From Asian Cup Gold to Basic Facilities: ઝારખંડના ખુન્ટી જિલ્લાના કરી પ્રખંડની આંતરરાષ્ટ્રીય હોકી ખેલાડી વિનિમા ધાનાએ જુનિયર એશિયા કપમાં ભારતને ગોલ્ડ મેડલ અપાવવામાં મહત્વની ભૂમિકા ભજવી હતી. જોકે આંતરરાષ્ટ્રીય સ્તરે દેશનું નામ રોશન કરનાર આ ખેલાડીના પોતાના ઘરમાં જ શૌચાલયની સુવિધા ન હોવાનું સામે આવતા તંત્રની કામગીરી સામે સવાલો ઊભા થયા હતા.
વિનિમાના ઘરમાં શૌચાલય ન હોવાના મુદ્દે મીડિયા અહેવાલો સામે આવ્યા બાદ સંબંધિત તંત્ર હરકતમાં આવ્યું છે. હવે તેમના ઘરમાં શૌચાલયના નિર્માણની પ્રક્રિયા શરૂ કરવામાં આવી છે.
From Asian Cup Gold to Basic Facilities: ગોલ્ડ મેડલ બાદ સામે આવી મૂળભૂત સુવિધાની સમસ્યા
વિનિમાએ તાજેતરમાં જુનિયર એશિયા કપમાં ભારત માટે ગોલ્ડ મેડલ જીત્યો હતો. ગોલ્ડ મેડલ જીત્યા બાદ તેમના ગામ અને પરિવારની સ્થિતિ અંગે ચર્ચા શરૂ થઈ હતી. આ દરમિયાન સામે આવ્યું કે તેમના પરિવારને હજુ સુધી ઘરમાં શૌચાલય જેવી મૂળભૂત સુવિધા ઉપલબ્ધ નહોતી.
અહેવાલો મુજબ, વર્ષ 2018માં વિસ્તારને ખુલ્લામાં શૌચમુક્ત એટલે કે ODF જાહેર કરવામાં આવ્યો હતો. તેમ છતાં વિનિમાના ઘરમાં શૌચાલય ન હોવાની બાબત સામે આવતા સરકારી દાવાઓ પર પણ સવાલો ઉઠ્યા હતા.
From Asian Cup Gold to Basic Facilities: મીડિયા અહેવાલ બાદ તંત્ર હરકતમાં
વિનિમાના ઘરે શૌચાલય ન હોવાની માહિતી સામે આવ્યા બાદ સંબંધિત વિભાગે કાર્યવાહી શરૂ કરી છે. હવે તેમના ઘરમાં શૌચાલય બનાવવાનું કામ શરૂ કરવામાં આવશે. તંત્ર દ્વારા મૂળભૂત સુવિધાની કામગીરીને પ્રાથમિકતા આપી હોવાનું જણાવાયું છે.
વિનિમાની સિદ્ધિ બાદ તેમના પરિવારને મળનારી આ સુવિધા માત્ર એક શૌચાલયનું નિર્માણ નથી, પરંતુ દેશ માટે ગોલ્ડ મેડલ જીતનાર ખેલાડીના પરિવાર સુધી સરકારી યોજનાઓ અને મૂળભૂત સુવિધાઓ પહોંચાડવાની દિશામાં મહત્વપૂર્ણ પગલું માનવામાં આવી રહ્યું છે.
વધુ સમાચાર વાંચવા માટે અંહી ક્લિક કરો: ખેડૂતો માટે મોટી જાહેરાત: બિયારણ-સીડ મિની કીટ માટે 15 ઓક્ટોબર સુધી અરજી
