Navratri Celebrations: નવરાત્રી 2026ને લઈને ગરબા રસિકોમાં ઉત્સાહ જોવા મળી રહ્યો છે. ગુજરાત સહિત દેશના વિવિધ શહેરોમાં આ વર્ષે જાણીતા ગાયકોના લાઈવ ગરબા કાર્યક્રમોનું આયોજન કરવામાં આવી રહ્યું છે. અમદાવાદ અને મુંબઈમાં ખાસ ગરબા ઈવેન્ટ્સ માટે તૈયારીઓ શરૂ થઈ ગઈ છે.
Navratri Celebrations: અમદાવાદમાં જાણીતા ગાયકોના કાર્યક્રમો
અમદાવાદમાં દાંડિયા ધમાલ 2026માં ગાયક જુગેશ કવિરાજ પોતાના સંગીતથી ગરબાપ્રેમીઓને ઝૂમાવશે. આ ઉપરાંત આદિત્ય ગઢવીનો રંગ મોરલા કાર્યક્રમ સાઉથવા પાર્ટી પ્લોટ, શેલા રોડ ખાતે યોજાશે.
કિંજલ દવેનો દેશી કળા નવરાત્રી 2026 કાર્યક્રમ કાંદિવલી, મુંબઈમાં યોજાવાનો છે. જ્યારે હેતુશ્રી પાઠકના નવરાત્રી ઉત્સવ 2026 માટે બાંદ્રા કુર્લા કોમ્પ્લેક્સમાં આયોજન કરવામાં આવ્યું છે.
Navratri Celebrations: મુંબઈમાં પણ ગરબાની ધૂમ
પાર્થિવ ગોહિલ રેગીલો રે 2026 કાર્યક્રમમાં મુંબઈના NESCO હોલ-6 ખાતે પરફોર્મ કરશે. ગીતા રબારીનો શાસ્ત્રીય નવરાત્રી 2026 કાર્યક્રમ પણ મુંબઈમાં યોજાશે.
આ ઉપરાંત અન્ય સ્થળોએ કિર્તિદાન ગઢવી, એશ્વર્યા મજમુદાર, જિગરદાન ગઢવી, કવિ ઓમ ગઢવી અને ભૂમિ ત્રિવેદી સહિતના ગાયકોના કાર્યક્રમોનું આયોજન કરવામાં આવ્યું છે.
ગરબા રસિકોમાં વધ્યો ઉત્સાહ
નવરાત્રી દરમિયાન અલગ-અલગ થીમ સાથે યોજાતા ગરબા કાર્યક્રમો માટે આયોજકો તૈયારીઓ કરી રહ્યા છે. જાણીતા કલાકારોની હાજરીને કારણે આ કાર્યક્રમોમાં મોટી સંખ્યામાં ગરબા રસિકો જોડાય તેવી અપેક્ષા છે.
વધુ સમાચાર વાંચવા માટે અંહી ક્લિક કરો: પેટ્રોલ પંપો પર ઓનલાઈન પેમેન્ટ ‘NO’ : UPI ચાર્જના કારણે કેટલાક પંપો પર કેશ પેમેન્ટના પોસ્ટરો લાગ્યા
