Raksha Bandhan 2026:આવતીકાલે એટલે કે 28 ઓગસ્ટ, શુક્રવારે રક્ષાબંધનનો પવિત્ર તહેવાર ઉજવાશે. શ્રાવણ મહિનાની પૂર્ણિમાએ ઉજવાતો આ તહેવાર ભાઈ-બહેન વચ્ચેના પ્રેમ, લાગણી, વિશ્વાસ અને રક્ષણના બંધનનું પ્રતિક માનવામાં આવે છે. બહેન ભાઈના કાંડે રાખડી બાંધી તેના સુખ, સમૃદ્ધિ અને લાંબા આયુષ્યની પ્રાર્થના કરે છે, જ્યારે ભાઈ બહેનની હંમેશા રક્ષા કરવાનો સંકલ્પ કરે છે.
Raksha Bandhan 2026: રાખડી બાંધવાનો શુભ સમય
ગુજરાતમાં ખાસ કરીને અમદાવાદ માટે પંચાંગ આધારિત ગણતરી મુજબ સવારે 6:19/6:20થી 9:48 સુધીનો સમય રક્ષાબંધનના રાખડી બાંધવાના શુભ મુહૂર્ત તરીકે દર્શાવવામાં આવ્યો છે. પૂર્ણિમા તિથિ 28 ઓગસ્ટે સવારે 9:48 વાગ્યે પૂર્ણ થાય છે.
Raksha Bandhan 2026: અમદાવાદનું શુભ ચોઘડિયું
28 ઓગસ્ટે અમદાવાદ માટે દિવસના ચોઘડિયામાં:
- ચર: સવારે 6:20 થી 7:55
- લાભ: સવારે 7:55 થી 9:30
- અમૃત: સવારે 9:30 થી 11:05
- શુભ: બપોરે 12:40 થી 2:15
- ચર: સાંજે 5:26 થી 7:01
આ પૈકી અમૃત ચોઘડિયું સવારે 9:30થી 11:05 સૌથી ઉત્તમ ગણાય છે. જોકે રાખડી માટે પૂર્ણિમા તિથિ 9:48 સુધી હોવાથી, ઉપલબ્ધ મુહૂર્તને ધ્યાનમાં રાખીને સવારે 9:30થી 9:48નો સમય ખાસ અનુકૂળ રહે છે.
Raksha Bandhan 2026: રાખડી બાંધવાની સરળ વિધિ
સૌપ્રથમ ભાઈને બેસાડીને કંકુ-ચોખાથી તિલક કરવું, ત્યારબાદ આરતી ઉતારી જમણા હાથમાં રાખડી બાંધવી અને મીઠાઈ ખવડાવવી. ત્યારબાદ ભાઈ પોતાની બહેનને ભેટ આપી તેના સુખ-સલામતીની જવાબદારીનો સંકલ્પ કરે છે. પરંપરાગત રીતે ભાઈનું મુખ પૂર્વ અથવા ઉત્તર-પૂર્વ દિશા તરફ રાખવાની માન્યતા પણ જોવા મળે છે.
રાખડી માત્ર દોરો નથી
રક્ષાબંધનનો સાચો અર્થ માત્ર રાખડી બાંધવા કે ભેટ આપવા પૂરતો નથી. આ દિવસ ભાઈ-બહેન વચ્ચેના સંબંધને વધુ મજબૂત કરવાનો અને એકબીજાની મુશ્કેલીમાં સાથે ઊભા રહેવાનો સંકલ્પ કરવાનો દિવસ છે. આ તહેવારમાં સૌથી મોટી ભેટ મોંઘી વસ્તુ નહીં, પરંતુ એકબીજા માટેનો પ્રેમ અને વિશ્વાસ છે.
નોંધ: ચોઘડિયા અને મુહૂર્ત સ્થળ પ્રમાણે થોડા મિનિટ બદલાઈ શકે છે. ઉપરના સમય અમદાવાદ માટેના પંચાંગ આધારિત સમય છે. ધાર્મિક વિધિ માટે તમારા સ્થાનિક પંચાંગની ગણતરીને પ્રાધાન્ય આપવું યોગ્ય રહેશે.
વધુ સમાચાર વાંચવા માટે અંહી ક્લિક કરો: અમદાવાદમાં બ્લડ પ્રેશરની નકલી ગોળીઓનું કૌભાંડ, 15 હજાર નકલી ગોળીઓનું સેવન
