Amit Shah, Rajnath Singh: નવી દિલ્હીમાં BJPના રાષ્ટ્રીય અધ્યક્ષ નીતિન નવીનના નિવાસસ્થાને પક્ષના ટોચના નેતાઓની મહત્વપૂર્ણ બેઠક યોજાઈ હોવાના અહેવાલ છે. બેઠકમાં કેન્દ્રીય ગૃહમંત્રી અમિત શાહ, સંરક્ષણમંત્રી રાજનાથ સિંહ, કેન્દ્રીય મંત્રી શિવરાજ સિંહ ચૌહાણ અને અશ્વિની વૈષ્ણવ સહિતના વરિષ્ઠ નેતાઓ હાજર રહ્યા હતા.
સંગઠન અને આંતરિક સંકલન પર ચર્ચા
બેઠકમાં BJPના સંગઠનને વધુ મજબૂત બનાવવા, આંતરિક સંકલન વધારવા તેમજ આગામી રાજકીય કાર્યક્રમોની તૈયારીઓ અંગે ચર્ચા કરવામાં આવી હોવાનું સામે આવ્યું છે. પક્ષના વરિષ્ઠ નેતાઓ વિનોદ તાવડે, સુનીલ બંસલ અને સાંસદ અનિલ બાલુની પણ બેઠકમાં જોડાયા હતા.
આગામી કાર્યક્રમો અને વ્યૂહરચના પર મંથન
BJP માટે સંગઠનાત્મક સ્તરે આગામી સમયગાળો મહત્વપૂર્ણ માનવામાં આવી રહ્યો છે. બેઠક દરમિયાન સરકાર અને સંગઠન વચ્ચે વધુ સારા સંકલન, પક્ષના કાર્યક્રમોની તૈયારી અને ભવિષ્યની રાજકીય રણનીતિ અંગે વિચારોનું આદાન-પ્રદાન થયું હોવાનું અહેવાલમાં જણાવાયું છે.
ટોચના નેતાઓની એકસાથે હાજરીને કારણે આ બેઠકને BJPના સંગઠનાત્મક અને રાજકીય દૃષ્ટિકોણથી મહત્વપૂર્ણ માનવામાં આવી રહી છે. જોકે બેઠકમાં લેવાયેલા ચોક્કસ નિર્ણયો અંગે સત્તાવાર વિગતો સામે આવી નથી.
વધુ સમાચાર વાંચવા માટે અંહી ક્લિક કરો: આંતરરાષ્ટ્રીય હોકી ચેમ્પિયનને મળશે મૂળભૂત સુવિધા: વિનિમાના ઘરે શૌચાલયનું કામ શરૂ
