સાયબર ક્રાઈમનાં ગુનાઓમાં દિન પ્રતિદિન વધારો થઈ રહ્યો છે. ગુજરાતમાં ચાઈનીઝ નાગરિક દ્વારા આર્થિક કૌભાંડ સામે આવ્યું છે. જેમાં ફૂટબોલ એપ્લિકેશનનાં માધ્યમથી ચાઈનીઝ નાગરિકે રૂ. 1400 કરોડ ખંખેર્યા છે. ચાઈનીઝ નાગરિક યુ યુઆન્બે રૂ. 1400 કરોડ લઈ રફુચક્કર થઈ ગયો હતો. ઉત્તર ગુજરાતમાં પાટણ અને બનાસકાંઠામાં બેટિંગ એપ કામ કરતી હતી. વુ યુઆન્બે એપનાં માધ્યમથી 15 થી 75 વર્ષનાં લોકોને ટાર્ગેટ કરતો હતો. એપનાં માધ્યમથી ડેટાની ચોરી કરીને 1400 કરોડ ની છેતરપિંડી કરી હતી. 1200 લોકો આ બેટિંગ એપનો ઉપયોગ કરતા હતા. 2022 થી બેટિંગ એપથી આર્થિક સટ્ટાનું નેટવર્ક ચાલતું હતું. સાયબર ક્રાઈમે ચાઈનીઝ ફૂટબોલ ગેમ્સથી સાવચેત રહેવાની પોલીસે લોકોને અપીલ કરી છે.
પોલીસે ચીની નાગરિકના 9 સહયોગીઓની કરી ધરપકડ
ગુજરાતમાં ચીની નાગરિકે 9 દિવસમાં લોકોનાં 1400 કરોડ ખંખેર્યા છે. દાની ડેટા’ નામની ફૂટબોલ સટ્ટાની એપ બનાવી 1400 કરોડની છેતરપિંડી કરવામાં આવી છે. ગુજરાતનાં બનાસકાંઠા અને પાટણનાં 1200 લોકો ભોગ બન્યા છે. માત્ર 9 દિવસમાં 1400 કરોડ ખંખેરી ચીની નાહરિક વૂ ઉયાનબે ફરાર થઈ ગયો છે. સટ્ટાની એપ દ્વારા દરરોજનાં 200 કરોડ ખંખેરવાની સંભવિત પ્રથમ ઘટનાં છે. પોલીસે ચીની નાગરિકનાં 9 સહયોગીઓની ધરપકડ કરી છે. તેમજ સમગ્ર મામલે ગુજરાત પોલીસે એસઆઈટીની રચનાં કરી તપાસ હાથ ધરી છે.
9 દિવસમાં 1400 કરોડ રૂપિયાની છેતરપિંડી આચરી
ગુજરાતમાં એક ચીની નાગરિકે નકલી ફુટબોલ સટ્ટાની એપ બનાવી માત્ર 9 દિવસમાં 1400 કરોડ રૂપિયાની છેતરપિંડી આચરી હોવાની માહિતી સામે આવતાં ખળભળાટ મચ્યો છે.. ચીની નાગરિક ગુજરાતના પાટણ અને સાબરકાંઠામાં રહી ફુટબોલ પર સટ્ટાની એપ બનાવી હતી. જેમાં મોટો નફો થવાની લાલચ આપી લોકોને પૈસા રોકવા જણાવ્યું હતું.
” દાની ડેટા” નામની આ ચીની એપ વિશે ગુજરાત પોલીસને જુન 2022મા માહિતી મળી હતી
જે બાદ પાટણ અને બનાસકાંઠાના 1200 લોકોએ આ નકલી એપમાં પૈસા રોક્યા હતા. જોકે માત્ર 9 દિવસમાં જ આ એપ બંધ થઇ જતાં લોકોને છેતરપિંડી થયાનો અહેસાસ થયો હતો. જો કે ત્યાં સુધી 1200 ગુજરાતીઓ 1400 કરોડ રૂપિયા ગુમાવી ચુક્યા હતા. ” દાની ડેટા” નામની આ ચીની એપ વિશે ગુજરાત પોલીસને જુન 2022મા માહિતી મળી હતી. જે બાદ પોલીસે સમગ્ર મામલે 9 લોકોની ધરપકડ કરી હતી. જો કે ચીની નાગરિક વૂ ઉયાનબે ત્યાં સુધી દેશ છોડીને ફરાર થઇ ગયો હતો.
પોલીસે સમગ્ર મામલે SIT ની રચના કરી
સમગ્ર મામલે ગુજરાત પોલીસે SITની રચના કરી છે. જો કે ગુજરાતમાં સટ્ટેબાજીની એપ દ્વારા 1200 લોકો પાસેથી 1400 કરોડની છેતરપિંડીની સંભવિત આ પહેલી ઘટના છે. ચીની નાગરિક વૂ ઉયાનબે આ નકલી એપ દ્વારા દરરોજના 200 કરોડ રૂપિયા સેરવી લેવામાં સફળ રહ્યો. ચીની એપ ” દાની ડેટા”ના આ ચોંકાવનારા મામલામાં મોટા ભાગે પાટણ અને બનાસકાંઠાના લોકો ભોગ બન્યા છે..ત્યારે આ એપમાં કરોડો રૂપિયાનો સટ્ટો ખેલનાર લોકો કોણ હતા તેનેલઇને પણ પોલીસે તપાસ હાથ ધરી છે.
