Bank Merger : આગામી વર્ષોમાં ભારતના બેંકિંગ ક્ષેત્રમાં મોટા પાયે ફેરફાર જોવા મળી શકે છે. કેન્દ્ર સરકાર લગભગ પાંચ વર્ષ પછી ફરી એક વખત જાહેર ક્ષેત્રની બેંકોના પુનર્ગઠન (PSU Banks Reorganisation) પર કામ કરી રહી છે. સૂત્રોના જણાવ્યા અનુસાર, સરકારે એક એવી યોજના પર વિચારણા શરૂ કરી છે, જેના અંતર્ગત છ જેટલી નાની બેંકોનું મર્જર SBI, PNB અને બેંક ઓફ બરોડા જેવી મોટી બેંકો સાથે કરી શકાય છે.
જો આ યોજના અમલી બનશે તો દેશમાં જાહેર ક્ષેત્રની બેંકોની સંખ્યા વધુ ઘટશે, પરંતુ સરકાર માને છે કે આ પગલાથી બેંકિંગ સિસ્ટમ વધુ મજબૂત અને કાર્યક્ષમ બનશે.
Bank Merger : કઈ બેંકોના મર્જર પર ચર્ચા?
પ્રારંભિક ચર્ચાઓ પ્રમાણે નીચેની નાની PSU બેંકોનું વિલીનીકરણ થઈ શકે છે:
- ઇન્ડિયન ઓવરસીઝ બેંક (IOB)
- સેન્ટ્રલ બેંક ઓફ ઇન્ડિયા
- બેંક ઓફ ઇન્ડિયા
- અન્ય કેટલીક મધ્યમ અને નાની બેંકો
આ બેંકોનું મર્જર નીચેની મોટી બેંકો સાથે થઈ શકે છે:
- SBI
- PNB
- બેંક ઓફ બરોડા
Bank Merger : સરકાર મર્જર શા માટે કરવા માંગે છે?
સરકારનું લક્ષ્ય છે કે નાની અને કમજોર જાહેર ક્ષેત્રની બેંકોને મજબૂત બેંકોમાં મર્જ કરીને દેશના બેંકિંગ નેટવર્કને સક્ષમ બનાવવું. મર્જર પછી મળતા સંભાવિત ફાયદા કયા છે તો એના પર નજર કરીએ તો
- બેંકો પાસે મોટું મૂડી ભંડાર ઉપલબ્ધ રહેશે
- મોટા ઈન્ફ્રાસ્ટ્રક્ચર અને વિકાસ પ્રોજેક્ટ્સને સરળતાથી લોન આપી શકાશે
- કાર્યકારી અને વહીવટી ખર્ચમાં ઘટાડો
- ટેકનોલોજી તથા સર્વિસ ડિલિવરીમાં સુધારો
- વધુ મજબૂત અને સ્થિર બેંકિંગ સિસ્ટમનું નિર્માણ
Bank Merger : સરકાર દ્વારા કોઈ સત્તાવાર જાહેરાત નહીં
હાલ સરકાર તરફથી કોઈ સત્તાવાર જાહેરાત કરવામાં આવી નથી. પરંતુ નીતિ આયોગ અને નાણાં મંત્રાલય અગાઉથી જ એનો મંતવ્ય વ્યક્ત કરી ચૂક્યા છે કે દેશમાં મોટી અને મજબૂત બેંકો હોવી લાભદાયી છે.
2017 પછી થયેલા મોટા બેંક મર્જર્સ
➡ 2017 – SBI મર્જર
સ્ટેટ બેંક ઓફ બિકાનેર એન્ડ જયપુર, હૈદરાબાદ, પટિયાલા, મૈસુર, ત્રાવણકોર અને ભારતીય મહિલા બેંક—all નું SBI સાથે મર્જર થયું.
SBI દેશની સૌથી મોટી જાહેર ક્ષેત્રની બેંક બની.
➡ 2019 – બેંક ઑફ બરોડા મર્જર
વિજયા બેંક અને દેના બેંકનું બેંક ઑફ બરોડા સાથે વિલીનીકરણ.
તેને દેશની ત્રીજી સૌથી મોટી PSU બેંક બનાવ્યું.
➡ 2020 – PNB મર્જર
ઓરિયન્ટલ બેંક ઑફ કોમર્સ અને યુનાઇટેડ બેંક ઑફ ઇન્ડિયાનું PNB સાથે મર્જર.
PNB દેશની બીજી સૌથી મોટી જાહેર ક્ષેત્રની બેંક બની.
મોટા પાયાના મર્જર્સને કારણે PSU બેંકોની સંખ્યા 27થી ઘટીને હવે માત્ર 12 રહી ગઈ છે.
વધારે સમાચાર વાંચવા માટે નીચે આપેલ લીંક પર ક્લિક કરો
