્લીપ થઈને નીચે પટકાયો હતો.
લોહીલુહાણ હાલતમાં પડેલા કૌશિકને જોઈને જયેશ ઠાકોર અને તેમનો મિત્ર માનવતા દાખવીને તેને ઉભો કરવા માટે દોડી ગયા હતા. જોકે, મદદના બદલામાં કૌશિકે આભાર માનવાને બદલે ઉશ્કેરાઈને કહ્યું, “મને અડવું નહીં” અને જયેશની ડાબી આંખ પર જોરદાર મુક્કો મારી દીધો હતો.
Humanity Shamed in Navapura: આજીવન દ્રષ્ટિ ગુમાવી
મુક્કો એટલો જોરદાર હતો કે જયેશની આંખમાંથી તાત્કાલિક લોહી વહેવા લાગ્યું હતું. તેને તાત્કાલિક સયાજી હોસ્પિટલ અને ત્યારબાદ ખાનગી હોસ્પિટલમાં ખસેડવામાં આવ્યો હતો. તબીબી તપાસમાં જાણવા મળ્યું છે કે આંખનો અંદરનો પડદો ફાટી ગયો હોવાથી જયેશે આજીવન ડાબી આંખની દ્રષ્ટિ ગુમાવી દીધી છે. એક ફોટોગ્રાફર માટે તેની આંખ જ તેનું સર્વસ્વ હોય છે, ત્યારે આ ઘટનાએ એક યુવાનનું કરિયર અને જીવન અંધકારમય બનાવી દીધું છે.
Humanity Shamed in Navapura: આરોપી ફરાર, પોલીસ તપાસ તેજ
હુમલો કર્યા બાદ લોકોના ટોળા એકત્ર થતા આરોપી કૌશિક રાજપુત સ્થળ પરથી ફરાર થઈ ગયો હતો. નવાપુરા પોલીસે આ મામલે કૌશિક સામે ગુનો નોંધી તેને ઝડપી પાડવા ચક્રો ગતિમાન કર્યા છે. મદદ કરવા જતાં સર્જાયેલી આ ગંભીર દુર્ઘટનાએ સમાજમાં ‘માનવતા’ સામે અનેક સવાલો ઉભા કર્યા છે.
વધુ સમાચાર વાંચવા માટે અંહી ક્લિક કરો
સયાજીગંજના સિલ્વર લાઈન કોમ્પ્લેક્સમાં ભીષણ આગ, શોર્ટ સર્કિટ બાદ ધુમાડાના ગોટા ઉડતા અફરાતફરી
