Gujarat Election: ગુજરાતમાં લાંબા સમયથી જેની પ્રતીક્ષા સેવાઈ રહી હતી તે સ્થાનિક સ્વરાજ્યની ચૂંટણીનો આખરે આગાજ થવા જઈ રહ્યો છે. રાજ્ય ચૂંટણી પંચ દ્વારા આજે સાંજે એક મહત્વપૂર્ણ પ્રેસ કોન્ફરન્સ બોલાવવામાં આવી છે, જેમાં ચૂંટણીની તારીખો અને ફાઈનલ મતદાર યાદીની જાહેરાત થવાની પૂરી શક્યતા છે.
Gujarat Election: શું છે આજની મોટી અપડેટ?
- પ્રેસ કોન્ફરન્સ: આજે સાંજે 5:00 વાગ્યે રાજ્ય ચૂંટણી પંચ મીડિયાને સંબોધશે.
- મતદાર યાદી: SIR (સ્પેશિયલ ઈન્ટેન્સિવ રિવિઝન)ની કામગીરી પૂર્ણ થયા બાદ આજે ફાઈનલ મતદાર યાદી જાહેર કરવામાં આવશે.
- ચૂંટણીની જાહેરાત: માનવામાં આવે છે કે યાદી જાહેર થયાની સાથે જ અથવા આવતીકાલ સુધીમાં ચૂંટણીનું જાહેરનામું પ્રસિદ્ધ થઈ શકે છે.
Gujarat Election: ક્યાં અને કેટલી સંસ્થાઓમાં યોજાશે ચૂંટણી?
આ વખતે ચૂંટણી બે તબક્કામાં યોજાય તેવી શક્યતા છે:
- પ્રથમ તબક્કો: 15 મહાનગરપાલિકાઓ.
- બીજો તબક્કો: 34 જિલ્લા પંચાયતો, 260 તાલુકા પંચાયતો અને 84 નગરપાલિકાઓ.
રાજકીય પક્ષોમાં સળવળાટ
ચૂંટણીની આહટ વાગતા જ ભાજપ, કોંગ્રેસ અને આમ આદમી પાર્ટી એક્શન મોડમાં આવી ગયા છે.
- ભાજપ દ્વારા વિવિધ જિલ્લાઓમાં નિરીક્ષકો મોકલીને ‘સેન્સ’ લેવાની પ્રક્રિયા તેજ કરી દેવામાં આવી છે.
- વહીવટદારોના શાસન હેઠળ રહેલી સંસ્થાઓમાં હવે ફરી લોકશાહી ઢબે પ્રતિનિધિઓ ચૂંટવા માટે ઉમેદવારોની પસંદગીની કવાયત શરૂ થઈ છે.
ઇતિહાસ પર એક નજર
છેલ્લે 2021માં 23 જાન્યુઆરીએ ચૂંટણીની જાહેરાત થઈ હતી અને ફેબ્રુઆરી-માર્ચ સુધીમાં પ્રક્રિયા પૂર્ણ થઈ હતી. આ વખતે SIR કામગીરીને કારણે થોડો વિલંબ થયો છે, પરંતુ હવે ટૂંક સમયમાં આચારસંહિતા લાગુ થઈ શકે છે.
વધુ સમાચાર વાંચવા માટે અંહી ક્લિક કરો : ગુજરાતમાં શિક્ષણ ક્ષેત્રે ‘મહાભરતી’: 11,000 વિદ્યાસહાયકોની નિમણૂક થશે, 15 એપ્રિલથી ફોર્મ ભરાશે
