High Alert in Delhi: નવી દિલ્હી, ૧૪ ઓગસ્ટ ૨૦૨૬: દેશ જ્યારે ૮૦મા સ્વતંત્રતા દિવસની ઉજવણી માટે ઉત્સાહપૂર્વક તૈયારીઓ કરી રહ્યો છે, ત્યારે રાષ્ટ્રીય રાજધાની દિલ્હીમાં સુરક્ષાને લઈને ગંભીર ચિંતા ઉભી થઈ છે. સ્વતંત્રતા દિવસની પૂર્વસંધ્યાએ દિલ્હીના અનેક મહત્વપૂર્ણ સરકારી સ્થળો અને પરિવહન કેન્દ્રોને બોમ્બથી ઉડાવી દેવાની ધમકીઓ મળતા સુરક્ષા તંત્રમાં દોડધામ મચી ગઈ છે.
High Alert in Delhi: ધમકીનું નિશાન બનેલા મુખ્ય સ્થળો:
આજે સવારે મળેલી વિવિધ ધમકીઓ બાદ સુરક્ષા એજન્સીઓ સતર્ક થઈ ગઈ છે. પ્રાપ્ત માહિતી અનુસાર, નીચેના સ્થળોને નિશાન બનાવવાની ધમકી આપવામાં આવી છે:
- દિલ્હી હાઈકોર્ટ: ઈ-મેલ દ્વારા મળેલ બોમ્બની ધમકી બાદ પોલીસ અને બોમ્બ ડિસ્પોઝલ સ્કવોડ દ્વારા તાત્કાલિક અસરથી હાઈકોર્ટ પરિસરમાં તપાસ શરૂ કરવામાં આવી હતી.
- IGI એરપોર્ટ (ટર્મિનલ-૩): દિલ્હીનું મુખ્ય એરપોર્ટ પણ ધમકીના દાયરામાં આવ્યું હતું.
- અન્ય મહત્વપૂર્ણ કાર્યાલયો: જામનગર હાઉસ, સાકેત સ્થિત ડીએમ (DC) ઓફિસ અને દિલ્હી કેન્ટ સ્થિત એસડીએમ (SDM) કાર્યાલય તેમજ ઝંડેવાલાન વિસ્તારને પણ ધમકી મળી હોવાનું સામે આવ્યું છે.
High Alert in Delhi: તંત્રની સજ્જતા અને તપાસની કાર્યવાહી:
ધમકી મળતાની સાથે જ દિલ્હી પોલીસ અને સુરક્ષા એજન્સીઓએ યુદ્ધના ધોરણે કાર્યવાહી હાથ ધરી છે. સંબંધિત સ્થળો પર તાત્કાલિક સુરક્ષા ટીમો અને ફાયર વિભાગને તૈનાત કરવામાં આવ્યા છે. બોમ્બ ડિસ્પોઝલ સ્કવોડ દ્વારા સઘન ચેકિંગ અને સર્ચ ઓપરેશન ચલાવવામાં આવ્યું હતું. જોકે, રાહતની વાત એ છે કે પ્રાથમિક તપાસ દરમિયાન અત્યાર સુધી કોઈપણ શંકાસ્પદ વસ્તુ કે વિસ્ફોટક મળી આવ્યા નથી.
High Alert in Delhi: સુરક્ષા વ્યવસ્થામાં વધારો:
૧૫ ઓગસ્ટના રોજ થનારી રાષ્ટ્રીય ઉજવણીને ધ્યાનમાં રાખીને સુરક્ષા એજન્સીઓએ દિલ્હીમાં દેખરેખ વધુ કડક કરી દીધી છે. તમામ સરકારી સ્થળો, પરિવહન કેન્દ્રો અને સંવેદનશીલ વિસ્તારોમાં સુરક્ષા કર્મીઓની તૈનાતી વધારી દેવામાં આવી છે અને લોકોની અવરજવર પર ચાંપતી નજર રાખવામાં આવી રહી છે.
નાગરિકોને અપીલ કરવામાં આવી છે કે તેઓ કોઈપણ અફવા પર ધ્યાન ન આપે અને જો કોઈ શંકાસ્પદ હિલચાલ જણાય તો તાત્કાલિક નજીકના પોલીસ સ્ટેશનને જાણ કરે.
E.પેપર વાંચવા માટે અંહી ક્લિક કરો
