Big Relief for Graduates: ગુજરાત સરકાર દ્વારા રાજ્યની વહીવટી સેવાઓની ભરતી પ્રક્રિયામાં એક બહુ મોટો અને ઐતિહાસિક ફેરફાર કરવાની તૈયારીઓ ચાલી રહી છે. રાજ્ય સરકારના વિવિધ વિભાગોમાં વહીવટી અધિકારી વર્ગ-1 અને વર્ગ-2ની સીધી ભરતીમાં અત્યાર સુધી જે વર્ષોના અનુભવની (Experience) ફરજિયાત શરત હતી, તેને હવે સંપૂર્ણપણે નાબૂદ કરવામાં આવી શકે છે. આ ફેરફારથી રાજ્યના લાખો સ્નાતક (Graduate) યુવાનો માટે ક્લાસ-1 અને ક્લાસ-2 અધિકારી બનવાના દરવાજા ખૂલી જશે.
સામાન્ય વહીવટ વિભાગ (GAD) દ્વારા તમામ 27 વિભાગોના અધિક મુખ્ય સચિવો (ACS)ને આ અંગે એક મહત્વનો પત્ર લખવામાં આવ્યો છે, જેમાં ભરતીના નિયમોમાં સુધારો કરવાની દરખાસ્ત કરવામાં આવી છે.
Big Relief for Graduates: શું છે વર્તમાન નિયમ અને શું થશે ફેરફાર?
હાલના નિયમો મુજબ વહીવટી સેવાઓમાં સીધી ભરતી માટે અનુભવ હોવો અનિવાર્ય છે, જેમાં આગામી સમયમાં મોટો બદલાવ આવી શકે છે:
| સંવર્ગ (Category) | હાલનો નિયમ (વર્તમાન અનુભવ) | પ્રસ્તાવિત નવો નિયમ |
| વર્ગ-1 (Class-1) | 5 વર્ષનો ફરજિયાત અનુભવ | કોઈપણ અનુભવની જરૂર નથી (માત્ર સ્નાતક) |
| વર્ગ-2 (Class-2) | 3 વર્ષનો ફરજિયાત અનુભવ | કોઈપણ અનુભવની જરૂર નથી (માત્ર સ્નાતક) |
મુખ્ય પ્રસ્તાવ: આ ફેરફાર લાગુ થતાં જ કોઈપણ પ્રવાહના સ્નાતક (Any Graduate) ઉમેદવાર આ પ્રતિષ્ઠિત પદો માટે લાયક ગણાશે. આ ઉપરાંત, GPSC દ્વારા લેવામાં આવતી સંયુક્ત સ્પર્ધાત્મક પરીક્ષા (Combined Competitive Exam)માં જ આ બંને સંવર્ગોની ભરતીનો સમાવેશ કરવાનો પણ પ્રસ્તાવ મૂકવામાં આવ્યો છે.
Big Relief for Graduates: સરકારનો તર્ક: ભરતી ઝડપી બનશે અને ભારણ ઘટશે
સામાન્ય વહીવટ વિભાગ (GAD) દ્વારા GPSCને પણ આ નિર્ણય અંગે માહિતગાર કરવામાં આવ્યું છે. સરકાર વતી આ ફેરફાર પાછળ મુખ્ય ત્રણ તર્ક રજૂ કરવામાં આવ્યા છે:
- ભરતી સંસ્થાઓ પરનું ભારણ ઘટાડવું: અલગ-અલગ પરીક્ષાઓના બદલે સંયુક્ત પરીક્ષાથી સમય અને સંસાધનો બચશે.
- નિયમિત ભરતી પ્રક્રિયા: દર વર્ષે નિયમિત અંતરે ભરતીઓ યોજી શકાશે.
- ખાલી જગ્યાઓ ઝડપથી ભરાશે: લાંબા સમયથી અનુભવી ઉમેદવારો ન મળવાને કારણે ખાલી રહેલી જગ્યાઓ હવે ઝડપથી ભરી શકાશે.
નવા નિયમો માટે GAD એ તમામ વિભાગો પાસેથી સુધારાની દરખાસ્તો મંગાવી છે, જે આવ્યા બાદ સત્તાવાર જાહેરનામું બહાર પડી શકે છે.
Big Relief for Graduates: વિદ્યાર્થી નેતા યુવરાજસિંહ જાડેજાએ ઉઠાવ્યા સવાલો
સરકારના આ પ્રસ્તાવ સામે વિદ્યાર્થી નેતા યુવરાજસિંહ જાડેજાએ પ્રતિક્રિયા આપતા સરકાર અને GPSC સામે કેટલાક ગંભીર સવાલો ઊભા કર્યા છે.
- અનુભવ દૂર કરવાનું કારણ શું?: યુવરાજસિંહે જણાવ્યું કે, પ્રથમ નજરે આ નિર્ણય લાખો યુવાનોને તક આપનારો અને લાભદાયી જણાય છે, પરંતુ જો અગાઉ ક્લાસ 1-2 જેવા જવાબદારીભર્યા પદો માટે અનુભવ જરૂરી હતો, તો હવે અચાનક તેને શા માટે દૂર કરાઈ રહ્યો છે તેની સ્પષ્ટતા સરકારે કરવી જોઈએ.
- તંત્રની નિષ્ફળતા છુપાવવાનો પ્રયાસ?: તેમણે આરોપ લગાવ્યો કે, સમયસર પરીક્ષાઓ લેવામાં નિષ્ફળ નીવડેલા તંત્રએ પોતાની ખામીઓ સુધારવાને બદલે શોર્ટકટ તરીકે અનુભવનો નિયમ જ હટાવી દીધો છે.
- માત્ર ફોર્મ નહીં, પારદર્શિતાની ગેરંટી આપો: “નિયમો બદલાય તેમાં વાંધો નથી, પરંતુ યુવાનો પાસે માત્ર વધુ ફોર્મ ભરાવી ફી ઉઘરાવવાના બદલે સમયસર ભરતી, પારદર્શક પરીક્ષા પદ્ધતિ અને કૌભાંડમુક્ત પરિણામોની ગેરંટી આપવી વધુ જરૂરી છે,” તેમ યુવરાજસિંહે ઉમેર્યું હતું અને આ મામલે ખુલાસાની માંગ કરી છે.
વધુ સમાચાર વાંચવા માટે અંહી ક્લિક કરો
જામનગરમાં ફાયર વિભાગનું મોટું ઓપરેશન: લખનઉ અગ્નિકાંડ બાદ મનપા એક્શન મોડમાં, બે ટ્યુશન ક્લાસીસ સીલ!
