Gujarat Rain Forecast: ગુજરાતમાં ફરી એકવાર વરસાદી સિસ્ટમ સક્રિય થવાની આગાહી વચ્ચે રાજ્યમાં વરસાદી માહોલ યથાવત રહેવાની શક્યતા છે. હવામાન નિષ્ણાત અંબાલાલ પટેલની આગાહી મુજબ, આવતીકાલથી ગુજરાતમાં વરસાદનો ભારે રાઉન્ડ શરૂ થઈ શકે છે. ખાસ કરીને દક્ષિણ ગુજરાત, મધ્ય ગુજરાત અને સૌરાષ્ટ્રના કેટલાક વિસ્તારોમાં ભારે વરસાદની શક્યતા વ્યક્ત કરવામાં આવી છે.
Gujarat Rain Forecast: 12 સપ્ટેમ્બરે દક્ષિણ ગુજરાતમાં ભારે વરસાદ
12 સપ્ટેમ્બરે દક્ષિણ ગુજરાતમાં ભારે વરસાદ પડવાની શક્યતા છે. કેટલાક વિસ્તારોમાં વરસાદનું પ્રમાણ 4થી 5 ઈંચ સુધી પહોંચી શકે છે, જ્યારે સ્થાનિક રીતે કેટલાક વિસ્તારોમાં 6 ઈંચ સુધી વરસાદ વરસી શકે તેવી આગાહી કરવામાં આવી છે.
Gujarat Rain Forecast: 13 સપ્ટેમ્બરે સૌરાષ્ટ્રમાં મેઘમહેર
13 સપ્ટેમ્બરે દક્ષિણ સૌરાષ્ટ્રમાં ભારે વરસાદની શક્યતા દર્શાવવામાં આવી છે. રાજકોટ અને મોરબી સહિત ઉત્તર સૌરાષ્ટ્ર, તેમજ દ્વારકા, પોરબંદર અને જામનગરના વિસ્તારોમાં પણ વરસાદી માહોલ રહેવાની શક્યતા છે. કચ્છના કેટલાક વિસ્તારોમાં પણ વરસાદ પડવાની સંભાવના વ્યક્ત કરવામાં આવી છે.
Gujarat Rain Forecast: 12થી 14 સપ્ટેમ્બર મધ્ય ગુજરાતમાં ભારે વરસાદ
આગામી 12થી 14 સપ્ટેમ્બર દરમિયાન મધ્ય ગુજરાતમાં પણ ભારે વરસાદની શક્યતા છે. વરસાદી સિસ્ટમ સક્રિય થતાં રાજ્યના અનેક વિસ્તારોમાં ગાજવીજ સાથે વરસાદ પડી શકે છે.
હવામાનની આગાહી વચ્ચે ગાજવીજ અને થંડરસ્ટોર્મથી સાવચેતી રાખવા અપીલ કરવામાં આવી છે. વરસાદ દરમિયાન ખુલ્લા મેદાન, વૃક્ષો અને વીજ થાંભલાઓથી દૂર રહેવા સલાહ આપવામાં આવી છે.
18 સપ્ટેમ્બરે નવી સિસ્ટમની શક્યતા
આગાહી મુજબ 18 સપ્ટેમ્બરની આસપાસ વધુ એક વરસાદી સિસ્ટમ બનવાની શક્યતા છે. જો આ સિસ્ટમ સક્રિય બને તો ગુજરાતમાં વરસાદી માહોલ વધુ સમય સુધી યથાવત રહેવાની શક્યતા છે.
સાવચેત રહો, સુરક્ષિત રહો. સ્થાનિક હવામાન વિભાગ અને વહીવટી તંત્રની સત્તાવાર સૂચનાઓ પર નજર રાખવી જરૂરી રહેશે.
વધુ સમાચાર વાંચવા માટે અંહી ક્લિક કરો: સાઉદીનું તેલ ઉત્પાદન 36 વર્ષના તળિયે : ભારતના અર્થતંત્ર પર મોંઘવારીનું જોખમ
