Dhurandhar Storm: ભારતીય સિનેમા જગતમાં હાલ રણવીર સિંહની ફિલ્મ ‘ધુરંધર: ધ રિવેન્જ’ એ હાહાકાર મચાવ્યો છે. આદિત્ય ધરના નિર્દેશનમાં બનેલી આ ફિલ્મે કમાણીના તમામ જૂના રેકોર્ડ ધ્વસ્ત કરી દીધા છે. એક તરફ ફિલ્મની ઐતિહાસિક કમાણીની ચર્ચા છે, તો બીજી તરફ રણવીર સિંહના અત્યંત ડરામણા ‘ઘોસ્ટ’ લુકના રહસ્ય પરથી પણ પડદો ઊંચકાયો છે.
Dhurandhar Storm: VFX નહીં પણ મેકઅપનો કમાલ રણવીરનો ‘ઘોસ્ટ’ લુક વાયરલ
અત્યાર સુધી પ્રેક્ષકો એવું માની રહ્યા હતા કે ફિલ્મમાં રણવીરનો ડરામણો ચહેરો AI અથવા VFX (કમ્પ્યુટર ગ્રાફિક્સ)ની મદદથી બનાવાયો છે. પરંતુ સેલિબ્રિટી મેકઅપ આર્ટિસ્ટ પ્રીતિશીલ સિંહે એક BTS (બિહાઇન્ડ-ધ-સીન) વીડિયો શેર કરીને બધાને આશ્ચર્યચકિત કરી દીધા છે.
- કલાકોની મહેનત: રણવીર સિંહ કલાકો સુધી શાંતિથી બેસી રહેતા અને આર્ટિસ્ટ્સની ટીમ તેમના ચહેરા પર પેઇન્ટના અનેક લેયર ચડાવીને તેમને ‘ઘોસ્ટ બોર્ન ઓફ શેડોઝ’ લુક આપતી હતી.
- ફેન્સ સ્તબ્ધ: સોશિયલ મીડિયા પર ફેન્સ આ વીડિયો જોઈને દંગ રહી ગયા છે, કારણ કે આ આબેહૂબ લુક કોઈ ટેકનોલોજી નહીં પણ માનવીય કલાનો નમૂનો છે.
Dhurandhar Storm: 4 દિવસમાં ₹750 કરોડ તોડ્યા ‘પઠાણ’ અને ‘RRR’ના રેકોર્ડ
બોક્સ ઓફિસ પર આ ફિલ્મ અટકવાનું નામ નથી લઈ રહી. 19 માર્ચે રિલીઝ થયેલી આ ફિલ્મે માત્ર 4 દિવસમાં વિશ્વભરમાં ₹750 કરોડની કમાણી કરી છે.
- રવિવારનો રેકોર્ડ: ગઈકાલે રવિવારે એક જ દિવસમાં ભારતમાં ₹114.85 કરોડનું કલેક્શન કર્યું.
- દિગ્ગજોને પાછળ છોડ્યા: ‘ધુરંધર’ એ બાહુબલી 2 (₹591 કરોડ), કલ્કી 2898 AD (₹500 કરોડ) અને RRR (₹470 કરોડ) ના ઓપનિંગ વીકેન્ડના રેકોર્ડ તોડી નાખ્યા છે.
- 2026ની સૌથી મોટી ફિલ્મ: માત્ર ત્રણ જ દિવસમાં ‘બોર્ડર 2’ (₹470 કરોડ) ને પાછળ છોડીને આ વર્ષની સૌથી વધુ કમાણી કરનારી ફિલ્મ બની ગઈ છે.
ફિલ્મ જગતના દિગ્ગજો થયા ફિદા
ફિલ્મની સફળતા જોઈને કંગના રનૌતે આદિત્ય ધરને ‘સુપરસ્ટાર ફિલ્મમેકર’ ગણાવતા તેમની સરખામણી ક્રિસ્ટોફર નોલન સાથે કરી છે. એસ.એસ. રાજામૌલી અને રાકેશ રોશને પણ આ ફિલ્મને ‘ભારતીય સિનેમાના નવા યુગની શરૂઆત’ ગણાવી છે.
નિષ્ણાતોનું માનવું છે કે જો ફિલ્મની ગતિ આવી જ રહી તો તે ટૂંક સમયમાં ₹2000 કરોડનો આંકડો સ્પર્શનાર બીજી હિન્દી ફિલ્મ બની શકે છે.
વધુ સમાચાર વાંચવા માટે અંહી ક્લિક કરો : પાકિસ્તાન બન્યું દુનિયાનું ‘આતંકિસ્તાન’, આતંકવાદમાં વિશ્વમાં પ્રથમ નંબરે
