Terrifying Accident in Surat: સુરત શહેરમાં વરાછા વિસ્તારમાં આજે એક વિચિત્ર અને ગંભીર અકસ્માતની ઘટના સામે આવી છે. વરાછા બ્રિજ પરથી પસાર થઈ રહેલી એક પેસેન્જર રિક્ષાનું ચાલુ રસ્તામાં અચાનક વ્હીલ નીકળી જતાં રિક્ષા પલટી મારી ગઈ હતી. આ અકસ્માતમાં રિક્ષામાં સવાર એક મુસાફર ગંભીર રીતે ઇજાગ્રસ્ત થયો હોવાનું જાણવા મળ્યું છે.
Terrifying Accident in Surat: શું બની હતી ઘટના?
પ્રાપ્ત માહિતી અનુસાર, રિક્ષા વરાછા વિસ્તારના ‘યસ પ્લાઝા’ પાસેથી પસાર થઈ રહી હતી. તે સમયે રિક્ષા પુરપાટ ઝડપે જઈ રહી હતી ત્યારે જ અચાનક તેનું પૈડું (વ્હીલ) છૂટું પડી ગયું હતું. વ્હીલ નીકળી જતાં ચાલકે રિક્ષા પરનો કાબૂ ગુમાવ્યો હતો, જેના કારણે રિક્ષા સીધી ડિવાઈડર પર ચડી ગઈ હતી અને જોરદાર પલટી મારી ગઈ હતી.
Terrifying Accident in Surat: સ્થાનિકોમાં દોડધામ
અકસ્માત સર્જાતા જ આસપાસના લોકો તાત્કાલિક સ્થળ પર દોડી આવ્યા હતા. રિક્ષા પલટી મારી જતાં સ્થળ પર લોકોના ટોળા ઉમટી પડ્યા હતા. રાહદારીઓએ તાત્કાલિક ૧૦૮ ઇમરજન્સી સેવાને જાણ કરી હતી.
ઇજાગ્રસ્તને હોસ્પિટલ ખસેડાયા
ઘટનાની જાણ થતાં જ ૧૦૮ એમ્બ્યુલન્સની ટીમ તાત્કાલિક સ્થળ પર પહોંચી હતી. એમ્બ્યુલન્સના સ્ટાફ દ્વારા ઇજાગ્રસ્ત મુસાફરને પ્રાથમિક સારવાર આપીને વધુ સારવાર માટે નજીકની હોસ્પિટલમાં ખસેડવામાં આવ્યો છે. રિક્ષાનું વ્હીલ નીકળી જવાની આ ઘટનાને લઈને સ્થાનિકોમાં પણ આશ્ચર્ય અને રોષ જોવા મળ્યો હતો, કારણ કે રિક્ષાની આવી જર્જરિત હાલતને કારણે કોઈનો જીવ પણ જઈ શક્યો હોત.
વધુ સમાચાર વાંચવા માટે અંહી ક્લિક કરો: ગુજરાત ATSની મોટી સફળતા: જૈશ-એ-મોહમ્મદના વધુ 5 આતંકીઓ ઝડપાયા, વિસ્ફોટકોના પરીક્ષણનું કાવતરું પર્દાફાશ
