The ‘8:30 PM’ Suspense: વડાપ્રધાન નરેન્દ્ર મોદી આજે રાત્રે 8:30 વાગ્યે રાષ્ટ્રજોગ સંબોધન કરવાના છે. ગઈકાલે લોકસભામાં સીમાંકન અને બેઠકો વધારવા અંગેનું મહત્વનું બંધારણીય સુધારા બિલ પસાર ન થઈ શક્યા બાદ PMનું આ સંબોધન અત્યંત મહત્વનું માનવામાં આવી રહ્યું છે. સૂત્રોના જણાવ્યા અનુસાર, વડાપ્રધાન આ મુદ્દે વિપક્ષના વલણ અને મહિલા અનામત બિલમાં પડતા અવરોધો વિશે દેશની જનતા સામે વાત કરી શકે છે.
The ‘8:30 PM’ Suspense: 12 વર્ષમાં પહેલીવાર મોદી સરકારની ‘હાર’
મોદી સરકારના 12 વર્ષના શાસનમાં આ પહેલી એવી ઘટના છે જ્યારે સરકાર ગૃહમાં કોઈ બિલ પસાર કરાવવામાં નિષ્ફળ રહી હોય. લોકસભામાં બેઠકોની સંખ્યા 543થી વધારીને 850 કરવા માટે રજૂ કરાયેલું ‘131મું બંધારણીય સુધારા બિલ’ બહુમતીના અભાવે પડી ગયું છે.
- મતદાનની સ્થિતિ: કુલ 528 સાંસદોએ મતદાન કર્યું, જેમાંથી પક્ષમાં 298 અને વિપક્ષમાં 230 મત પડ્યા.
- કેમ નિષ્ફળ ગયું? બંધારણીય સુધારા માટે બે તૃતીયાંશ (352 મતો) બહુમતીની જરૂર હતી, પરંતુ સરકાર 54 મતોથી પાછળ રહી ગઈ.
The ‘8:30 PM’ Suspense: મહિલા અનામત પર લટકતી તલવાર
આ બિલ પસાર ન થવાને કારણે હવે મહિલા અનામત (નારી શક્તિ વંદન અધિનિયમ) લાગુ થવામાં વિલંબ થશે. હવે આ અનામત નવી વસ્તી ગણતરી બાદ એટલે કે સંભવતઃ 2034 સુધી ખેંચાઈ શકે છે. વડાપ્રધાને કેબિનેટ બેઠકમાં વિપક્ષ પર આકરા પ્રહાર કરતા કહ્યું કે, વિપક્ષે મહિલાઓ વિરુદ્ધ કામ કર્યું છે અને તેની રાજકીય કિંમત તેમણે ચૂકવવી પડશે.
The ‘8:30 PM’ Suspense: મુખ્ય મુદ્દાઓ:
- 24 વર્ષનો રેકોર્ડ તૂટ્યો: 2002માં ‘પોટા’ (POTA) બાદ સંસદમાં પરાજિત થનારું આ પહેલું સરકારી બિલ છે.
- સીમાંકનનો પેચ: મહિલા અનામત માટે સીમાંકન અનિવાર્ય છે, જે બેઠકો વધાર્યા વગર શક્ય નથી.
- વિપક્ષનો વિરોધ: દિલ્હીના મુખ્યમંત્રી રેખા ગુપ્તા સહિત અનેક નેતાઓએ કાળી પટ્ટી બાંધી વિરોધ પ્રદર્શન કર્યું હતું.
The ‘8:30 PM’ Suspense: PM મોદીના અગાઉના મોટા સંબોધનો પર એક નજર:
વડાપ્રધાન જ્યારે પણ રાત્રે 8 વાગ્યે કે તેની આસપાસ સંબોધન કરે છે ત્યારે કોઈ મોટો નિર્ણય અથવા જાહેરાત આવતી હોય છે:
- 8 નવેમ્બર 2016: નોટબંધી.
- 8 ઓગસ્ટ 2019: કલમ 370 હટાવવી.
- 24 માર્ચ 2020: દેશવ્યાપી લોકડાઉન.
- 21 સપ્ટેમ્બર 2025: GST બચત ઉત્સવ.
આજે રાત્રે થનારું પ્રસારણ જીવંત (Live) રહેશે, જેમાં વડાપ્રધાન વિપક્ષની ‘નકારાત્મક માનસિકતા’ અને દેશના ભવિષ્યના રોડમેપ અંગે શું વાત કરે છે તેના પર સૌની નજર છે.
વધુ સમાચાર વાંચવા માટે અંહી ક્લિક કરો
વડોદરા કોર્ટનો કડક વલણ 7 વર્ષથી ફરાર હત્યાના આરોપી વૃદ્ધની જામીન અરજી ફગાવી
