Black Friday for Investors: બકરી ઈદની રજા બાદ આજે જ્યારે ભારતીય શેરબજાર ખુલ્યું ત્યારે રોકાણકારો માટે શુક્રવાર ‘બ્લેક ફ્રાઈડે’ સાબિત થયો છે. વૈશ્વિક બજારોના પોઝિટિવ સંકેતો હોવા છતાં, ભારતીય શેરબજારમાં આજે પ્રોફિટ બુકિંગ અને ભારે વેચવાલીના કારણે મોટો કડાકો જોવા મળ્યો છે. બોમ્બે સ્ટોક એક્સચેન્જ (BSE) નો સેન્સેક્સ 1092 પોઈન્ટના પછડાટ સાથે 74,775 પર બંધ થયો છે, જ્યારે નેશનલ સ્ટોક એક્સચેન્જ (NSE) નો નિફ્ટી પણ 359 પોઈન્ટ ગગડીને 23,557 ના સ્તરે આવી ગયો છે.
Black Friday for Investors: વૈશ્વિક બજારોમાં તેજી છતાં ભારતીય બજાર કેમ તૂટ્યું?
ચોંકાવનારી વાત એ છે કે આજે એશિયન અને અમેરિકી બજારોમાં મજબૂત તેજી જોવા મળી હતી. જાપાનનો નિકેઈ ઈન્ડેક્સ 1203 પોઈન્ટ (1.86%) અને સાઉથ કોરિયાનો કોસ્પી ઈન્ડેક્સ 1.94% વધ્યો હતો. અમેરિકાના ત્રણેય મુખ્ય ઈન્ડેક્સ (ડાઉ જોન્સ, નેસ્ડેક અને S&P 500) પણ લીલા નિશાને બંધ થયા હતા. આમ છતાં, ભારતીય બજારમાં વિદેશી સંકેતોની કોઈ અસર થઈ નહીં અને ઓટો તથા મેટલ સેક્ટરના શેરોમાં સૌથી વધુ ઘટાડો નોંધાયો હતો.
Black Friday for Investors: ગ્લોબલ માર્કેટની સ્થિતિ (એક નજરે):
| ઇન્ડેક્સ | લેવલ | પોઈન્ટ ચેન્જ | ટકાવારી ચેન્જ |
| નિકેઈ (જાપાન) | 65,897 | +1203 | +1.86% |
| કોસ્પી (સાઉથ કોરિયા) | 8,382 | +181 | +1.94% |
| નૅસ્ડૅક (અમેરિકા) | 26,917 | +243 | +0.91% |
Black Friday for Investors: વિદેશી રોકાણકારોની સતત વેચવાલી
બજારના આ કડાકા પાછળ વિદેશી સંસ્થાગત રોકાણકારો (FPI/FII) ની સતત થઈ રહેલી વેચવાલી પણ એક મોટું કારણ છે. તાજેતરના ડેટા અનુસાર, 27 મેના રોજ વિદેશી રોકાણકારોએ બજારમાંથી ₹1,043 કરોડ ના શેર વેચ્યા હતા. છેલ્લા 30 દિવસમાં FII દ્વારા કુલ ₹42,905 કરોડ ની જંગી વેચવાલી કરવામાં આવી છે, જેની સામે ઘરેલું રોકાણકારો (DII) એ ₹69,392 કરોડની ખરીદી કરીને બજારને ટેકો આપવાનો પ્રયાસ કર્યો હતો, પરંતુ આજે તે અપૂરતો સાબિત થયો.
Black Friday for Investors: રોકાણકારોમાં ફફડાટ
આ અગાઉ 27 મેના રોજ પણ સેન્સેક્સ 142 પોઈન્ટ ઘટીને 75,868 પર બંધ થયો હતો, જેમાં બેંકિંગ શેરોમાં વેચવાલી હતી. પરંતુ આજે રજા પછી ખુલતાની સાથે જ બજારે મોટો ઘટાડો જોયો છે, જેનાથી રોકાણકારોની સંપત્તિમાં મોટું ધોવાણ થયું છે.
વધુ સમાચાર વાંચવા માટે અંહી ક્લિક કરો
