Election Result: લોકસભાની 542 બેઠકો (Election Result 2024) માટે મતગણતરી ચાલી રહી છે. વલણો અનુસાર, એનડીએને 300થી ઓછી બેઠકો મળી રહી છે જ્યારે ભાજપને 250થી ઓછી બેઠકો મળતી જોવા મળી રહી છે. હવે સવાલ એ છે કે તેના સાથી પક્ષો ભાજપ માટે કેટલા મહત્વના રહેશે. નીતીશ કુમારની જેડીયુ, આરએલડીના જયંત ચૌધરી અને ચંદ્રાબાબુ નાયડુની ટીડીપી સરકાર બનાવવામાં મહત્વની ભૂમિકા ભજવશે.
NDA માટે નીતિશ કુમાર કેટલા મહત્વના ?
બિહારમાં પણ ભાજપ 2019ની સરખામણીમાં પાછળ રહી ગયું છે, જોકે JDU એ અહીં સારું પ્રદર્શન કર્યું છે. બિહારમાં એનડીએ ગઠબંધનમાં ભાજપની બેઠકો અટકી છે. જેડીયુ 16માંથી 14 સીટો પર આગળ ચાલી રહી છે. જ્યારે ભાજપ માત્ર 9 બેઠકો પર જ આગળ ચાલી રહી છે. બીજેપીએ બિહારમાં 17 સીટો પર ચૂંટણી લડી હતી.
Election Result : ચિરાગનો હાથ પણ ઉપર.!
બિહારમાં, ભાજપે 17 બેઠકો પર ચૂંટણી લડી હતી અને 9 બેઠકો પર આગળ છે, જ્યારે જેડીયુએ 16 બેઠકો પર ચૂંટણી લડી હતી, અને તે 13 બેઠકો પર આગળ છે. આ સિવાય ચિરાગ પાસવાનની પાર્ટી પાંચેય સીટો પર આગળ ચાલી રહી છે.
TDP નું સારું પ્રદર્શન, NDA માં ચંદ્રબાબુ નાયડુનું કદ વધશે
ચંદ્રબાબુ નાયડુની ટીડીપીએ લોકસભા ચૂંટણીમાં શાનદાર પ્રદર્શન કર્યું છે. પાર્ટી કુલ 25માંથી 16 બેઠકો પર આગળ ચાલી રહી છે, જ્યારે તેના સહયોગી ભાજપ અને જનસેના પાર્ટી અનુક્રમે 3 અને બે બેઠકો પર આગળ છે. હવે ટીડીપીને એનડીએ સરકારમાં મહત્વપૂર્ણ સહયોગી તરીકે જોવામાં આવશે અને તે પણ સ્પષ્ટ છે કે તે કેબિનેટની રચનામાં મહત્વની ભૂમિકા ભજવશે.
ઉત્તર પ્રદેશની રાજનીતિમાં મોટી ભૂમિકા ભજવનાર જયંત ચૌધરીની પાર્ટી RLD 2 સીટો જીતી શકે છે. ભાજપના ઉમેદવારો 35 બેઠકો પર આગળ છે અને સહયોગી રાષ્ટ્રીય લોકદળ બે બેઠકો પર આગળ છે. આવી સ્થિતિમાં NDAમાં RLDને પણ અવગણી શકાય નહીં.
બિહારની તમામ 40 લોકસભા સીટો પર મતગણતરી ચાલી રહી છે. પ્રારંભિક વલણોમાં, NDAમાં સમાવિષ્ટ લોક જનશક્તિ પાર્ટી (રામ વિલાસ) તેના ક્વોટાની તમામ બેઠકો પર આગળ છે. ચિરાગ પાસવાનની પાર્ટી પાંચેય સીટો પર આગળ ચાલી રહી છે. આવી સ્થિતિમાં ચિરાગ પાસવાનને પણ એનડીએના સામાન્ય સહયોગી તરીકે જોવામાં આવી રહ્યા છે.
તાજેતરમાં જ બિહારમાં નીતિશ કુમાર આરજેડી છોડીને એનડીએમાં જોડાયા હતા અને સાથે મળીને લોકસભાની ચૂંટણી લડ્યા હતા. જો કે, નીતિશ કુમારને વિશ્વસનીય ભાગીદાર તરીકે જોઈ શકાતા નથી, કારણ કે તેમણે ઘણી વખત પક્ષ બદલ્યો છે.
ઘણા હિન્દીભાષી રાજ્યોમાં ભાજપને મુશ્કેલીનો સામનો કરવો પડી રહ્યો છે. આ સાથે જ દક્ષિણના રાજ્ય કર્ણાટકમાં જ્યાં ભાજપ મજબૂત સ્થિતિમાં હતું, ત્યાં પણ તેને નુકસાન વેઠવું પડી રહ્યું છે. જે રાજ્યોમાં બીજેપીના નેતૃત્વમાં એનડીએને નુકસાન થઈ રહ્યું છે તેમાં ઉત્તર પ્રદેશ, બિહાર, રાજસ્થાન, હરિયાણા જેવા રાજ્યોનો સમાવેશ થાય છે.
આ બધામાં ભાજપને સૌથી મોટો ફટકો યુપીમાં લાગતો હોય તેમ લાગી રહ્યું છે. અહીંની 80 બેઠકોમાંથી ભાજપે 2014માં 71 અને 2019માં 62 બેઠકો જીતી હતી. પરંતુ, આ વખતે ભાજપ 33 બેઠકો પર આગળ છે, જ્યારે ભાજપે અહીં 75 બેઠકો પર ચૂંટણી લડી હતી.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
