Apple Event 2026: Appleના આગામી મેગા ઇવેન્ટ પહેલાં કંપનીની પ્રોડક્ટ લાઇનઅપને લઈને ચર્ચા તેજ બની છે. Appleએ સત્તાવાર રીતે 9 સપ્ટેમ્બર 2026ના રોજ “Surprise and shine” ઇવેન્ટની જાહેરાત કરી છે, જેમાં નવા iPhone સહિત અનેક પ્રોડક્ટ્સ રજૂ થવાની અપેક્ષા છે.
આ ઇવેન્ટ પહેલાં અહેવાલો અને અટકળોમાં એવી ચર્ચા ચાલી રહી છે કે નવા ડિવાઇસની એન્ટ્રી બાદ Apple પોતાની લાઇનઅપમાંથી 10થી વધુ હાલના પ્રોડક્ટ્સને બંધ અથવા સત્તાવાર વેચાણમાંથી દૂર કરી શકે છે.
Apple Event 2026: iPhone 17 Pro અને Pro Max પર નજર
સંભવિત યાદીમાં સૌથી વધુ ચર્ચા iPhone 17 Pro અને iPhone 17 Pro Maxને લઈને છે. સપ્ટેમ્બર ઇવેન્ટમાં iPhone 18 Pro અને iPhone 18 Pro Max રજૂ થવાની અપેક્ષા છે. નવા Pro મોડલ્સની એન્ટ્રી બાદ iPhone 17 Pro સિરીઝને Appleની સત્તાવાર લાઇનઅપમાંથી હટાવવામાં આવી શકે છે. જોકે, આ બાબતે Apple તરફથી હજુ કોઈ સત્તાવાર પુષ્ટિ કરવામાં આવી નથી.
Apple Event 2026: Watchથી લઈને AirPods સુધીની યાદી
અહેવાલોમાં iPhone 16, iPhone 16 Plus, Apple Watch Series 11, Apple Watch Ultra 3, AirPods 4 અને AirPods 4 with ANC જેવા મોડલ્સના નામ પણ સંભવિત ડિસ્કન્ટિન્યુ લિસ્ટમાં છે.
આ ઉપરાંત Apple TV 4Kની 3rd generation અને HomePod mini તથા HomePodના હાલના મોડલ્સ પણ લાઇનઅપમાંથી હટી શકે છે તેવી ચર્ચા છે.
Apple Event 2026: Appleની જૂની પરંપરા
Apple નવી જનરેશનના પ્રોડક્ટ્સ રજૂ કરતી વખતે જૂના અથવા સમાન કેટેગરીના કેટલાક મોડલ્સને પોતાની સત્તાવાર લાઇનઅપમાંથી દૂર કરતું આવ્યું છે. આ વખતે પણ નવી પ્રોડક્ટ્સ અને નવી કિંમતો જાહેર થયા બાદ કયા જૂના મોડલ્સ ચાલુ રહેશે અને કયા બંધ થશે તે સ્પષ્ટ થશે.
હાલની તમામ યાદી રિપોર્ટ્સ અને અટકળો પર આધારિત છે. 9 સપ્ટેમ્બરની Apple ઇવેન્ટ બાદ જ કંપની કયા મોડલ્સનું વેચાણ ચાલુ રાખશે અને કયા મોડલ્સને સત્તાવાર રીતે બંધ કરશે તેની અંતિમ તસવીર સ્પષ્ટ થશે.
વધુ સમાચાર વાંચવા માટે અંહી ક્લિક કરો: ₹65 લાખનું પેકેજ ઠુકરાવ્યું : પરિવાર અને સ્વાસ્થ્યને આપી પ્રાથમિકતા
