GPSC Exam Hall Ticket Download Dates Announced: ગુજરાત જાહેર સેવા આયોગ (GPSC) દ્વારા જાન્યુઆરી અને ફેબ્રુઆરી મહિનામાં યોજાનારી વિવિધ ભરતી પ્રક્રિયાઓની પ્રાથમિક તથા મુખ્ય પરીક્ષાઓ માટે કોલલેટર (હોલ ટિકિટ) ડાઉનલોડ કરવાની તારીખો જાહેર કરવામાં આવી છે. આયોગે સ્પષ્ટ કર્યું છે કે તમામ કોલલેટર માત્ર ઓનલાઈન માધ્યમથી જ ઉપલબ્ધ કરાવવામાં આવશે અને કોઈપણ ઉમેદવારને પોસ્ટ અથવા અન્ય માધ્યમથી હોલ ટિકિટ મોકલવામાં નહીં આવે.
GPSC Exam Hall Ticket Download Dates Announced:ઉમેદવારો GPSC વેબસાઇટ પરથી કોલલેટર ડાઉનલોડ કરી શકશે
GPSC દ્વારા જાહેર કરાયેલા કાર્યક્રમ મુજબ, સંબંધિત પરીક્ષાના કોલલેટર પરીક્ષા પહેલાં નિર્ધારિત તારીખે આયોગની અધિકૃત વેબસાઇટ પર ઉપલબ્ધ રહેશે. ઉમેદવારોને પોતાનો કન્ફર્મેશન નંબર તથા જન્મતારીખ દાખલ કરીને કોલલેટર ડાઉનલોડ કરવા સૂચના આપવામાં આવી છે. કોલલેટરમાં પરીક્ષા કેન્દ્ર, પરીક્ષાની તારીખ, સમય તેમજ જરૂરી સૂચનાઓ વિગતવાર દર્શાવવામાં આવશે.
GPSC Exam Hall Ticket Download Dates Announced:કોલલેટર સાથે પરીક્ષા દિવસે લાવવું ફરજિયાત
આયોગે ઉમેદવારોને અનુરોધ કર્યો છે કે તેઓ સમયસર કોલલેટર ડાઉનલોડ કરી તેમાં દર્શાવેલી તમામ વિગતો સારી રીતે ચકાસી લે. પરીક્ષા દિવસે કોલલેટરની પ્રિન્ટ કૉપી સાથે માન્ય ઓળખપત્ર ફરજિયાત લાવવાનું રહેશે. કોઈ પણ ભૂલ કે ગેરસમજ ટાળવા માટે ઉમેદવારોને GPSCની વેબસાઇટ નિયમિત રીતે ચકાસતા રહેવા સૂચવાયું છે.
સૂચનાઓનું કડક પાલન કરવા GPSCની અપીલ
GPSCએ જણાવ્યું છે કે પરીક્ષા દરમિયાન આયોગ દ્વારા જાહેર કરવામાં આવેલી તમામ સૂચનાઓનું કડક પાલન કરવું અનિવાર્ય રહેશે. પરીક્ષા સંબંધિત કોઈ પણ નવી માહિતી, ફેરફાર કે સૂચના માત્ર અધિકૃત વેબસાઇટ પર જ જાહેર કરવામાં આવશે.
