Gujrat news : ગુજરાતમાં વધુ બે નગરપાલિકાને મહાનગરપાલિકાનો દરજ્જો અપાશે. આજે વિધાનસભાગૃહમાં નાણામંત્રી કનુ દેસાઈએ પોરબંદર – છાયા નગરપાલિકા અને નડિયાદ નગરપાલિકાને મહાનગરપાલિકા તરીકે દરજ્જો આપવાની જાહેરાત કરી હતી.
Gujrat news : અગાઉ સાત નગરપાલિકાને મહાનગરપાલિકાનો દરજ્જો આપવાની જાહેરાત કરી હતી
અગાઉ ગુજરાત વિધાનસભામાં બજેટ સત્રના બીજા દિવસે નાણામંત્રી કનુ દેસાઈએ બજેટ રજૂ કરતા સમયે 7 નગરપાલિકાને મહાનગરપાલિકાનો દરજ્જો આપવાની જાહેરાત કરી હતી. જેમાં નવસારી, ગાંધીધામ, મોરબી, વાપી, આણંદ, મહેસાણા તેમજ સુરેન્દ્રનગર અને વઢવાણ સંયુક્તનો સમાવેશ કરવામાં આવ્યો હતો. નડિયાદને મહાનગરપાલિકાના દરજ્જો મળે તે માટે પંકજભાઈ દેસાઈએ વિધાનસભામાં રજૂઆત કરી હતી જેમની રજૂઆતને ધ્યાનમાં લઈને જાહેરાત કરવામાં આવી હતી.
Gujrat news : રાજ્યમાં હાલમાં 8 મહાનગરપાલિકા અસ્તિત્વમાં છે. રાજ્યના નાણામંત્રી કનુ દેસાઈએ ગુજરાતનું નાણાકીય વર્ષ 2024-25નું બજેટ રજૂ કર્યું હતું, જેમાં વધુ 7 નગરપાલિકાને મહાનગરપાલિકા બનાવવાની જાહેરાત કરવામાં આવી હતી. જ્યારે આજે વધુ બે નગરપાલિકાનો સમાવેશ કરવામાં આવ્યો છે.
Gujrat news : હાલમાં કાર્યરત મહાનગરપાલિકાઓનું લિસ્ટ
- અમદાવાદ
- સુરત
- વડોદરા
- રાજકોટ
- જામનગર
- જૂનાગઢ
- ગાંધીનગર
- ભાવનગર
Gujrat news : બજેટમાં જાહેર થયેલી મહાનગરપાલિકાઓનું લિસ્ટ
- નવસારી
- ગાંધીધામ
- મોરબી
- વાપી
- આણંદ
- મહેસાણા
- સુરેન્દ્રનગર-વઢવાણ
Gujrat news : આજે જાહેર થયેલી મહાનગરપાલિકાઓનું લિસ્ટ
- પોરબંદર-છાયા
- નડિયાદ
Gujrat news : સૌથી વધુ મનપા ધરાવતા રાજ્યો
- મહારાષ્ટ્ર-29
- તમિલનાડુ-21
- બિહાર-19
- આંધ્રપ્રદેશ-17
- ઉત્તર પ્રદેશ-17
- મધ્ય પ્રદેશ-16
આ લિસ્ટમાં ગુજરાતનો પણ સમાવેશ થશે, કારણ કે અગાઉની 8, બજેટમાં જાહેર થયેલી 7 અને આજે અન્ય બે મનપાનો નિર્ણય લેતા હવે ગુજરાતમાં પણ 17 મહાનગરપાલિકા થશે.
ઉલ્લેખનીય છે કે નડિયાદ સરદાર પટેલની જન્મભૂમિ હોવાથી ખાસ તબક્કામાં પ્રાધાન્ય અપાયું છે. નડિયાદને મહાનગરપાલિકા જાહેર કરતા વિકાસના દ્વાર ખુલશે. નાણામંત્રી કનુભાઈ દેસાઈએ નડિયાદને મહાનગર પાલિકા જાહેર કરતા પંકજભાઈ દેસાઈએ વિધાનસભા ગૃહમાં સરકારનો આભાર માન્યો હતો. અગાઉ આણંદને મહાનગરપાલિકા જાહેર કરાઈ હતી. આ સાથે જ રાજ્યમાં કુલ 17 કોર્પોરેશન અસ્તિત્વમાં આવશે.
लेटेस्ट खबरो के लिए यहाँ क्लिक करे
यूट्यूब चैनल पर शॉर्ट्स देखने के लिए यहाँ क्लिक करे
पंजाब में और क्या चल रहा है – यहाँ से क्लिक कर के जाने
दिलचस्प खबरों के लिए यहाँ क्लिक करे
