GSEB Class 12 Results Declared: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવાયેલી ધોરણ-12 વિજ્ઞાન પ્રવાહ અને સામાન્ય પ્રવાહનું પરિણામ આજે શિક્ષણ મંત્રી ડૉ. પ્રદ્યુમન વાજા દ્વારા જાહેર કરવામાં આવ્યું છે. આ વર્ષે બંને પ્રવાહમાં વિદ્યાર્થીઓએ શાનદાર દેખાવ કર્યો છે, જેના કારણે રાજ્યભરના વિદ્યાર્થીઓ અને વાલીઓમાં ખુશીનો માહોલ જોવા મળી રહ્યો છે.
GSEB Class 12 Results Declared: પરિણામના મુખ્ય અંશો:
- વિજ્ઞાન પ્રવાહ (Science): આ વર્ષે વિજ્ઞાન પ્રવાહનું કુલ પરિણામ 84.33% નોંધાયું છે. જેમાં 1,18,256 વિદ્યાર્થીઓ પરીક્ષામાં બેઠા હતા અને 93 હજારથી વધુ વિદ્યાર્થીઓએ સફળતા મેળવી છે.
- સામાન્ય પ્રવાહ (General Stream): સામાન્ય પ્રવાહનું પરિણામ ખૂબ જ ઊંચું એટલે કે 92.71% રહ્યું છે. આ પ્રવાહમાં પણ દીકરીઓએ મેદાન માર્યું છે.
- કુલ વિદ્યાર્થીઓ: આ વર્ષે રાજ્યના 156 કેન્દ્રો પર કુલ 6.20 લાખ પરીક્ષાર્થીઓએ પરીક્ષા આપી હતી.
GSEB Class 12 Results Declared: જિલ્લાવાર દેખાવ:
12 સાયન્સમાં વિદ્યાર્થિનીઓએ મેદાન માર્યું
| વિગત | ફેબ્રુ-માર્ચ 2025 | ફેબ્રુ-માર્ચ 2026 |
| નિયમિત ઉમેદવારોના પરિણામની ટકાવારી | 83.51% | 84.33% |
| રિપીટરનું રિઝલ્ટ | 25.42% | 24.39% |
| નિયમિત વિદ્યાર્થીઓનું પરિણામ | 83.79% | 84.04% |
| નિયમિત વિદ્યાર્થિનીઓનું પરિણામ | 83.20% | 84.65% |
| વધુ પરિણામ ધરાવતું કેન્દ્ર | 96.60% (ગોંડલ) | 98.62% (કુંભારિયા) |
| ઓછું પરિણામ ધરાવતું કેન્દ્ર | 54.48% (દાહોદ) | 42.98% (લીમડી-દાહોદ) |
| વધુ પરિણામ ધરાવતો જિલ્લો | 92.91% (મોરબી) | 94.85% (મોરબી) |
| ઓછું પરિણામ ધરાવતો જિલ્લો | 59.15% (દાહોદ) | 57.44% (દાહોદ) |
| 100% પરિણામ ધરાવતી શાળાઓની સંખ્યા | 194 | 209 |
| 10% કરતાં ઓછું પરિણામ ધરાવતી શાળાઓની સંખ્યા | 34 | 22 |
| A1 ગ્રેડ મેળવનારા વિદ્યાર્થી | 831 | 1,576 |
| A2 ગ્રેડ મેળવનારા વિદ્યાર્થી | 8,083 | 11,756 |
| અંગ્રેજી માધ્યમનું રિઝલ્ટ | 83.49% | 85.13% |
| ગુજરાતી માધ્યમનું રિઝલ્ટ | 83.77% | 84.32% |
| A ગ્રુપનું રિઝલ્ટ | 91.90% | 90.79% |
| B ગ્રુપનું રિઝલ્ટ | 78.74% | 79.87% |
| AB ગ્રુપનું રિઝલ્ટ | 73.68% | 69.44% |
સામાન્ય પ્રવાહમાં અમદાવાદ શહેરનું સૌથી ઓછું પરિણામ
| વિગત | ફેબ્રુ-માર્ચ-2025 | ફેબ્રુ-માર્ચ-2026 |
| કુલ કેન્દ્રો | 516 | 535 |
| ઉપસ્થિત નિયમિત ઉમેદવારો ની સંખ્યા | 3,62,506 | 4,35,102 |
| નિયમિત ઉમેદવારોના પરિણામની ટકાવારી | 93.07% | 92.71% |
| રિપીટરનું રિઝલ્ટ | 45.36% | 63.02% |
| વધુ પરિણામ ધરાવતું કેન્દ્ર | 100.00% (સપ્રેડા,વાંગધ્રા,ચંદ્રાવા,છાલા,લીમ્બોદ્રા,મીઠાપુર) | 100.00% (તળાવ,કોટડા,કાંગવાઈ,પ્રાચીવાડા) |
| ઓછું પરિણામ ધરાવતું કેન્દ્ર | 52.56% (ખાવડા) | 64.88% (કારઠ) |
| વધુ પરિણામ ધરાવતો જિલ્લો | 97.20% (બનાસકાંઠા) | 97.88% (આહવા ડાંગ) |
| ઓછું પરિણામ ધરાવતો જિલ્લો | 87.77% (વડોદરા) | 87.10% (અમદાવાદ શહેર) |
| 100% પરિણામ ધરાવતી શાળાઓની સંખ્યા | 2005 | 2030 |
| 10% કરતાં ઓછું પરિણામ ધરાવતી શાળાઓની સંખ્યા | 21 | 13 |
| નિયમિત વિદ્યાર્થીઓનું પરિણામ | 90.78% | 90.10% |
| નિયમિત વિદ્યાર્થિનીઓનું પરિણામ | 95.23% | 95.41% |
પરિણામમાં જિલ્લાવાર આંકડા જોઈએ તો મોરબી જિલ્લો સમગ્ર રાજ્યમાં પ્રથમ ક્રમે રહ્યો છે, જ્યારે દાહોદ જિલ્લાનું પરિણામ સૌથી ઓછું નોંધાયું છે. કેન્દ્ર મુજબ જોઈએ તો કુંભારીયા કેન્દ્ર રાજ્યમાં પ્રથમ સ્થાને રહ્યું છે, જ્યારે આશ્ચર્યજનક રીતે અમદાવાદ શહેરનું પરિણામ નીચું જોવા મળ્યું છે.
વોટ્સએપ પર મેળવો તમારી માર્કશીટ (4 સ્ટેપ્સ):
બોર્ડ દ્વારા પરિણામ જોવાની પ્રક્રિયા વધુ સરળ બનાવવામાં આવી છે. વિદ્યાર્થીઓ નીચેના સ્ટેપ્સ દ્વારા વોટ્સએપ પર પરિણામ મેળવી શકે છે:
- બોર્ડનો સત્તાવાર વોટ્સએપ નંબર સેવ કરો.
- ચેટ બોક્સમાં જઈને ‘Hi’ લખીને મેસેજ કરો.
- તમારો 6 કે 7 આંકડાનો સીટ નંબર (Seat Number) ટાઈપ કરીને મોકલો.
- તમારી માર્કશીટ વોટ્સએપ પર જ જોવા મળશે.
વધુ સમાચાર વાંચવા માટે અંહી ક્લિક કરો: દક્ષિણ ભારતમાં મોટા ઉલટફેરના સંકેત, કેરળમાં કોંગ્રેસની આગેકૂચ અને તમિલનાડુમાં ‘થલપથી’ વિજયનો દબદબો
