Stock Market Update: સપ્તાહના અંતિમ ટ્રેડિંગ દિવસે એટલે કે 17 એપ્રિલે ભારતીય શેરબજારમાં શાનદાર રિકવરી જોવા મળી છે. શરૂઆતી સાધારણ ઘટાડા બાદ બજારે જોરદાર વાપસી કરી હતી. સેન્સેક્સ દિવસ દરમિયાન તેના પાછલા બંધ સ્તરથી 427.14 પોઈન્ટ ઉછળીને 78,415.82 ની હાઈ સપાટીએ પહોંચ્યો હતો, જ્યારે નિફ્ટી પણ 126.35 પોઈન્ટની મજબૂતી સાથે 24,323.10 ના સ્તરને સ્પર્શ્યો હતો.
ગુરુવારે સેન્સેક્સ અને નિફ્ટી બંને ઘટાડા સાથે બંધ રહ્યા હતા, પરંતુ આજે માર્કેટમાં ‘હરિયાળી’ જોવા મળી છે. ચાલો જાણીએ બજારમાં આવેલા આ ઉછાળા પાછળના 5 મોટા કારણો:
Stock Market Update: 1. ક્રૂડ ઓઈલના ભાવમાં ઘટાડો
આંતરરાષ્ટ્રીય બજારમાં કાચા તેલ (Crude Oil) ની કિંમત 100 ડોલર પ્રતિ બેરલની નીચે રહેતા ભારત જેવા તેલ આયાતકાર દેશ માટે મોટા રાહતના સમાચાર છે. ક્રૂડના ભાવ ઘટવાથી મોંઘવારીનું દબાણ ઘટે છે અને દેશનું ઈમ્પોર્ટ બિલ પણ ઓછું થાય છે, જેની સીધી પોઝિટિવ અસર શેરબજાર પર પડી છે.
Stock Market Update: 2. ગ્લોબલ માર્કેટમાં તેજી
ગુરુવારે અમેરિકી અને યુરોપિયન બજારો મજબૂતી સાથે બંધ થયા હતા. અમેરિકામાં S&P 500 અને Nasdaq ઈન્ડેક્સ નવી ઊંચાઈએ પહોંચ્યા છે. મધ્ય પૂર્વ (Middle East) માં તણાવ ઘટવાની આશાએ વૈશ્વિક સેન્ટિમેન્ટ સુધર્યું છે, જેનો લાભ ભારતીય બજારને મળ્યો છે.
Stock Market Update: 3. વિદેશી રોકાણકારો (FII) ની ખરીદી
બજાર માટે સૌથી સારા સમાચાર એ છે કે વિદેશી સંસ્થાકીય રોકાણકારો (FII) ફરીથી લેવાલ બન્યા છે. ગુરુવારે FIIએ શુદ્ધ રીતે ₹382.36 કરોડના શેરની ખરીદી કરી હતી. રોકાણકારોનો વિશ્વાસ વધતા બજારમાં તેજીને ટેકો મળ્યો છે.
4. રૂપિયામાં મજબૂતી
ડોલર સામે ભારતીય રૂપિયો મજબૂત થયો છે. શરૂઆતી કારોબારમાં રૂપિયો 28 પૈસા વધીને અમેરિકી ડોલર સામે 92.86 ના સ્તર પર પહોંચ્યો હતો. રૂપિયાની મજબૂતી અર્થતંત્ર માટે પ્રોત્સાહક સંકેત ગણાય છે.
5. જીઓપોલિટિકલ તણાવમાં ઘટાડો
દુનિયાના વિવિધ ભાગોમાં ચાલી રહેલા યુદ્ધ અને તણાવની સ્થિતિમાં સુધારો થવાની અપેક્ષાએ રોકાણકારોનું મનોબળ વધ્યું છે. ખાસ કરીને ઈરાન-ઈઝરાયેલ કે અન્ય સંઘર્ષોમાં સંભવિત ઉકેલની વાતોથી બજારમાં ભયનું વાતાવરણ ઓછું થયું છે.
વધુ સમાચાર વાંચવા માટે અંહી ક્લિક કરો
વલસાડના દરિયામાં કસ્ટમ્સનું મોટું ઓપરેશન દમણથી આવતી બોટમાંથી ₹50 લાખનો દારૂ ઝડપાયો, 8 શખ્સોની ધરપકડ
