Modi Breaks Records: ભારતીય રાજનીતિના ઇતિહાસમાં વડાપ્રધાન નરેન્દ્ર મોદીએ એક નવો અને અનોખો માઈલસ્ટોન સ્થાપિત કર્યો છે. ૧૦ જૂનના રોજ નરેન્દ્ર મોદીએ એક ‘ચૂંટાયેલા વડાપ્રધાન’ તરીકે સળંગ ૪,૩૯૯ દિવસો (આશરે ૧૨ વર્ષ) સુધી સત્તા પર રહેવાનો અભૂતપૂર્વ રેકોર્ડ પોતાના નામે કર્યો છે. આ સાથે જ તેમણે દેશના પ્રથમ વડાપ્રધાન પંડિત જવાહરલાલ નહેરુ અને પૂર્વ વડાપ્રધાન ઇન્દિરા ગાંધીના સળંગ કાર્યકાળના રેકોર્ડને પાછળ છોડી દીધો છે. આ ઐતિહાસિક સિદ્ધિને પગલે દેશભરમાં ‘ચૂંટાયેલા’ અને ‘બિનચૂંટાયેલા’ વડાપ્રધાનના કાર્યકાળને લઈને એક નવી ચર્ચાએ જોર પકડ્યું છે.
Modi Breaks Records: ‘ચૂંટાયેલા પીએમ’ તરીકે નહેરુનો રેકોર્ડ કેવી રીતે તૂટ્યો?
સામાન્ય રીતે દેશમાં સૌથી લાંબો સમય વડાપ્રધાન પદ ભોગવવાનો રેકોર્ડ પંડિત જવાહરલાલ નહેરુના નામે છે, જેમણે આશરે ૧૬થી ૧૭ વર્ષ સુધી દેશનું સુકાન સંભાળ્યું હતું. પરંતુ, ટેકનિકલ અને લોકશાહી દ્રષ્ટિએ જોવામાં આવે તો નહેરુનો ૧૯૪૭થી ૧૯૫૨ સુધીનો પ્રથમ કાર્યકાળ દેશની આઝાદી પછીની વચગાળાની સરકારનો હતો, જે લોકશાહી ઢબે યોજાયેલી સામાન્ય ચૂંટણી દ્વારા ચૂંટાયેલો નહોતો.
દેશની પ્રથમ સામાન્ય ચૂંટણી વર્ષ ૧૯૫૧-૫૨માં યોજાઈ હતી. આ ચૂંટણી બાદ લોકતાંત્રિક રીતે ચૂંટાયેલા વડાપ્રધાન તરીકે નહેરુનો સળંગ કાર્યકાળ મે ૧૯૬૪માં તેમના અવસાન સુધી, એટલે કે આશરે ૧૨ વર્ષનો રહ્યો હતો. વડાપ્રધાન નરેન્દ્ર મોદીએ સળંગ ૪,૩૯૯ દિવસ પૂરા કરીને નહેરુના આ ‘ચૂંટાયેલા પીએમ’ તરીકેના સળંગ કાર્યકાળના રેકોર્ડને ઓવરટેક કરી લીધો છે.
Modi Breaks Records: ઇન્દિરા ગાંધીના શાસનકાળ સાથે સરખામણી
બીજી તરફ, દેશના પૂર્વ મહિલા વડાપ્રધાન ઇન્દિરા ગાંધીનો કુલ કાર્યકાળ પણ અંદાજે ૧૬ વર્ષ જેટલો રહ્યો છે, પરંતુ તેમનો આ શાસનકાળ સળંગ નહોતો. ઇન્દિરા ગાંધીનો પ્રથમ કાર્યકાળ જાન્યુઆરી ૧૯૬૬થી માર્ચ ૧૯૭૭ સુધીનો (આશરે ૧૧ વર્ષ) રહ્યો હતો, જેમાં કટોકટી (ઇમરજન્સી)નો સમયગાળો પણ સામેલ હતો. ત્યારબાદ વર્ષ ૧૯૮૦માં તેઓ ફરીથી સત્તા પર આવ્યા અને ઓક્ટોબર ૧૯૮૪માં તેમની હત્યા થઈ ત્યાં સુધી (૪ વર્ષ અને ૧૦ મહિના) પદ પર રહ્યા હતા. આમ, સળંગ શાસનના મામલામાં નરેન્દ્ર મોદીએ ઇન્દિરા ગાંધીને પણ ઘણા પાછળ છોડી દીધા છે.
ભાજપ અને એનડીએમાં ઉત્સાહનો માહોલ
હાલમાં વડાપ્રધાન નરેન્દ્ર મોદીની આગેવાની હેઠળની એનડીએ (NDA) સરકાર પોતાના સફળ શાસનની ઉજવણી કરી રહી છે. તેવા સમયે મોદીએ સ્થાપિત કરેલો આ નવો માઇલસ્ટોન ભારતીય લોકશાહીના ઇતિહાસમાં સુવર્ણ અક્ષરે લખાશે. રાજકીય વિશ્લેષકોના મતે, આ રેકોર્ડ મોદીની લોકપ્રિયતા અને જનતાના અવિરત વિશ્વાસનું પ્રતીક છે, જે લોકશાહી ઢબે સળંગ સૌથી લાંબા સમય સુધી સત્તા પર રહેનારા ભારતના પ્રથમ નેતા બન્યા છે.
વધુ સમાચાર વાંચવા માટે અંહી ક્લિક કરો
