No Penalties for Not Voting: ભારતમાં લોકશાહીનો પાયો મતદાન છે, પરંતુ શું કોઈને વોટ આપવા માટે મજબૂર કરી શકાય? આ સવાલ પર સુપ્રીમ કોર્ટે અત્યંત મહત્વપૂર્ણ અને ઐતિહાસિક ચુકાદો આપ્યો છે. કોર્ટે મતદાન ન કરનારા લોકો વિરુદ્ધ કાર્યવાહી કે પ્રતિબંધો લગાવવાની માંગ કરતી અરજી પર સુનાવણી કરવાનો સ્પષ્ટ ઇનકાર કરી દીધો છે.
No Penalties for Not Voting: “મતદાન મજબૂરી નથી, વિશ્વાસનો વિષય છે”
ચીફ જસ્ટિસ સૂર્યકાંતની અધ્યક્ષતાવાળી બેન્ચે આ મામલે કડક વલણ અપનાવતા જણાવ્યું કે, ભારત એક લોકશાહી દેશ છે અને અહીં છેલ્લા 75 વર્ષથી લોકોના વિવેક અને વિશ્વાસ પર ભરોસો મૂકવામાં આવ્યો છે.
કોર્ટે ટિપ્પણી કરતા કહ્યું કે:
“જો કોઈ વ્યક્તિ વોટ આપવા નથી જતી, તો શું આપણે તેની ધરપકડનો આદેશ આપવો જોઈએ? આવી મજબૂરી કાયદાના શાસન અને લોકશાહીના મૂળભૂત સિદ્ધાંતોની વિરુદ્ધ છે.”
No Penalties for Not Voting: સરકારી સુવિધાઓ બંધ કરવાની માંગ ફગાવી
અરજદારે દલીલ કરી હતી કે જે લોકો મતદાન ન કરે તેમને મળતી સરકારી સુવિધાઓ અને સબસિડી બંધ કરી દેવી જોઈએ. આના પર ચીફ જસ્ટિસ સૂર્યકાંતે હળવા અંદાજમાં વળતો જવાબ આપ્યો કે, “આ કામ તમે જ અમારી તરફથી કરી લો.” કોર્ટે સ્પષ્ટ કર્યું કે દંડાત્મક જોગવાઈઓ લાવવી એ સરકાર અને ધારાસભાનું કામ છે, ન્યાયતંત્રનું નહીં.
No Penalties for Not Voting: ગરીબોની સ્થિતિ પ્રત્યે સંવેદના
સુપ્રીમ કોર્ટે આ મામલે માનવીય પાસા પર પણ ભાર મૂક્યો હતો. કોર્ટે પ્રશ્ન ઉઠાવ્યો કે:
- જો કોઈ ગરીબ વ્યક્તિ તે દિવસે પોતાની રોજીરોટી કમાવવા માટે કામ પર જાય અને વોટ ન આપી શકે, તો શું તેને સજા આપવી યોગ્ય છે?
- દરેક વ્યક્તિની પોતાની પરિસ્થિતિ હોય છે અને લોકશાહીમાં નાગરિકોને પોતાની રીતે નિર્ણય લેવાની છૂટ હોવી જોઈએ.
વધુ સમાચાર વાંચવા માટે અંહી ક્લિક કરો
મિલેનિયમ માર્કેટમાં ભીષણ આગથી અફરાતફરી, ધુમાડાના ગોટેગોટા વચ્ચે 3 દુકાનો ખાખ
