Ahmedabad PCB Raids: અમદાવાદ શહેરમાં દારૂબંધીના કડક અમલ વચ્ચે પીસીબી (Prevention of Crime Branch) એ બે મોટા દરોડા પાડીને બૂટલેગરોની નવી તરકીબોનો પર્દાફાશ કર્યો છે. સોલા અને વટવા વિસ્તારમાં થયેલી આ કાર્યવાહીમાં પોલીસે લાખો રૂપિયાનો મુદ્દામાલ જપ્ત કરી ત્રણ શખ્સો સામે ગુનો નોંધ્યો છે.
Ahmedabad PCB Raids: 1. વૈષ્ણોદેવી બ્રિજ પાસે લક્ઝરી કારમાં રાજસ્થાનથી આવતો દારૂ પકડાયો
PCBની ટીમને બાતમી મળી હતી કે રાજસ્થાનના પાલીથી એક લક્ઝુરિયસ કારમાં દારૂનો જથ્થો અમદાવાદ ઘુસાડવામાં આવી રહ્યો છે. પોલીસે વૈષ્ણોદેવી બ્રિજથી નિરમા બ્રિજ તરફના રોડ પર ફિલ્ડિંગ ગોઠવી હતી. શંકાસ્પદ કારને અટકાવી તપાસ કરતા તેમાંથી ભારતીય બનાવટના વિદેશી દારૂની 407 બોટલો મળી આવી હતી.
- ધરપકડ: આ મામલે કારમાં સવાર બે સગા ભાઈઓ દિલીપકુમાર ચૌહાણ અને સંજયકુમાર ચૌહાણની ધરપકડ કરવામાં આવી છે.
- કુલ મુદ્દામાલ: પોલીસે ₹3.26 લાખનો દારૂ અને લક્ઝરી કાર મળી કુલ ₹28.47 લાખથી વધુનો મુદ્દામાલ કબજે કર્યો છે.
Ahmedabad PCB Raids: 2. વટવામાં બંધ ચાની લારી બની દારૂનું ગોડાઉન
બીજી તરફ વટવા GIDC વિસ્તારમાં પોલીસે એક અનોખી તરકીબ પકડી પાડી છે. ટોરેન્ટ સબ સ્ટેશન પાસે આવેલી એક બંધ ચાની લારીમાં તપાસ કરતા તેમાંથી વિદેશી દારૂની 627 બોટલો (કિંમત ₹2.55 લાખ) મળી આવી હતી. બૂટલેગરો પોલીસથી બચવા માટે બંધ લારીનો ઉપયોગ સ્ટોરેજ તરીકે કરતા હતા.
- બૂટલેગર ફરાર: તપાસમાં સામે આવ્યું છે કે આ જથ્થો લિસ્ટેડ બૂટલેગર ઉગ્રસેનસિંગ ઉર્ફે અજય રાજપુતનો હતો. જોકે, પોલીસ પહોંચે તે પહેલા જ તે ફરાર થઈ ગયો હતો.
પોલીસ કાર્યવાહી
PCBએ બંને કિસ્સામાં પ્રોહિબિશન એક્ટ હેઠળ ગુનો નોંધી વધુ તપાસ હાથ ધરી છે. વટવાના ફરાર બૂટલેગરને ઝડપી પાડવા માટે પોલીસે ચક્રો ગતિમાન કર્યા છે.
વધુ સમાચાર વાંચવા માટે અંહી ક્લિક કરો
ગુજરાત બોર્ડના લાખો વિદ્યાર્થીઓની પ્રતિક્ષાનો અંત, ધો. 10 અને 12ના પરિણામની તારીખ જાહેર
