PM Modi’s Netherlands Visit: વડાપ્રધાન નરેન્દ્ર મોદીની નેધરલેન્ડ યાત્રા ભારત માટે સાંસ્કૃતિક અને આર્થિક બંને મોરચે અત્યંત સફળ સાબિત થઈ રહી છે. પીએમ મોદીની હાજરીમાં નેધરલેન્ડ સાથે ભારતની ઐતિહાસિક વિરાસત પાછી લાવવા માટે મહત્વના કરાર થયા છે, સાથે જ દેશના ટેકનોલોજી સેક્ટરને બુસ્ટ આપતી એક મોટી બિઝનેસ ડીલ પર પણ હસ્તાક્ષર કરવામાં આવ્યા છે.
PM Modi’s Netherlands Visit: 1000 વર્ષ જૂની ચોલ સામ્રાજ્યની તામ્ર પટ્ટીકાઓ ભારત પરત ફરશે
આ પ્રવાસની સૌથી મોટી સાંસ્કૃતિક ઉપલબ્ધિ 11મી સદીના ઐતિહાસિક તમિલ દસ્તાવેજોને ભારત લાવવાની સમજૂતી છે. આ લગભગ 1000 વર્ષ જૂના દસ્તાવેજો છે, જે ચોલ સામ્રાજ્યના સુવર્ણકાળની વિગતો સાચવીને બેઠા છે.
- શું છે આ ખાસિયત: આ સંગ્રહમાં 21 મોટી અને 3 નાની તાંબાની પ્લેટો (તામ્ર પટ્ટીકાઓ) સામેલ છે, જેના પર મોટાભાગના લેખ તમિલ ભાષામાં કોતરાયેલા છે.
- ઐતિહાસિક મહત્વ: પીએમ મોદીએ જણાવ્યું કે, આ પટ્ટીકાઓમાં મહાન રાજા રાજેન્દ્ર ચોલ પ્રથમ અને તેમના પિતા રાજા રાજરાજા ચોલ પ્રથમના સમયની મહત્વપૂર્ણ ઐતિહાસિક માહિતી નોંધાયેલી છે.
- વિદેશ કેવી રીતે પહોંચી?: નિષ્ણાતોના મતે, 19મી સદીમાં જ્યારે યુરોપિયન દેશો ભારતમાં વેપાર અને સંશોધન (રિસર્ચ) કરી રહ્યા હતા, ત્યારે આ અમૂલ્ય દસ્તાવેજો વિદેશ લઈ જવામાં આવ્યા હતા.
PM Modi’s Netherlands Visit: ટાટા ઇલેક્ટ્રોનિક્સ અને ડચ કંપની ASML વચ્ચે મેગા ડીલ
ભારતને સેમિકન્ડક્ટર હબ બનાવવાના મિશનને આ યાત્રાથી મોટી ગતિ મળી છે. ધ હેગમાં ટાટા દ્વારા આયોજિત એક વિશેષ કાર્યક્રમમાં ટાટા ઇલેક્ટ્રોનિક્સ અને નેધરલેન્ડની પ્રખ્યાત કંપની ASML વચ્ચે સેમિકન્ડક્ટર અને ચિપ ટેકનોલોજી ક્ષેત્રે સહયોગ વધારવા માટે કરાર થયા છે.
- આ ડીલ પર હસ્તાક્ષર દરમિયાન પીએમ મોદી અને નેધરલેન્ડના પીએમ ડિક શૂફ (જેટન) ખાસ ઉપસ્થિત રહ્યા હતા.
- ASML વિશ્વની અગ્રણી ચિપ મશીન બનાવતી કંપનીઓમાંની એક છે, જેની સાથેની ભાગીદારી ભારતમાં ટાટાના સેમિકન્ડક્ટર પ્લાન્ટ્સ માટે ગેમ-ચેન્જર સાબિત થશે.
PM Modi’s Netherlands Visit: રાજા વિલેમ-એલેક્ઝાન્ડર અને રાણી મેક્સિમા સાથે શાહી મુલાકાત
શનિવારે પીએમ મોદીએ નેધરલેન્ડના શાહી મહેલ ‘પેલેસ હાઉસ ટેન બોશ’ ખાતે ત્યાંના રાજા વિલેમ-એલેક્ઝાન્ડર અને રાણી મેક્સિમા સાથે મુલાકાત કરી હતી. શાહી પરિવારે પીએમ મોદીના સન્માનમાં વિશેષ ડિનરનું પણ આયોજન કર્યું હતું.
બંને દેશો વચ્ચે શિક્ષણ, સેમિકન્ડક્ટર, ડિજિટલ ટેકનોલોજી, વોટર મેનેજમેન્ટ અને ગ્રીન એનર્જી જેવા ક્ષેત્રોમાં સાથે મળીને કામ કરવા પર સહમતિ સધાઈ હતી.
“ભારતમાં રોકાણ કરવાનો આ સર્વશ્રેષ્ઠ સમય” : PM મોદી
CEO રાઉન્ડ ટેબલ બેઠકને સંબોધિત કરતા પીએમ મોદીએ વૈશ્વિક કંપનીઓને ભારતમાં રોકાણ કરવા આહવાન કર્યું હતું. તેમણે મુખ્ય મુદ્દાઓ રજૂ કર્યા:
- સરળ ટેક્સ અને લેબર કાયદા: સરકારી વ્યવસ્થામાં સુધારાને કારણે ભારતમાં મેન્યુફેક્ચરિંગ હવે ખૂબ સસ્તું અને સરળ બન્યું છે.
- નિકાસમાં મોટો ઉછાળો: ઇલેક્ટ્રોનિક્સ ક્ષેત્ર જે પહેલા ભારત માટે આયાતનું મોટું માધ્યમ હતું, તે હવે દેશનું મોટું નિકાસ ક્ષેત્ર બની ગયું છે.
- ડચ કંપનીઓની મજબૂત હાજરી: હાલમાં 300થી વધુ ડચ કંપનીઓ ભારતમાં સફળતાપૂર્વક કામ કરી રહી છે. ભારત અને યુરોપિયન યુનિયન વચ્ચે થનારા ફ્રી ટ્રેડ એગ્રીમેન્ટ (FTA)થી વેપારના નવા દ્વાર ખુલશે.
વધુ સમાચાર વાંચવા માટે અંહી ક્લિક કરો: અમદાવાદીઓને મોંઘવારીનો ઝટકો, પેટ્રોલ-CNGના ભાવ વધતાં ઓટો રિક્ષા અને ઓનલાઈન ટેક્સીના ભાડામાં તોતિંગ વધારો
