Fog Covers 21 UP Districts: બંગાળની ખાડીમાં સર્જાયેલું ડીપ ડિપ્રેશન સોમવાર સાંજ સુધીમાં ચક્રવાતી વાવાઝોડામાં ફેરવાઈ શકે છે. આ વાવાઝોડાનું નામ ‘અકવાન’ રાખવામાં આવશે અને તે આંધ્ર પ્રદેશના દરિયાકાંઠા તરફ આગળ વધે તેવી શક્યતા છે. હવામાન વિભાગે 16થી 21 નવેમ્બર દરમિયાન આંધ્ર પ્રદેશ, તમિલનાડુ અને ઓડિશામાં ભારે વરસાદની ચેતવણી જાહેર કરી છે. તમિલનાડુના ચેન્નાઈ સહિત અનેક વિસ્તારોમાં 17 નવેમ્બરથી ગાજવીજ અને વીજળી સાથે ભારે વરસાદ પડી શકે છે. આ દરમિયાન 40થી 50 કિલોમીટર પ્રતિ કલાકની ઝડપે પવન ફૂંકાવાની શક્યતા છે.
Fog Covers 21 UP Districts: તમિલનાડુમાં ભારે વરસાદની આગાહી

17 નવેમ્બરથી ચેન્નાઈ, તિરુવલ્લુર અને ચેંગલપટ્ટુમાં ભારે વરસાદની સંભાવના છે. જ્યારે 18 નવેમ્બરથી કાંચીપુરમ, રાણીપેટ, તિરુવન્નામલાઈ, વિલ્લુપુરમ, કુડ્ડાલોર અને મયિલાદુથુરાઈમાં વરસાદ પડી શકે છે. પુડુચેરીમાં પણ હવામાન ખરાબ થવાની શક્યતા વ્યક્ત કરવામાં આવી છે.
Fog Covers 21 UP Districts: માછીમારોને 21 નવેમ્બર સુધી દરિયો ન ખેડવા સલાહ

દરિયામાં ભારે પવન અને ઊંચાં મોજાં ઊઠવાની શક્યતાને ધ્યાનમાં રાખીને હવામાન વિભાગે તમિલનાડુના દરિયાકાંઠાના વિસ્તારોના માછીમારોને 16થી 21 નવેમ્બર સુધી સમુદ્રમાં ન જવાની સલાહ આપી છે. તોફાની હવામાન દરમિયાન દરિયામાં જવું જોખમી બની શકે છે.
Fog Covers 21 UP Districts: યુપીના 21 જિલ્લાઓમાં ધુમ્મસ, રાજસ્થાનમાં ઠંડી વધી

ઉત્તર ભારતમાં પણ હવામાનમાં ફેરફાર જોવા મળી રહ્યો છે. ઉત્તર પ્રદેશના 21 જિલ્લાઓમાં ધુમ્મસ છવાયું છે. સંભલ, રામપુર અને પીલીભીતમાં વરસાદ નોંધાયો છે. વેસ્ટર્ન ડિસ્ટર્બન્સની અસરથી પશ્ચિમ ઉત્તર પ્રદેશના 17 શહેરોમાં વરસાદની શક્યતા છે. રાજસ્થાનમાં બે દિવસના વરસાદ બાદ ઠંડીમાં વધારો થયો છે. અલવર અને સીકરમાં વરસાદ પડ્યો હતો, જ્યારે જયપુર સહિત અનેક વિસ્તારોમાં વાદળછાયું વાતાવરણ રહ્યું છે. હવામાન વિભાગે રાજસ્થાનના 10 જિલ્લાઓમાં વરસાદનું યલો એલર્ટ જાહેર કર્યું છે.

Fog Covers 21 UP Districts: ચારધામ સહિત પહાડી વિસ્તારોમાં હિમવર્ષા

કાશ્મીર અને ઉત્તરાખંડના અનેક વિસ્તારોમાં હિમવર્ષા થતાં મેદાની વિસ્તારોમાં પણ ઠંડીનો અનુભવ વધી રહ્યો છે. કેદારનાથ અને બદ્રીનાથ સહિત ચારેય ધામોમાં રવિવારે બરફવર્ષા થઈ હતી. હિમાચલ પ્રદેશ અને લદ્દાખમાં આગામી બે દિવસ હિમવર્ષાની શક્યતા છે. બીજી તરફ, મધ્ય પ્રદેશમાં 20 નવેમ્બર બાદ બંગાળની ખાડીમાં સર્જાતી હવામાન પ્રણાલીની અસરથી વરસાદનો નવો રાઉન્ડ શરૂ થઈ શકે છે.

વધુ સમાચાર વાંચવા માટે અંહી ક્લિક કરો: સોના-ચાંદીના ભાવમાં મોટો કડાકો: સોનું ₹1,429 અને ચાંદી ₹8,720 સસ્તી; ચાંદી 11 મહિનાના તળિયે

