“હેલો..! હું અશોક ગેહલોત બોલી રહ્યો છું.” ; કોંગ્રેસના કાર્યકરોના ફોન પર ઓડિયો મેસેજ

વિધાનસભા ચૂંટણી  : રાજસ્થાનમાં વિધાનસભા ચૂંટણી ની તારીખો જાહેર થતાની સાથે જ રાજ્યના તમામ કોંગ્રેસના કાર્યકરોના ફોન પર એક ઓડિયો સંદેશ મોકલવામાં આવી રહ્યો છે, જેમાં રાજસ્થાનના મુખ્યમંત્રી અશોક ગેહલોતનો અવાજમાં સંભળાય છે. આ મેસેજમાં મુખ્યમંત્રી ગેહલોત કોંગ્રેસના કાર્યકર્તાઓને પ્રોત્સાહિત કરતા સંભળાય છે. મુખ્યમંત્રી કહી રહ્યા છે કે વર્ષ 2018માં રાજસ્થાનમાં કોંગ્રેસની સરકાર કાર્યકર્તાઓની અથાક મહેનતના કારણે બની હતી. હવે 2023ની વિધાનસભા ચૂંટણી માં પણ આનું પુનરાવર્તન કરવું પડશે.

શું કહ્યું મુખ્યમંત્રીએ અશોક ગેહલોત.?

મુખ્યમંત્રીએ પોતાના ઓડિયો સંદેશમાં કહ્યું, ‘હેલો, હું અશોક ગેહલોત છું. તમે કોંગ્રેસ પરિવારના મહત્વના સભ્ય છો. જેમ તમે જાણો છો કે રાજસ્થાનમાં વિધાનસભા ચૂંટણી ની જાહેરાત થઈ ગઈ છે. તમારી દિવસ-રાતની અથાક મહેનતનું પરિણામ હતું કે 2018માં રાજસ્થાનમાં કોંગ્રેસ સરકાર બની શકી. તમે ઐતિહાસિક જન કલ્યાણકારી યોજનાઓને દરેક ઘર સુધી પહોંચાડવાના કારણે કોંગ્રેસ સરકાર ફરી આનું પુનરાવર્તન કરી શકે છે. તમારી જવાબદારી વધુ વધે છે. આગામી બે મહિના સુધી આપણે તમામ પરસ્પર મતભેદો ભૂલીને પક્ષના હિતમાં જ કામ કરવું પડશે. કોંગ્રેસ નેતા રાહુલ ગાંધીના વિચારોને મજબૂત કરવા અને કોંગ્રેસની સરકાર બનાવવા માટે ફરી એકસાથે આવીને મોટો સંકલ્પ લેવો પડશે.

મારી તમને નમ્ર વિનંતી છે કે આ વખતે દેશની સામે તેમજ પક્ષની સામે પડકાર બહુ મોટો છે.. આવી સ્થિતિમાં રાજસ્થાનમાં આપણે કેવી રીતે સફળ થઈ શકીએ તે જોવાની જવાબદારી આપણી છે, જેથી દેશને એક સંદેશ જાય. અને આવનારા સમયમાં આપણે તમામ પડકારોનો સામનો કરવામાં સફળ રહીશું. દિલથી કામ કર્યું, ફરી કોંગ્રેસ.

ટૂંક સમયમાં ઉમેદવારોની જાહેરાત કરવામાં આવશે

મુખ્યમંત્રી અશોક ગેહલોતનો આ સંદેશ એવા સમયે કાર્યકર્તાઓને મળ્યો છે, જ્યારે રાજ્યમાં વિધાનસભા ચૂંટણી માટે કોંગ્રેસના ઉમેદવારોની યાદી જાહેર થવાની છે. આ અંગે દિલ્હીમાં કોંગ્રેસ વર્કિંગ કમિટીની બેઠક પણ યોજવામાં આવી હતી, જેમાં પાર્ટી હાઈકમાન્ડ સાથે ઉમેદવારોના નામ પર ચર્ચા થઈ હોવાના સમાચાર છે. આવી સ્થિતિમાં રાજસ્થાનના રાજકીય વર્તુળોમાં મુખ્યમંત્રીના આ ઓડિયો મેસેજના અનેક અર્થ કાઢવામાં આવી રહ્યા છે.

જો કે પ્રદેશ કોંગ્રેસ પ્રમુખ ગોવિંદસિંહ દોટાસરાએ પહેલા જ કહ્યું હતું કે, કોંગ્રેસમાં કોઈ ભાગલા નહીં થાય, અમે એક છીએ. અમે એકતામાં કામ કરીએ છીએ. અમે હવે જનતાની વચ્ચે જઈને રાજસ્થાન સરકારના તમામ કામો વિશે જણાવીશું અને અમને પૂરી આશા છે કે રાજસ્થાનની જનતા કોંગ્રેસ સરકારને સાથ આપશે.

દેશ, દુનિયા અને રાજનીતિને લગતા વધુ સમાચાર માટે – ક્લિક કરો અહી –

મધ્યપ્રદેશ, રાજસ્થાન, છત્તીસગઢ, તેલંગાણા અને મિઝોરમમાં ચૂંટણી : ECની પ્રેસ કોન્ફરન્સ

“જેમણે વાંધો હોય, તે કેન્દ્ર સાથે વાત કરી ફરીથી કરાવી લે” : વસ્તી ગણતરી પર પ્રશ્ન કરનારને તેજસ્વીનો જવાબ

પશ્રિમ બંગાળમાં સતત બીજા દિવસે ઈડીના દરોડા

બોમ્બે હાઇકોર્ટે કેન્દ્ર સરકારની ઝાટકણી કાઢી,વાંચો અહીં