High Alert in Delhi: દેશની રાજધાની દિલ્હીમાં આજે સોમવારે સવારથી જ સુરક્ષા એજન્સીઓ દોડતી થઈ ગઈ છે. દિલ્હી વિધાનસભા ભવન અને ઐતિહાસિક લાલ કિલ્લાને બોમ્બ બ્લાસ્ટથી ઉડાવી દેવાની ગંભીર ધમકી મળતા હડકંપ મચી ગયો છે. આ ધમકી એક ખાલિસ્તાની ગ્રુપ દ્વારા ઈ-મેલ મારફતે આપવામાં આવી હોવાનું સામે આવ્યું છે.
High Alert in Delhi: સુરક્ષા એજન્સીઓ સતર્ક: સર્ચ ઓપરેશન શરૂ
ધમકીભર્યો ઈ-મેલ મળતા જ દિલ્હી પોલીસ, બોમ્બ સ્કવોડ અને ડોગ સ્કવોડની ટીમો એક્શનમાં આવી ગઈ છે.
- વિધાનસભા ભવન: સમગ્ર પરિસરની કડક તપાસ કરવામાં આવી રહી છે. જોકે, પ્રાથમિક તપાસમાં હજુ સુધી કોઈ શંકાસ્પદ વસ્તુ મળી નથી.
- લાલ કિલ્લો: પર્યટકો અને સ્મારકની સુરક્ષાને ધ્યાનમાં રાખીને લાલ કિલ્લાની સુરક્ષા વ્યવસ્થા લોખંડી બનાવી દેવામાં આવી છે.
High Alert in Delhi: શાળાઓને પણ નિશાન બનાવવાનો પ્રયાસ
વિધાનસભા અને લાલ કિલ્લા પહેલાં, આજે વહેલી સવારે દિલ્હીની બે પ્રતિષ્ઠિત શાળાઓને પણ નિશાન બનાવવામાં આવી હતી:
- આર્મી પબ્લિક સ્કૂલ (ધૌલા કુંઆ)
- એરફોર્સ બાલ ભારતી સ્કૂલ (લોધી રોડ)
આ બંને શાળાઓમાં ઈ-મેલ દ્વારા ધમકી મળતા જ તાત્કાલિક ધોરણે કેમ્પસ ખાલી કરાવવામાં આવ્યું હતું. ફાયર સર્વિસ અને સુરક્ષા ટીમો દ્વારા હાથ ધરાયેલી તપાસમાં કંઈ પણ વાંધાજનક મળી આવ્યું નહોતું, જેને પગલે વાલીઓ અને તંત્રએ રાહતનો શ્વાસ લીધો હતો.
આ પણ વાંચો :અમદાવાદ પોલીસ બેડામાં ધરખમ ફેરફાર: 27 PIની બદલી, લાંબા સમયથી ‘લીવ રિઝર્વ’માં રહેલા 8 અધિકારીઓને પોસ્ટિંગ
