Major Success for Jamnagar Police: જામનગર જિલ્લાના ધ્રોલ-લતીપર રોડ પર આવેલા સોલાર પ્લાન્ટમાં થયેલી લાખોની કિંમતના વીજ વાયરની ચોરીનો ભેદ ધ્રોલ પોલીસે ગણતરીના દિવસોમાં ઉકેલી નાખ્યો છે. પોલીસે ચોરી કરનાર 4 શખ્સો અને ચોરીનો માલ ખરીદનાર 1 શખ્સ સહિત કુલ 5 આરોપીઓની ધરપકડ કરી છે.
Major Success for Jamnagar Police: ઘટનાની વિગત
ધ્રોલ-લતીપર રોડ પર પીયાવા ચોકડી પાસે આવેલા સોલાર પ્લાન્ટમાં ગત તા. 31 માર્ચથી 1 એપ્રિલ, 2026 દરમિયાન ચોરીની ઘટના બની હતી. તસ્કરો પ્લાન્ટમાંથી આશરે 12,000 મીટર વીજ વાયર (કિંમત ₹2,40,000) ચોરી કરી ગયા હતા. આ અંગે ધ્રોલ પોલીસ સ્ટેશનમાં ફરિયાદ નોંધાતા પોલીસે તપાસનો ધમધમાટ શરૂ કર્યો હતો.
Major Success for Jamnagar Police: CCTV અને ટેકનિકલ એનાલિસિસથી મળ્યો સુરાગ
રાજકોટ રેન્જ આઈજી નિર્લિપ્ત રાય અને જામનગર એસપી ડો. રવિ મોહન સૈનીની સૂચના મુજબ ધ્રોલ પોલીસે તપાસ હાથ ધરી હતી. સીસીટીવી ફૂટેજનું ટેકનિકલ એનાલિસિસ અને હ્યુમન સોર્સની બાતમીના આધારે પોલીસને એક બ્લૂ કલરની રેનોલ્ટ ટ્રાઈબર કાર શંકાસ્પદ જણાઈ હતી. જામનગર-રાજકોટ હાઈવે પર આ કારને રોકી તલાશી લેતા ચોરીનો પર્દાફાશ થયો હતો.
Major Success for Jamnagar Police: ઝડપાયેલા આરોપીઓ અને મુદ્દામાલ
પોલીસે આ ગુનામાં નીચે મુજબના આરોપીઓની ધરપકડ કરી છે:
- હુસેન ઉર્ફે લેંઘો અયુબભાઈ મેપાણી
- આરિફ ઇશાભાઈ તાયાણી
- અસલમ ઇશાભાઈ તાયાણી
- આશીફ હારુન મેપાણી
- બશીરભાઈ હનીફભાઈ ચૌહાણ (મુદ્દામાલ ખરીદનાર)
પોલીસે કબજે કરેલી વસ્તુઓ:
- બ્લૂ કલરની રેનોલ્ટ ટ્રાઈબર કાર
- ચોરી કરેલો કોપર વાયર
- મોબાઇલ ફોન અને ચોરી કરવા માટે વપરાતા સાધનો
- કુલ મુદ્દામાલની કિંમત: ₹4,45,170
કાયદાકીય કાર્યવાહી
આરોપીઓ સામે ધ્રોલ અને જોડીયા પોલીસ સ્ટેશનમાં ભારતીય ન્યાય સંહિતા (BNS) ની કલમ 303(2) હેઠળ ગુના નોંધાયેલા છે. હાલ પોલીસે તમામ આરોપીઓની ધરપકડ કરી વધુ પૂછપરછ હાથ ધરી છે કે આ ગેંગ અન્ય કોઈ ચોરીની ઘટનાઓમાં સંડોવાયેલી છે કે કેમ.
વધુ સમાચાર વાંચવા માટે અંહી ક્લિક કરો
