Panic in US: વિશ્વની સૌથી સુરક્ષિત ગણાતી અમેરિકાની પરમાણુ અને અંતરિક્ષ સંસ્થાઓ અત્યારે ફફડાટમાં છે. છેલ્લા ત્રણ વર્ષમાં અમેરિકાના પરમાણુ અને સ્પેસ પ્રોગ્રામ સાથે જોડાયેલા 10 ટોચના વિજ્ઞાનીઓ સાથે બનેલી રહસ્યમય ઘટનાઓએ સુરક્ષા એજન્સીઓની ઊંઘ હરામ કરી દીધી છે. આ 10માંથી 5 વિજ્ઞાનીઓ ભેદી સંજોગોમાં ગુમ થયા છે, જ્યારે અન્ય 5 ના શંકાસ્પદ મોત નિપજ્યા છે.
Panic in US: ટોચની સંસ્થાઓના વિજ્ઞાનીઓ નિશાન પર?
જે વિજ્ઞાનીઓ ગુમ થયા છે અથવા જેમના મોત થયા છે, તેઓ અમેરિકાની અતિ સંવેદનશીલ સંસ્થાઓ જેવી કે NASA, લોસ એલામોસ (Los Alamos), અને MIT સાથે જોડાયેલા હતા. આ વિજ્ઞાનીઓ ન્યૂક્લિયર ફ્યૂઝન અને રોકેટ મેટલ જેવા અત્યંત ગુપ્ત પ્રોજેક્ટ્સ પર કામ કરી રહ્યા હતા.
Panic in US: એક સરખી પેટર્ન: ફોન-પર્સ ઘરે મૂકીને ગાયબ થયા
તપાસમાં સૌથી ચોંકાવનારી વાત એ સામે આવી છે કે ગુમ થયેલા તમામ પાંચ વિજ્ઞાનીઓના કિસ્સામાં એક સરખી પેટર્ન જોવા મળી છે. તેઓ ઘરેથી નીકળતી વખતે પોતાનો મોબાઈલ, પર્સ અને ચાવીઓ ઘરે જ મૂકીને ચાલતા નીકળી ગયા હતા અને ક્યારેય પરત ફર્યા નથી.
Panic in US: ગુમ થયેલા મુખ્ય વિજ્ઞાનીઓ:
- વિલિયમ નીલ મૈક્કૈસલૈન્ડ: યુએસ એરફોર્સના નિવૃત્ત જનરલ અને પરમાણુ ફંડિંગ પ્રોજેક્ટના એક્સપર્ટ (27 ફેબ્રુઆરીથી ગુમ).
- મોનિકા રેજા: નાસાની જાણીતી રોકેટ વિજ્ઞાની.
- સ્ટીવન ગાર્સિયા: પરમાણુ હથિયારોના સ્પેર પાર્ટ્સના નિષ્ણાત.
- મેલિસા કૈસિયાસ: લોસ એલામોસ લેબની વિજ્ઞાની (તેમનો ફોન ફેક્ટરી રિસેટ કરેલો મળ્યો હતો).
- એન્થોની ચાવેજ: મે-2026માં રહસ્યમય રીતે ગુમ થયા.
Panic in US: હત્યાના કિસ્સાઓએ જગાવ્યો ડર
માત્ર ગુમ થવું જ નહીં, પણ બે વિજ્ઞાનીઓની ઘાતકી હત્યા કરવામાં આવી છે:
- કાર્લ ગ્રિલમેયર (NASA): એસ્ટ્રો ફિજિસ્ટ વિજ્ઞાનીની તેમના ઘરમાં ઘૂસીને હત્યા કરાઈ.
- નૂનો લુરેઈરો: ન્યૂક્લિયર ફ્યૂઝન વિજ્ઞાની પર અજાણ્યા હુમલાખોરોએ જીવલેણ હુમલો કર્યો હતો.
વ્હાઈટ હાઉસની પ્રતિક્રિયા અને તપાસ
આ મામલે વધતા દબાણ વચ્ચે વ્હાઈટ હાઉસના પ્રવક્તા કૈરોલિના લૈવિટે જણાવ્યું છે કે, આ તમામ ઘટનાઓની ગંભીરતાથી તપાસ કરવા માટે એક ખાસ તપાસ કમિટીની રચના કરવામાં આવી છે. અમેરિકન ગુપ્તચર એજન્સીઓ એ તપાસી રહી છે કે શું આ કોઈ વિદેશી તાકાતનું ષડયંત્ર છે કે પછી અમેરિકાના પરમાણુ પ્રોગ્રામને નબળો પાડવાની કોઈ આંતરિક ચાલ?
હાલમાં અમેરિકાની તમામ સંવેદનશીલ લેબ્સ અને ત્યાં કામ કરતા વિજ્ઞાનીઓની સુરક્ષા વધારી દેવામાં આવી છે.
વધુ સમાચાર વાંચવા માટે અંહી ક્લિક કરો
