Gujarat Super League: ગુજરાત સ્ટેટ ફૂટબોલ એસોસિએશન (જી.એસ.એફ.એ.) દ્વારા રાજ્યમાં ફૂટબોલની રમતને વધુ વેગ આપવા માટે ગુજરાત સુપર લીગ (જી.એસ.એલ.)ના ત્રીજા સીઝનની તમામ તૈયારીઓને આખરી ઓપ આપી દેવામાં આવ્યો છે. આ રોમાંચક લીગનો શુભારંભ આગામી 1 સપ્ટેમ્બર, 2026ના રોજ સાંજે 4 વાગે અમદાવાદના જાણીતા ટ્રાન્સસ્ટેડિયા એરિના ખાતે કરવામાં આવશે. આ વિશેષ કાર્યક્રમ દરમિયાન ઉપપ્રમુખ શ્રી પ્રદૂપસિંહ વાઘેલા દ્વારા લીગની વિજેતા ટ્રોફી તેમજ તમામ સહભાગી ટીમની નવી જર્સીનું ઉત્સાહભેર અનાવરણ કરવામાં આવ્યું હતું.
Gujarat Super League: યુવા પ્રતિભાઓ માટે આંતરરાષ્ટ્રીય સ્તરની સુવર્ણ તક
ગુજરાતના યુવા ફૂટબોલ ખેલાડીઓ વૈશ્વિક સ્તરે પોતાની પ્રતિભા સાબિત કરી શકે તે હેતુથી એક મોટો અને દૂરગામી નિર્ણય લેવામાં આવ્યો છે. U-20 (અંડર-20) કેટેગરીના ખેલાડીઓમાંથી શ્રેષ્ઠ દેખાવ કરનાર બે પ્રતિભાશાળી ખેલાડીઓની પસંદગી કરીને તેમને જર્મની મોકલવામાં આવશે, જ્યાં તેઓ જર્મનીની જાણીતી ટિયર-૩ અને ટિયર-૪ ટૂર્નામેન્ટ માટે ખાસ ટ્રાયલ પ્રક્રિયામાં ભાગ લેશે. આનાથી રાજ્યના યુવાનોને ઇન્ટરનેશનલ પ્લેટફોર્મ મેળવવાની ઉત્તમ તક મળશે.
Gujarat Super League: નવી ડિજિટલ એપ દ્વારા રમતનું સંચાલન અને સહાય પેકેજ
આગામી સીઝનને વધુ પારદર્શક, સરળ અને ટેક્નોલોજી સજ્જ બનાવવા માટે જી.એસ.એફ.એ. દ્વારા એક અત્યાધુનિક ડિજિટલ એપ લોન્ચ કરવામાં આવી છે. આ મોબાઈલ એપ્લિકેશનની મદદથી તમામ ફૂટબોલ પ્રેમીઓને મેચનું ફિક્સ્ચર, લાઈવ પરિણામો, ટીમ અને ખેલાડીઓને લગતી વિગતવાર માહિતી તેમજ તમામ પ્રકારના તાજા અપડેટ્સ ઘર બેઠા બહુ જ સરળતાથી મળી રહેશે.
આ ઉપરાંત, રમત દરમિયાન અકસ્માતે ઇજાગ્રસ્ત બનેલા ખેલાડી રાહુલ ભાટીયાની વહારે આવીને એસોસિએશન દ્વારા તેમને ₹૨ લાખની ઉદાર એક્સ-ગ્રેશિયા સહાય જાહેર કરવામાં આવી છે, જે ખેલાડીઓ પ્રત્યે સંવેદના દર્શાવે છે. આ ભવ્ય અને રોમાંચક શુભારંભ પ્રસંગે મોટી સંખ્યામાં હાજર રહેવા માટે એસોસિએશનના પ્રમુખ શ્રી પરિમલ નથવાણી અને માનદ સચિવ શ્રી મૂળરાજસિંહ ચુડાસમા દ્વારા રાજ્યભરના તમામ ફૂટબોલ પ્રેમીઓ અને નાગરિકોને હાર્દિક નિમંત્રણ તથા આહ્વાન પાઠવવામાં આવ્યું છે.
વધુ સમાચાર વાંચવા માટે અંહી ક્લિક કરો
ઘરેણાં ખરીદવા માટે રોકડ સાચવી હતી, વર્ષો બાદ પેટી ખોલતાં મોટાભાગની નોટો ઉંદરોએ કાતરી નાખેલી મળી
