Leopard Menace in Navsari: ચીખલી તાલુકાના મીણકચ્છ ગામે આવેલી પ્રાથમિક શાળા પાસે રાત્રિના સમયે દીપડો જોવા મળતા સમગ્ર પંથકમાં ભયનો માહોલ છવાઈ ગયો છે. દીપડાની હાજરીના દ્રશ્યો નજીકના સીસીટીવી કેમેરામાં કેદ થતા વાલીઓ, શિક્ષકો અને ગ્રામજનોમાં ભારે ચિંતા જોવા મળી રહી છે.
Leopard Menace in Navsari: શાળામાં અભ્યાસ કરતા ૧૩૦ વિદ્યાર્થીઓની સુરક્ષા સામે સવાલ
મીણકચ્છ પ્રાથમિક શાળામાં ધોરણ ૧ થી ૮ ના ૧૩૦થી વધુ માસૂમ બાળકો અભ્યાસ કરે છે. શાળાની બિલકુલ નજીક જ દીપડો ફરતો હોવાના સીસીટીવી ફૂટેજ સામે આવતા વાલીઓમાં પોતાના સંતાનોની સુરક્ષાને લઈને ફાળ પડી છે. સદનસીબે, હાલ શાળામાં બાંધકામ ચાલતું હોવાથી ત્યાં મજૂરો રોકાયા ન હતા, અન્યથા કોઈ મોટી જાનહાની થવાની શક્યતા નકારી શકાતી નહોતી.
Leopard Menace in Navsari: વન વિભાગ દ્વારા પાંજરું ગોઠવવાની તજવીજ
ઘટનાની જાણ થતા જ વન વિભાગની ટીમ તાત્કાલિક સ્થળ પર દોડી આવી હતી. અધિકારીઓએ સમગ્ર વિસ્તારની તપાસ હાથ ધરી હતી અને દીપડાના પગલાં તેમજ અન્ય પુરાવાઓ એકત્ર કર્યા હતા. વિદ્યાર્થીઓ અને ગ્રામજનોની સુરક્ષાને ધ્યાનમાં રાખીને વન વિભાગ દ્વારા દીપડાને પાંજરે પૂરવા માટે તાકીદે પાંજરું ગોઠવવાની કામગીરી શરૂ કરી દેવામાં આવી છે.
સ્થાનિક ગ્રામજનો અને વાલીઓએ વન વિભાગ પાસે આ વિસ્તારમાં સતત પેટ્રોલિંગ વધારવાની અને વહેલી તકે દીપડાને જેર કરવાની માંગ કરી છે. હાલ વન વિભાગ દ્વારા સતર્કતા દાખવવામાં આવી રહી છે.
વધુ સમાચાર વાંચવા માટે અંહી ક્લિક કરો: FIFA વર્લ્ડ કપ ૨૦૨૬: આર્જેન્ટિનાની ફાઇનલમાં એન્ટ્રી, ઇંગ્લેન્ડ સામેની જીત બાદ મેદાન પર ‘યુદ્ધ’!
